ന്യൂദല്ഹി: കര്ഷകരെ വഴിയാധാരമാക്കുന്ന കേന്ദ്ര ഓഡിനന്സുകള്ക്കെതിരെ ഹരിയാനയിലും പഞ്ചാബിലുമാരംഭിച്ച പ്രതിഷേധം ഉത്തര്പ്രദേശിലേക്കും പടരുന്നു. വരും ദിവസങ്ങളില് രാജ്യത്തിന്റെ മറ്റ് ഭാഗങ്ങളിലെ കര്ഷകരും തങ്ങളുടെ ജീവിതോപാധി ഇല്ലാതാക്കുന്ന കേന്ദ്ര സര്ക്കാരിന്റെ ഓഡിനന്സിനെതിരെ തെരുവുകളില് അണിനിരക്കുമെന്നാണ് റിപ്പോര്ട്ടുകള്. ദേശീയ പാതയില് അണിനിരന്നാണ് ഹരിയാനയിലെ കര്ഷകര് പ്രതിഷേധത്തിന് നേതൃത്വം നല്കിയത്
ഭക്ഷ്യധാന്യ സംഭരണത്തിന്റെ മിനിമം താങ്ങുവില സമ്പ്രദായം ഇല്ലാതാക്കുന്നതും, രാജ്യത്തിന്റെ കാര്ഷിക മേഖലയെ സ്വകാര്യ മേഖലയ്ക്ക് തീറെഴുതി കൊടുക്കുന്നതുമാണ് കേന്ദ്ര സര്ക്കാരിന്റെ പുതിയ ഓഡിനന്സ് എന്ന് കര്ഷകര് പറയുന്നു.
എസന്ഷ്യല് കമോഡിറ്റീസ്(അമന്ഡ്മെന്റ്) ഓഡിനന്സ്, ഫാര്മേഴ്സ് (എംപവര്മെന്റ് അന്ഡ് പ്രൊട്ടക്ഷന്) എഗ്രിമെന്റ് ഓണ് പ്രൈസ് അഷ്യുറന്സ് ആന്ഡ് ഫാം സെര്വീസ് ഓഡിനന്സ്, ഫാര്മേഴ്സ് പ്രൊഡ്യൂസ് ട്രേഡ് ആന്ഡ് കൊമേഴ്സ് ഓഡിനന്സ് എന്നിവയ്ക്കെതിരെയാണ് കര്ഷകര് പ്രതിഷേധം നടത്തുന്നത്.
കാര്ഷിക ഉത്പന്നങ്ങള്ക്ക് കര്ഷകര്ക്ക് മെച്ചപ്പെട്ട വില ലഭിക്കാന് ഓഡിനന്സ് ഹായിക്കുമെന്നാണ് കേന്ദ്ര സര്ക്കാര് വാദിക്കുന്നത്. എന്നാല് കേന്ദ്ര നടപടി കര്ഷകരെ വലിയ ദുരിതത്തിലേക്ക് തള്ളിവിടുമെന്ന് കര്ഷക സംഘടനകളും പറയുന്നു. സെപ്തംബര് പതിനാലിന് പാര്ലമെന്റ് ചേരാനിരിക്കെയാണ് കര്ഷകര് പ്രതിഷേധം ശക്തമാക്കി രംഗത്തെത്തിയത്.
സര്ക്കാരിന്റെ നീക്കം പൂര്ണമായും കാര്ഷിക മേഖലയെ കോര്പ്പറേറ്റുകള്ക്ക് തീറെഴുതി കൊടുക്കുന്നതാണെന്ന് അഖിലേന്ത്യ കിസാന് സംഘര്ഷ് കോഡിനേഷന് കമ്മിറ്റി(ഐ.കെ.എസ്.സി.സി)പറഞ്ഞു.
മഹാരാഷ്ട്ര, കര്ണാടക, കേരള, തമിഴ്നാട്, ബീഹാര്, മധ്യപ്രദേശ് എന്നിവിടങ്ങളിലെ കര്ഷകരോടും സെപ്തംബര് പതിനാലിന് പാര്ലമെന്റ് സമ്മേളനം നടക്കുമ്പോള് പ്രതിഷേധത്തില് അണിനിരക്കാനും എ.ഐ.കെ.എസ്.സി.സി ആവശ്യപ്പെട്ടിട്ടുണ്ട്.
നടിയെ ആക്രമിച്ച കേസിൽ നടൻ ദിലീപ് കുറ്റവിമുക്തൻ. എറണാകുളം പ്രിൻസിപ്പൽ സെഷൻസ് കോടതിയാണ് വിധി പറഞ്ഞത്.അതേസമയം, ഒന്ന് മുതൽ ആറുവരെയുള്ള…
നടിയെ ആക്രമിച്ച കേസിൽ ഇന്ന് വിധി പറയും. സംഭവം നടന്ന് എട്ട് വർഷത്തിന് ശേഷമാണ് വിചാരണ കോടതി കേസിൽ വിധി…
ഡൽഹി: റഷ്യൻ പ്രസിഡൻറ് വ്ളാദിമിർ പുടിന്റെ ഇന്ത്യ സന്ദർശനം വൻ വിജയമെന്ന് ഇന്ത്യാ ഗവൺമെൻ്റ. എന്നും ഓർമ്മിക്കപ്പെടുന്ന സന്ദർശനമാവും ഇതെന്നും…
വിശ്വാസ്, വധുവിനെ തേടുന്നു എന്ന പരസ്യം സമൂഹമാധ്യമങ്ങളിൽ കഴിഞ്ഞ ദിവസങ്ങളിൽ പ്രത്യക്ഷപ്പെട്ടിരുന്നു. റെജി ഫോട്ടോ പാർക്ക് സംവിധാനം ചെയ്യുന്ന കാഞ്ചി…
അയർലണ്ടിലെ വിവിധ ക്രൈസ്തവ സഭകളുടെ സംഗമ വേദിയാകുന്ന 'Shubaho- ECUMENICAL CHRISTMAS CAROL SERVICE' ഇന്ന്. കേരള ക്രിസ്ത്യൻ യൂണിയൻ…
ഭാവിയിൽ തലസ്ഥാനത്ത് ഭവന നിർമ്മാണത്തിന് നിർണായകമായ ഡബ്ലിൻ ഡ്രെയിനേജ് പ്രോജക്ടുമായി മുന്നോട്ടുപോകുമെന്ന് നിയമപരമായ കരാറിൽ എത്തിയതായി Uisce Éireann പ്രഖ്യാപിച്ചു.…