ബ്രിട്ടണില്‍ നിന്നുള്ള വിമാനങ്ങള്‍ക്കുള്ള വിലക്ക് നീട്ടിയേക്കും

ന്യൂഡല്‍ഹി: ജനിതക മാറ്റം സംഭവിച്ച കൊറോണ വൈറസ് ബ്രിട്ടണില്‍ നിന്നും ഇന്ത്യയില്‍ എത്തുകയും അതിന്റെ സാന്നിധ്യം സ്ഥിരീകരിക്കുകയും ചെയ്തതിന്റെ പശ്ചാത്തലത്തില്‍ ബ്രിട്ടണില്‍ നിന്നുള്ള വിമാന സര്‍വീസുകള്‍ക്കുള്ള വിലക്ക് ചിലപ്പോള്‍ നീട്ടാന്‍ സാധ്യതയുണ്ടെന്ന വ്യോമയാന മന്ത്രി ഹര്‍ദീപ് സിങ് പുരി പ്രഖ്യാപിച്ചു. എന്നാല്‍ ഈ നിയന്ത്രണങ്ങള്‍ ഒരു നിശ്ചിത കാലത്തേക്ക് മാത്രമായിരിക്കുമെന്നും അദ്ദേഹം വെളിപ്പെടുത്തി.

നിലവിലുള്ള മറ്റു യാത്രാ നിയന്ത്രണങ്ങളില്‍ മാറ്റം വരുത്തുന്ന കാര്യം പരിഗണനയിലാണെന്ന് അദ്ദേഹം വ്യക്തമാക്കി. അടുത്ത ദിവസങ്ങളില്‍ ഇവയെക്കുറിച്ച് വിശദമായി ചര്‍ച്ച ചെയ്തതിന് ശേഷം തീരുമാനിക്കുമെന്നും അദ്ദേഹം ട്വിറ്ററില്‍ വെളിപ്പെടുത്തി.