കൊത്ത് -പ്രദർശനത്തിന്

സിബി മലയിൽ സംവിധാനം ചെയ്യുന്ന കൊത്ത് എ ന്ന ചിത്രം യു.എ.സർട്ടിഫിക്കറ്റോടെ സെൻസർ ചെയ്യപ്പെട്ടു. ശക്തമായ സാമൂഹ്യ വിഷയം കുടുംബ ബന്ധങ്ങളുടെയും സൗഹൃദത്തിൻ്റെയും പശ്ചാത്തലത്തിലൂടെ അവതരിപ്പിക്കുകയാണ് ഈ ചിത്രത്തിലൂടെ,
തീവ്രമായ കാഴ്ച്ചപ്പാടുകൾ വച്ചുപുലർത്തുന്ന രണ്ടു ചെറുപ്പക്കാരുടെ കഥയാണ് ഈ ചിത്രം പറയുന്നത്.

ആസിഫ് അലിയും റോഷൻ മാത്യുവുമാണ് ഈ കഥാപാത്രങ്ങളെ അവതരിപ്പിക്കുന്നത്.
നിഖിലാ വിമലാണ് നായിക.
ഗോൾഡ് ക്വയിൻ മോഷൻ പിക്ച്ചേർസിൻ്റെ ബാനറിൽ രഞ്ജിത്തും പി.എം.ശശിധരനും ചേർന്നാണ് ഈ ചിത്രം നിർമ്മിക്കുന്നത്.
യു. എ. സർട്ടിഫിക്കറ്റിൻ്റെ അറിയാപ്പുമായി എത്തിയ കൊത്തിൻ്റെ പോസ്റ്റർ സോഷ്യൽ മീഡിയായിൽ ഇതിനകം വലിയ പ്രതികരണമാണ് സൃഷ്ടിച്ചിരിക്കുന്നത്.

രഞ്ജിത്ത് ഈ ചിത്രത്തിലെ മറ്റൊരു പ്രധാന കഥാപാത്രത്തെ അവതരിപ്പിക്കുന്നു. ശ്രീജിത്ത് രവി
വിജിലേഷ്, ശ്രീലഷ്മി, ശിവൻ സോപാനം,, അതുൽ രാംകുമാർ, ദിനേശ് ആലപ്പി ,എന്നിവരും നിരവധി പുതുമുഖങ്ങളും ഈ ചിത്രത്തിലണി നിരക്കുന്നു.
മികച്ച നാടകകൃത്തിനുള്ള സംസ്ഥാന സർക്കാരിൻ്റെ പുരസ്ക്കാരം നിരവധി തവണ കരസ്ഥമാക്കിയിട്ടുള്ള ഹേമന്ത് കുമാറിൻ്റേതാണ് രചന.
മനു മഞ്ജിത്ത് – ഹരി നാരായണൻ എന്നിവരുടെ വരികൾക്ക് ഈണം പകർന്നിരിക്കുന്നത് കൈലാസ് മേനോൻ ഈണം പകർന്നിരിക്കുന്നു.

കലാസംവിധാനം – പ്രശാന്ത് മാധവ്.
എക്സിക്കുട്ടീവ് പ്രൊഡ്യൂസർ – അഗ്നിവേശ് രഞ്ജിത്ത്.
പ്രൊഡക്ഷൻ കൺട്രോളർ- ബാദ്ഷ –
ആഗസ്റ്റ് മാസത്തിൽ ഈ ചിത്രം പ്രദർശനത്തിനെത്തുന്നു.
വാഴൂർ ജോസ്.