പാറശാലയിൽ ഭർത്താവ് ഭാര്യയെ വെട്ടിക്കൊലപ്പെടുത്തി

തിരുവനന്തപുരം പാറശാലയിൽ ഭർത്താവ് ഭാര്യയെ വെട്ടിക്കൊലപ്പെടുത്തി. കുഴിഞ്ഞാൻവിള സ്വദേശിനി മീനയെ ഭർത്താവ് ഷാജിയാണ് വെട്ടി കൊലപ്പെടുത്തിയത്. ഇന്നലെ രാത്രി 11 ഓടെയായിരുന്നു സംഭവം നടന്നത്. കുടുംബ പ്രശ്നങ്ങളാണ് കൊലപാതകത്തിനു കാരണമെന്നാണ് പ്രാഥമിക നിഗമനം.

വെട്ടേറ്റ് ഗുരുതരമായി പരുക്കേറ്റ മീനയെ തിരുവനന്തപുരം മെഡിക്കൽ കോളജ് ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല. ഷാജി നിരന്തരം മദ്യപിച്ചെത്തി ഭാര്യയുമായി വഴക്കുണ്ടാക്കാറുണ്ടെന്ന് ബന്ധുക്കൾ പറഞ്ഞു. കോല ചെയ്ത ശേഷം ഷാജി പോലീസിൽ കീഴടങ്ങി.