വാർണർ മീഡിയ എച്ച്ബി‌ഒ, ഡബ്ല്യുബി ടിവി ചാനലുകൾ ഇന്ത്യയില്‍ സംപ്രേഷണം അവസാനിപ്പിക്കുന്നു

ന്യൂദല്‍ഹി: വാർണർ മീഡിയ ഇന്ത്യയിലെ എച്ച്ബി‌ഒ, ഡബ്ല്യുബി ടിവി ചാനലുകൾ നിർത്തലാക്കും. ഇന്ത്യയ്ക്ക് പുറമെ മാലിദ്വീപ്, പാക്കിസ്ഥാന്‍, ബംഗ്ലാദേശ് എന്നിവിടങ്ങളിലെയും സംപ്രേഷണം അവസാനിപ്പിക്കാനാണ് തീരുമാനം.

ഒരു ദശാബ്ദത്തിലേറെയായി ഈ മേഖലയിൽ പ്രവർത്തിച്ചിട്ടും ദക്ഷിണേഷ്യയിൽ സുസ്ഥിരമായ ഒരു ബിസിനസ് മോഡൽ കണ്ടെത്താൻ കഴിയാത്ത സാഹചര്യത്തിലാണ് സംപ്രേക്ഷണം അവസാനിപ്പിക്കാന്‍ തീരുമാനിച്ചത്.

ദക്ഷിണേഷ്യയിലെ എച്ച്ബി‌ഒ ലീനിയർ മൂവി ചാനലിന് 20 വർഷത്തെ വിജയത്തിനും ഡബ്ല്യുബി ലീനിയർ മൂവി ചാനലിനൊപ്പം ഒരു ദശകത്തിലേറെ വിജയത്തിനും ശേഷം, ഇത് എടുക്കാൻ ബുദ്ധിമുട്ടുള്ള തീരുമാനമായിരുന്നു

ബാര്‍ക്കിന്റെ കണക്കുകള്‍ പ്രകാരം കഴിഞ്ഞ മാസം ഇന്ത്യയില്‍ സ്റ്റാര്‍ മൂവിസ്, സോണി പിക്‌സ് എന്നീ ചാനലുകളേക്കാള്‍ കാഴ്ച്ചക്കാര്‍.കുറവായിരുന്നു എച്ച.ബി.ഓ ക്ക്.

അതേസമയം കാര്‍ട്ടൂണ്‍ നെറ്റ്‌വര്‍ക്ക് പോഗോ സിഎന്‍എന്‍ ഇന്റര്‍നാഷണല്‍ എന്നീ ചാനലുകൾ രാജ്യത്ത് സംപ്രേക്ഷണം ചെയ്യുന്നത് തുടരുമെന്ന് വാര്‍ണര്‍ മീഡിയ വ്യക്തമാക്കി.

നേരത്തെ എ.എക്‌സ്.എന്‍ ചാനലും ഇന്ത്യയടക്കമുള്ള രാജ്യങ്ങളില്‍ സംപ്രേഷണം അവസാനിപ്പിച്ചിരുന്നു.