മഹാത്മാഗാന്ധിയുടെ 151-ാം ജന്മവാർഷിക ദിനത്തിൽ രാജ്ഘട്ടിലെത്തി പുഷ്പാഞ്ജലി അർപ്പിച്ച് പ്രധാനമന്ത്രി

ന്യുഡൽഹി: മഹാത്മാഗാന്ധിയുടെ 151-ാം ജന്മവാർഷിക ദിനത്തിൽ രാജ്ഘട്ടിലെത്തി പ്രധാനമന്ത്രി നരേന്ദ്ര മോദി പുഷ്പാഞ്ജലി അർപ്പിച്ചു. മറ്റു പ്രമുഖ രാഷ്ട്രീയ നേതാക്കളും പുഷ്പ്പാഞ്ജലി അർപ്പിക്കാൻ രാജ്ഘട്ടിലെത്തിയിരുന്നു.

അതിനു ശേഷം പ്രധാനമന്ത്രി വിജയ് ഘട്ടിലെത്തി മുൻ പ്രധാനമന്ത്രി ലാൽ ബഹാദൂർ ശാസ്ത്രിയ്ക്കും പുഷ്പാഞ്ജലി അർപ്പിച്ചു.

പ്രിയപ്പെട്ട ബാപ്പുവിനെ ഞങ്ങൾ നമിക്കുന്നു, അദ്ദേഹത്തിന്റെ ജീവിതത്തിൽ നിന്നും ചിന്തകളിൽ നിന്നും ധാരാളം കാര്യങ്ങൾ പഠിക്കാനുണ്ടെന്നും, സമ്പന്നവും അനുകമ്പയുള്ളതുമായ ഒരു ഇന്ത്യ സൃഷ്ടിക്കുന്നതിന് ബാപ്പുവിന്റെ ആശയങ്ങൾ നമ്മെ നയിക്കുന്നുവെന്നും പ്രധാനമന്ത്രി ട്വീറ്റ് ചെയ്തിരുന്നു.