ജപ്പാനിൽ ബാക്ടീരിയൽ അണുബാധയായ STSS പടരുന്നു; യുകെയിലും, അയർലണ്ടിലും സ്‌ട്രെപ് എ കേസുകൾ വർധിക്കുന്നു

സ്ട്രെപ്റ്റോകോക്കൽ ടോക്സിക് ഷോക്ക് സിൻഡ്രോം അല്ലെങ്കിൽ STSS എന്ന് വിളിക്കപ്പെടുന്ന മാരകമായ ബാക്ടീരിയൽ അണുബാധ ജപ്പാനിൽ പടരുന്നു. ജപ്പാനിലെ നാഷണൽ ഇൻസ്റ്റിറ്റ്യൂട്ട് ഓഫ് ഇൻഫെക്ഷ്യസ് ഡിസീസസ് മാർച്ചിൽ ഇതു ശബന്ധിച്ച് പ്രസ്താവന പുറപ്പെടുവിച്ചു. രാജ്യത്ത് എസ്ടിഎസ്എസ് വർദ്ധിക്കുന്നതായി ആരോഗ്യ മന്ത്രാലയം മുന്നറിയിപ്പ് നൽകി. ഈ വർഷം ജൂൺ 2 വരെ, ജപ്പാനിൽ 977 കേസുകൾ റിപ്പോർട്ട് ചെയ്തു.ഈ വർഷം ഇതുവരെ യുഎസിൽ റിപ്പോർട്ട് ചെയ്ത സംഖ്യയുടെ ഏകദേശം രണ്ടര ഇരട്ടിയാണിത്. കഴിഞ്ഞ വർഷം 941 കേസുകളാണ് റിപ്പോർട്ട് ചെയ്തത്.

കൺട്രോൾ ആൻഡ് പ്രിവൻഷൻ്റെ അഭിപ്രായത്തിൽ അപൂർവവും എന്നാൽ ഗുരുതരവുമായ ബാക്ടീരിയൽ അണുബാധയാണ് സ്ടസ്. ജീവന് ഭീഷണിയായെക്കാവുന്ന രോഗമാണിത്. ഗ്രൂപ്പ് എ സ്ട്രെപ്റ്റോകോക്കസ് അല്ലെങ്കിൽ GAS എന്നും അറിയപ്പെടുന്ന സ്ട്രെപ്റ്റോകോക്കസ് പയോജനുകൾ പുറത്തുവിടുന്ന വിഷവസ്തുക്കളാണ് STSS-ന് കാരണമാകുന്നത്, ഇത് സാധാരണയായി തൊണ്ടവേദനയ്ക്കും ചർമ്മ അണുബാധയ്ക്കും കാരണമാകുന്നു, പനി, വിറയൽ, പേശിവേദന, ഓക്കാനം, ഛർദ്ദി എന്നിവ STSS ൻ്റെ ലക്ഷങ്ങളാണ്. കുറഞ്ഞ രക്തസമ്മർദ്ദവും സാധാരണയായി കണ്ടുവരുന്നു.

STSS ഉള്ള 10 പേരിൽ, 3 പേർ അണുബാധ മൂലം മരിക്കുന്നതായി CDC പറയുന്നു. 2022-ൻ്റെ അവസാനം മുതൽ , യുണൈറ്റഡ് കിംഗ്ഡം, അയർലൻഡ്, ഫ്രാൻസ്, നെതർലാൻഡ്‌സ്, സ്വീഡൻ എന്നിവയുൾപ്പെടെ ഒന്നിലധികം രാജ്യങ്ങളിൽ GAS നിരക്ക് വർദ്ധിച്ചു.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb