ഭ.ഭ.ബ; ഗോകുലം മൂവീസിൻ്റെ ചിത്രം ധനഞ്ജയ് ശങ്കർ സംവിധായകൻ ദിലീപ്, വിനീത് ശ്രീനിവാസൻ, ധ്യാൻ ശ്രീനിവാസൻ മുഖ്യവേഷങ്ങളിൽ

ദിലീപിൻ്റെ ജൻമദിനത്തിൽ ശ്രീ ഗോകുലം മൂവീസിൻ്റെ ബാനറിൽ ഗോകുലം ഗോപാലൻ അനൗൺസ് ചെയ്യുന്ന ചിത്രമാണ് ഭ.ഭ.ബ.

നവാഗതനായ ധനഞ്ജയ് ശങ്കർ ഈ ചിത്രം സംവിധാനം ചെയ്യുന്നു.

വിനീത് ശ്രീനിവാസനോടൊപ്പം പ്രധാന സഹായിയായി സംവിധാന രംഗത്തു പ്രവർത്തിച്ചു പോരുകയാണ് ധനഞ്ജയ്.

പേരു കേൾക്കുമ്പോഴുള്ള കൗതുകം പോലെ തന്നെ മാസ് ഫൺ ആക്ഷൻ അഡ്വഞ്ചർമാഡ്നെസ് (Madness ) സിനിമയായിരിക്കുമിത്. അതുകൊണ്ടു തന്നെ ചിത്രത്തിൻ്റെ മറ്റു വിശദാംശങ്ങളിലേക്കൊന്നും അധികം കടക്കുന്നില്ല.

വലിയ മുതൽ മുടക്കിൽ ഒരുക്കുന്ന ഈ ചിത്രത്തിൽ ദിലീപും വിനീത് ശ്രീനിവാസനും കേന്ദ്രകഥാപാത്രങ്ങളെ അവതരിപ്പിക്കുന്നു. ധ്യാൻ ശ്രീനിവാസനും മുഖ്യമായ ഒരു കഥാപാത്രത്തെ അവതരിപ്പിക്കുന്നു. ഇവർക്കു പുറമേ മലയാളത്തിലെയും തമിഴിലെയും  പ്രമുഖരായ നിരവധി താരങ്ങളും അണിനിരക്കുന്നു.

ഫാഹിം സഫറും നടി നൂറിൻ ഷെറീഫുമാണ് ഈ ചിത്രത്തിൻ്റെ രചന നിർവ്വഹിക്കുന്നത്.

ചിത്രത്തിൻ്റെ മറ്റ് അണിയറ പ്രവർത്തകരുകയും അഭിനേതാക്കളുടേയുംനിർണ്ണയം പൂർത്തിയായി വരുന്നു.

കോ- പ്രൊഡ്യൂസേർസ് . വി.സി. പ്രവീൺ – ബൈജു ഗോപാലൻ.

എക്സിക്കുട്ടീവ് പ്രൊഡ്യൂസർ – കൃഷ്ണമൂർത്തി.

പ്രൊഡക്ഷൻ കൺട്രോളർ – സുരേഷ് മിത്രക്കരി.

പുതുവർഷത്തിൽ ചിത്രീകരണം ആരംഭിക്കുന്ന ഈ ചിത്രത്തിൻ്റെ ചിത്രീകരണം പ്രധാനമായും പൊള്ളാച്ചി കേന്ദ്രീകരിച്ചാണു നടക്കുന്നത്.

വാഴൂർ ജോസ്.

ഫോട്ടോ – ബിജിത്ത് ധർമ്മടം.

GNN MOVIE NEWS  നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക

Follow this link to join our WhatsApp group:

https://chat.whatsapp.com/Fvb5dzrOEnRCV2ReS4R7Gb