ക്രൈം ത്രില്ലർ പശ്ചാത്തലത്തിൽ പാതിരാത്രി ഒഫീഷ്യൽ ട്രയിലർ എത്തി

പാതിരാത്രി എന്നു പറയുമ്പോൾത്തന്നെ ആ രാത്രിയുടെ ചില ദുരൂഹതകൾ പൊതുസ്വഭാവത്തോടെ നമ്മളുടെ മുന്നിലെത്തും.ഇവിടെ ഇതു സൂചിപ്പിച്ചത് പാതിരാത്രി എന്ന ചിത്രം നൽകുന്ന സൂചനകൾ കണ്ടിട്ടാണ്. ഈ ചിത്രത്തിൻ്റെ ഇന്നുപുറത്തുവിട്ട ഒഫീഷ്യൽ ട്രയിലറിലെ ചില പ്രസക്ത ഭാഗങ്ങൾ ഈ ദുരൂഹതകളിലേക്കു വിരൽ ചൂണ്ടുന്നു.

അതിലെ ചില രംഗങ്ങൾ നമുക്കൊന്നു 

ശ്രദ്ധിക്കാം.

സാർ നാൽപ്പതു കിലോ ഏലം. മുപ്പത്തിനാലു കിലോ കുരുമുളക്… എട്ട് റബ്ബർ ഷീറ്റ്. പിന്നെ ഒരു ബ്ലൂട്ടൂത്ത് സ്പീക്കർ…

ഈ ബ്ളൂടുത്ത് സ്പീക്കറിൻ്റെ കൂടെ ഒരു സ്കോച്ച് വിസ്ക്കിയുണ്ടായിരുന്നോ?

ഉണ്ടായിരുന്നു സാറെ പക്ഷെ ബോട്ടിലു കാലിയായിരുന്നു.

അൻസാർ അലി വയസ്സ് മുപ്പത്തിയേഴ് … ഉദ്ദേശം പാതിരാത്രിയോടുകൂടി ചെങ്കരയിലുള്ള ഇയാളുടെ വീട്ടിലല്ല  കാണാതായി …

ഇയാളെ കാണാതാകുമ്പോൾ

പച്ചനിറത്തിലുള്ള ട്രാക്ക് സ്യൂട്ടും, പച്ച ടീഷർട്ടും. ധരിച്ചിരിക്കുന്നു…

നിങ്ങളു സൂക്ഷിക്കണം… വേറെ എന്തൊക്കെയോ കളികൾ നടക്കുന്നുണ്ട്.

പാതിരാത്രി ട്രയിലിലെ ഈ രംഗങ്ങൾ ഈ ചിത്രത്തെ ഒരു ത്രില്ലർ സിനിമയിലേക്കു നയിക്കുന്നു എന്നു തികച്ചും അടിവരയിട്ടു സമർത്ഥിക്കുന്നു.

മമ്മൂട്ടി നായകനായ പുഴു എന്ന ചിത്രത്തിനു ശേഷം രത്തീന സംവിധാനം ചെയ്യുന്ന ഈ ചിത്രത്തിൻ്റെ റിലീസ്സിനു മുന്നോടിയായി പുറത്തുവിട്ടതാണ് ഈ ട്രയിലർ.

ചിത്രത്തിലുടനീളം സസ്പെൻസും, ദുരൂഹതയും കോർത്തിണക്കി യിട്ടുള്ള ഈ ചിത്രത്തിൻ്റെ ട്രയിലർ കുറഞ്ഞ സമയം കൊണ്ടുതന്നെ സമൂഹ മാധ്യമങ്ങളിൽ വലിയ തരംഗമാണ് സൃഷ്ടിച്ചിരിക്കുന്നത്.

ബെൻസി പ്രൊഡക്ഷൻസിൻ്റെ ബാനറിൽ ഡോ. അബ്ദുൾ നാസർ, ആഷിയാ നാസർ

എന്നിവരാണ് ഈ ചിത്രം നിർമ്മിക്കുന്നത്.

ഹൈറേഞ്ചിലെ ഒരു ഗ്രാമത്തിൽ

ഒരു രാത്രിയിൽ നടക്കുന്നതാണ് ഈ ചിത്രത്തിൻ്റെ കഥ.

രണ്ടു പൊലീസ് ഉദ്യോഗസ്ഥരുടെ കേസന്വേഷണത്തിൻ്റെ പശ്ചാത്തലത്തിലൂടെ യാണ് ചിത്രത്തിൻ്റെ സഞ്ചാരം.

നവ്യാനായരും, സൗബിൻ ഷാഹിറും കേന്ദ്ര കഥാപാത്രങ്ങളെ അവതരിപ്പിക്കുന്ന ഈ ചിത്രത്തിൽ സണ്ണി വെയ്നും, ആൻ അഗസ്റ്റിനും നിർണ്ണായകമായ കഥാപാത്രങ്ങളെ അവതരിപ്പിക്കുന്നു.

 ശബരിഷ്, ഹരിശ്രീ അശോകൻ, ഇന്ദ്രൻസ്, എന്നിവരും പ്രധാന താരങ്ങളാണ്.

ഷാജി മാറാടാണ് ഈ ചിത്രത്തിൻ്റെ തിരക്കഥ  രചിച്ചിരിക്കുന്നത്.

സംഗീതം – ജയ്ക്ക് ബിജോയ്സ്.

ഛായാഗ്രഹണം ഷഹ്‌നാദ് ജലാൽ.

എഡിറ്റിംഗ് – ശ്രീജിത്ത് സാരംഗ്.

കലാസംവിധാനം – ദിലീപ് നാഥ്.

ചമയം – ഷാജി പുൽപ്പള്ളി.

കോസ്റ്റ്യും – ഡിസൈൻ -ധന്യാ ബാലകൃഷ്ണൻ.

സംഘട്ടനം – പി.സി. സ്റ്റണ്ട്സ്.

ചീഫ് അസ്സോസ്സിയേറ്റ് ഡയറക്ടർ – അജിത് വേലായുധൻ.

അസ്സോസ്സിയേറ്റ് ഡയറക്ടർ – സിബിൻ രാജ്

പരസ്യകല – യെല്ലോ ടൂത്ത്

പ്രോജക്റ്റ് ഹെഡ് -റിനി അനിൽകുമാർ.

പ്രൊഡക്ഷൻ മാനേജർ – ജോബി ജോൺ

പ്രൊഡക്ഷൻ എക്സിക്കുട്ടീവ് – രാജേഷ് സുന്ദരം

പ്രൊഡക്ഷൻ കൺട്രോളർ പ്രശാന്ത് നാരായണൻ

കുമളി, അണക്കര, കൊച്ചി എന്നിവിടങ്ങ

ളിലായി ചിത്രീകരണം പൂർത്തിയായ ഈ ചിത്രത്തിൻ്റെ നിർമ്മാണ പ്രവർത്തനങ്ങൾ പൂർത്തിയായി വരുന്നു.

ഡ്രീം ബിഗ് ഫിലിംസ് ഈ ചിത്രം പ്രദർശനത്തിനെത്തിക്കുന്നു.

വാഴൂർ ജോസ്.

ഫോട്ടോ – നവീൻ മുരളി

Follow Us on Instagram!

GNN24X7 IRELAND :

https://www.instagram.com/gnn24x7.ie?igsh=YzljYTk1ODg3Zg==

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb