കാബൂൾ വിമാനത്താവളം എത്രയും വേഗം പ്രവർത്തനക്ഷമമാക്കാൻ താലിബാൻറെ പദ്ധതി; സഹായിക്കാൻ വ്യോമയാന വിദഗ്ധർ

കാബൂൾ വിമാനത്താവളം എത്രയും വേഗം പ്രവർത്തനക്ഷമമാക്കാൻ താലിബാൻ പദ്ധതിയിടുന്നു. താലിബാനെ സഹായിക്കാൻ വ്യോമയാന വിദഗ്ധരുടെ ഒരു സംഘം അഫ്ഗാനിസ്ഥാനിലെ കാബൂളിലെത്തി. ഹമീദ് കർസായി അന്താരാഷ്ട്ര വിമാനത്താവളത്തിൽ എയർപോർട്ട് പ്രവർത്തനം പുനരാരംഭിക്കുന്നതിനെക്കുറിച്ച് ചർച്ച ചെയ്യാൻ സാങ്കേതിക വിദഗ്ദ്ധരുടെ സംഘമടങ്ങിയ ഖത്തർ വിമാനം ബുധനാഴ്ച കാബൂളിൽ ഇറങ്ങിയിരുന്നു.

വിമാനത്താവളത്തിന്റെ പ്രവര്‍ത്തനങ്ങള്‍ പുനസ്ഥാപിക്കുന്നതിലൂടെ രാജ്യത്തെക്കുള്ള പ്രവ‍ർത്തനങ്ങള്‍ സാധാരണ നിലയിലേക്ക് എത്തിക്കുവാനാണ് അവർ ഉദ്ദേശിക്കുന്നത്. ഇതിലൂടെ, അഫ്ഗാനിസ്ഥാനിലേക്ക് ഒഴുകുന്നതിന് മാനുഷിക സഹായം നൽകാനും ഒഴിപ്പിക്കൽ ശ്രമങ്ങൾ പുനരാരംഭിക്കുന്നതുൾപ്പെടെയുള്ള സഞ്ചാര സ്വാതന്ത്ര്യം നൽകാനും ലക്ഷ്യമിടുന്നു.