കോൺഗ്രസ് ജന്മദിന ചലഞ്ച് 137 രൂപ !!! ആദ്യഘട്ടമായി 1000 ചലഞ്ചുകൾ ഏറ്റെടുത്ത് ഒഐസിസി യുഎസ്‌എ.

പി.പി.ചെറിയാൻ. 

ഹൂസ്റ്റൺ : ഡിസംബർ 28 ന് ഇന്ത്യൻ നാഷണൽ കോൺഗ്രസ്സിന്റെ 137 ആം ജന്മ ദിനത്തോടനുബന്ധിച്ച് കെ.പി.സി.സി ആരംഭിച്ച 137 രൂപ ചലഞ്ചിന്റെ ഭാഗമാകാൻ ഒഐസിസി യൂഎസ്എ യും.  കെപിസിസി യുടെ ഫണ്ട് ശേഖരണത്തിനായാണ് ഈ ചലഞ്ചിന്  തുടക്കം കുറിച്ചത്. 137 രൂപയോ അതിന്റെ ഗുണിതങ്ങളായോ സംഭാവന നൽകാം. ഓൺലൈൻ ആയും പണം അയക്കാം. ഇതിനായുള്ള അക്കൗണ്ട് വിശദാ ശങ്ങൾ ചുവടെ ചേർക്കുന്നു.

ഈ ചലഞ്ച് അമേരിക്കയിലും ഒരു തരംഗമാക്കാൻ ഒരുങ്ങുകയാണ് ഓവർസീസ് ഇന്ത്യൻ  കൾച്ചറൽ കോൺഗ്രസ് പ്രവർത്തകർ. ഈ പരിപാടിയുടെ ആദ്യഘട്ടമായി 1,37,000 രൂപ ( 1000 ചലഞ്ച്) ഇവിടെയുള്ള പ്രവർത്തകർ “കോൺഗ്രസിന്റെ കുതിപ്പിന് എന്റെ സ്നേഹ സമ്മാന” മായി കെപിസിസി ഫണ്ടിൽ  അടയ്ക്കും. ചലഞ്ചിന്റെ ഭാഗമായി പണം അയക്കുന്നവർ മെമ്മോയിൽ ‘OICC USA ‘ എന്ന് ചേർക്കേണ്ടതാണ്. ജനുവരി 26 വരെയാണ്  ഈ ഫണ്ട് സ്വീകരിക്കുന്നത്.  

കേരളാ പ്രദേശ് കോൺഗ്രസ് കമ്മിറ്റിയുടെ നേരിട്ടുള്ള നിയന്ത്രണത്തിൽ,  ഒഐസിസി യുഎസ്എ യുടെ നേതൃത്വത്തിൽ  കേരളത്തിലെ കോൺഗ്രസിനെ ശക്തിപ്പെടുത്താനുള്ള നീക്കത്തിൽ അമേരിക്കയിലുള്ള എല്ലാ കോൺഗ്രസ് പ്രവർത്തകരുടെയും സഹകരണവും പിന്തുണയും പ്രതീക്ഷിക്കുന്നുവെന്ന് ഒഐസിസി നാഷണൽ കോർഡിനേറ്റർ ജെയിംസ് കൂടൽ, നോർത്ത്, സൗത്ത് റീജിയണൽ കോർഡിനേറ്റർമാരായ സന്തോഷ് ഏബ്രഹാം, ജീമോൻ റാന്നി എന്നിവർ അറിയിച്ചു.

State Bank of India
Sasthamangalam Branch, Thiruvananthapuram
Account Holder Name : Kerala Pradess Congress Committee
Account : 40672065556  
IFSC :SBIN0070023

കൂടുതൽ വിവരങ്ങൾക്ക് ബന്ധപ്പെടുക – 346 773 0074