നായാട്ടിലെ ഐജി ക്രൈംബ്രാഞ്ച് സെജു ഈപ്പന്റെ കൈകളിൽ ഭദ്രം

മാര്‍ട്ടിന്‍ പ്രക്കാട്ടിന്റെ സംവിധാനത്തിലൊരുങ്ങിയ ഒരു ഹിറ്റ് സിനിമയാണ് നായാട്ട്. നായാട്ടില്‍ ഒരു സുപ്രധാന കഥാപാത്രമായാണ് സെജു ഈപ്പന്‍ എത്തുന്നത്. ക്രൈംബ്രാഞ്ച് ഐജിയായി പല തന്ത്രങ്ങളും പയറ്റി ആവശ്യങ്ങൾ നേടിയെടുക്കുന്ന നെഗോഷ്യേറ്ററായി വന്നിരിക്കുന്നത് സെജു ഈപ്പനാണ്. പരസ്യചിത്ര മേഖലകളിൽ ഏറെക്കാലം നിന്നിരുന്ന മാർട്ടിൻ പ്രക്കാട്ട് തന്നെയാണ് സെജുവിന്റെ വേഷത്തിനു പിന്നിൽ.

1999 ൽ മലയാളി സംവിധാനം ചെയ്ത നാഷ്ണൽ ഫിലിം അവാർഡ് കരസ്ഥമാക്കിയ അമീർ ഖാൻ മൂവിയായ ‘സർഫറോഷ്’ ലെ ഇൻസ്‌പെക്ടർ സലീമിനെ ഓർമ്മപ്പെടുത്തുന്ന വേഷമാണ് സെജു ഈപ്പന്‍ ചെയ്തിരിക്കുന്നത്, അത് എടുത്തു പറയേണ്ട ഒന്നാണ്.

കോട്ടയം ജില്ലയിലെ മരങ്ങാട്ട്പിള്ളിയിൽ. 1973 മെയ് 31നാണ് സെജു ഈപ്പന്‍ ജനിച്ചത്. സ്കൂളിംഗും കോളേജ് ബിരുദങ്ങളും പൂർത്തിയാക്കിയ സെജു ചെന്നൈ യൂണിവേഴ്സിറ്റിയിൽ നിന്ന് എം ബി എ മാസ്റ്റർ ബിരുദം കരസ്ഥമാക്കി. തുടർന്ന് ഉഷ ഇന്റർനാഷണലിൽ മാനേജ്മെന്റ് ട്രെയിനിയായും ,1997ൽ ക്രോംപ്റ്റൺ ഗ്രീവ്സിൽ സെയിൽസ് എക്സിക്യൂട്ടീവുമായി ജോലി ചെയ്തു.

2006ൽ ബെർജർ പെയിന്റ്സിൽ ജോയിൻ ചെയ്ത സെജു നിലവിൽ അതിന്റെ കേരള തമിഴ്നാട് ചുമതലകൾ വഹിക്കുന്ന ഡെപ്യൂട്ടി ജനറൽ മാനേജരായി ജോലി നോക്കുന്നു. ഭാര്യ ; വിൻസി(ജേർണലിസ്റ്റ്‌ ), മക്കൾ : അമിത്ത്, രോഹിത്, ഋതിക്.