കാനഡയിൽ വിമാനാപകടത്തിൽ ഇന്ത്യക്കാരായ രണ്ട് പൈലറ്റുമാർ മരിച്ചു

കാനഡയിലെ ബ്രിട്ടീഷ് കൊളംബിയ പ്രവിശ്യയിലുണ്ടായ വിമാനപകടത്തിൽ ഇന്ത്യക്കാരായ രണ്ട് ട്രെയ്നി പൈലറ്റുകളുൾപ്പടെ മൂന്ന് പേർ മരിച്ചതായി റിപ്പോട്ട്. മുബൈ സ്വദേശികളായ അഭയ് ദ്രു, യാഷ് വിജയ് രാമുഗഡെ എന്നിവരാണ് ശനിയാഴ്ചയുണ്ടായ അപകടത്തിൽ മരിച്ചത്. വാൻകൂവറിൽ നിന്ന് 100 കിലോമീറ്റർ അകലെ ചില്ലിവാക്കിലുള്ള ഒരു വിമാനത്താവളത്തിന് സമീപം Piper PA-34 Seneca എന്ന ചെറുവിമാനമാണ് അപകടത്തിൽപ്പെട്ടത്. ഇന്ത്യക്കാരെ കൂടാതെ മറ്റൊരു പൈലറ്റും മരിച്ചതായി അധികൃതർ അറിയിച്ചു.

മരിച്ചവരുടെ ബന്ധുക്കളെ വിവരം അറിയിക്കാനുള്ള നടപടികൾ നടക്കുകയാണെന്ന് റോയൽ കനേഡിയൻ മൗണ്ടഡ് പോലീസ് (ആർസിഎംപി) അറിയിച്ചു. അപകടവുമായി ബന്ധപ്പെട്ട മറ്റ് വിവരങ്ങൾ ഉദ്യോഗസ്ഥർ പുറത്തു വിട്ടിട്ടില്ല. കാനഡയിലെ ഗതാഗത സുരക്ഷാ ബോർഡ് അന്വേഷണം ആരംഭിച്ചിട്ടുണ്ട്.

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://whatsapp.com/channel/0029Va4AM6UElagtUTDuQQ0S