അയർലണ്ടിൽ നഴ്സിംഗ് ജോലി വാഗ്ദാനം ചെയ്തു കോടികളുടെ തട്ടിപ്പ് നടത്തിയ കൊടുങ്ങല്ലൂർ മേത്തല ശൃംഗപുരം മണലിക്കാട്ടിൽ സൂരജിനെ (35) ഹിൽപാലസ് പൊലീസ് അറസ്റ്റ് ചെയ്തു. അയർലണ്ടിൽ സ്ഥിര താമസക്കാരനായ സൂരജ് ഹെൽത്ത് കെയർ അസിസ്റ്റന്റ്, നേഴ്സ് ജോലികൾക്കായിക്കായി വിസ ശരിയാക്കി നൽകാം എന്നു തെറ്റിദ്ധരിപ്പിച്ച് നിരവധി പേരിൽ നിന്നും പണം തട്ടിയെടുത്തു. തൃപ്പൂണിത്തുറ സ്വദേശിനിയുടെ 4 ലക്ഷം രൂപ തട്ടിയെടുത്തു എന്ന പരാതിയെ തുടർന്നുള്ള അന്വേഷണത്തിലാണ് ഇയാളെ അറസ്റ്റ് ചെയ്തത്. നീതു രാജ്, ബെന്നി ചാക്കോ എന്നിവർക്കെതിരെയും ഡൽഹി ആസ്ഥാനമായി പ്രവർത്തിക്കുന്ന വാബിൻസ് മൾട്ടി സർവീസസ് റിക്രൂട്ടർ എന്ന കമ്പനിക്ക് എതിരെയും പൊലീസ് കേസെടുത്തിട്ടുണ്ട്.
നാന്നൂറോളം ഇന്ത്യൻ നേഴ്സുമാരാണ് ഐറിഷ് വിസ തട്ടിപ്പിന് ഇരയായത്. അയർലണ്ട് ഇവരുടെ പാസ്പോർട്ടുകൾക്ക് അഞ്ച് വർഷത്തെ വിലക്ക് ഏർപ്പെടുത്തുകയും ചെയ്തു. വിസ അപേക്ഷയ്ക്കൊപ്പം വ്യാജരേഖകൾ സമർപ്പിച്ചുവെന്നാരോപിച്ചാണ് നടപടി. സൂരജിന്റെ നിർദ്ദേശ പ്രകാരം എറണാകുളത്തെ ഏജൻസി മുഖേനയാണ് വിസയ്ക്കുള്ള അപേക്ഷയും പണവും നൽകിയത്. അപേക്ഷ നൽകിയതിന് പിന്നാലെ നേഴ്സുമാർക്കായി അയർലണ്ടിൽ നിന്നും ഓൺലൈനായി ഇൻ്റർവ്യൂ നടന്നു. ഇതിനുപിന്നാലെ വർക്ക് പെർമിറ്റ് എന്ന വ്യാജേനയുള്ള ഒരു രേഖ വാട്സാപ്പിൽ നൽകുകയും ചെയ്തു. ഒരു മാസത്തിനുള്ളിൽ വിസ വരുമെന്നും നേഴ്സുമാരെ തെറ്റിദ്ധരിപ്പിച്ചു. എന്നാൽ പ്രതീക്ഷകൾക്ക് വിപരീതമായി പാസ്പോർട്ട് വിലക്കിക്കൊണ്ടുള്ള ഉത്തരവാണ് ഇവർക്ക് ലഭിച്ചത്.സാങ്കേതിക പിഴവ് കാരണമാണ് ഇതെന്ന് ആദ്യം ഏജൻസി ആദ്യം അറിയിച്ചത്. എന്നാൽ പിന്നീട് ഏജൻസിയുടെ പേര് പുറത്ത് പറയരുതെന്നും അല്ലെങ്കിൽ പണം തിരികെ നൽകില്ല എന്നും ഭീഷണിയായി.
പണം തിരികെ ലഭിക്കുമെന്ന പ്രതീക്ഷയിൽ ഈ രേഖകൾ തങ്ങൾ സ്വയം ഉണ്ടാക്കിയതാണെന്ന് ഉദ്യോഗാർഥികൾ എംബസിയെ അറിയിച്ചു.എന്നാൽ തട്ടിപ്പായിരുന്നു എന്ന് പിന്നീടാണ് മനസിലായത്. ഏജൻസി ഇപ്പോൾ യാതൊരു പ്രതികരണവും നൽകുന്നില്ല എന്നും നേഴ്സുമാർ അറിയിച്ചു. ഓരോരുത്തരുടെയും പക്കൽ നിന്നും ഏകദേശം നാലുലക്ഷത്തോളം രൂപ ഇയാൾ കൈപ്പറ്റിയിരുന്നു. കുറച്ചു മാസങ്ങൾക്കു മാസം മുമ്പ് അയർലണ്ടിൽ 500 നഴ്സുമാരെ ആവശ്യമുണ്ടെന്ന പരസ്യം കണ്ട് അപേക്ഷിച്ചവരാണ് ചതിയിൽ പെട്ടത്. തട്ടിപ്പിന് ഇരയായവരുടെ എണ്ണം ഇനിയും വർധിക്കാനാണ് സാധ്യത. അയർലണ്ടിൽ വിലക്ക് വന്നതോടെ ഈ നേഴ്സുമാർക്ക് മറ്റ് യൂറോപ്യൻ യൂണിയൻ രാജ്യങ്ങളിലേക്കും ജോലിക്ക് പോകുന്നത് പ്രയാസമാകും.
Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S
GNN NEWS IRELAND നിന്നുള്ള പ്രധാന വാര്ത്തകളും, ബ്രേക്കിംഗ് ന്യൂസുകളും വാട്സാപ്പില് ലഭിക്കുവാന് താഴെയുള്ള ലിങ്കില് ക്ലിക്ക് ചെയ്ത് ജോയിന് ചെയ്യുക.
https://chat.whatsapp.com/Fvb5dzrOEnRCV2ReS4R7Gb
ദമ്മാം: വായനാദിനത്തിൽ മലയാള ചലച്ചിത്ര ഗാനരചനാ രംഗത്തെ അതുല്യപ്രതിഭ ഷിബു ചക്രവർത്തിക്കൊപ്പം മലയാളി സമാജം ‘പിച്ചകപ്പൂങ്കാവുകൾക്കുമപ്പുറം. ഷിബു ചക്രവർത്തിയോടൊത്ത് പാട്ടോരത്ത്’…
ഏകദേശം 30 ദശലക്ഷം യൂറോ ചെലവഴിച്ച് വികസിപ്പിച്ച ഐറിഷ് റെയിലിന്റെ പുതിയ ട്രാഫിക് മാനേജ്മെന്റ് സിസ്റ്റം (TMS) നിർണായക സുരക്ഷാ…
നോർത്ത് അയർലണ്ടിലുടനീളമുള്ള റെസിഡന്റ് ഡോക്ടർമാർ ശമ്പള പുനഃസ്ഥാപനം ആവശ്യപ്പെട്ട് 24 മണിക്കൂർ പണിമുടക്കിന് തുടക്കമിട്ടു. തിങ്കളാഴ്ച രാവിലെ 7 മണിക്ക്…
ടെഹ്റാൻ: ഹോർമുസ് കടലിടുക്കിന്റെ പൂർണ്ണമായ സുരക്ഷാ ഉത്തരവാദിത്തം ടെഹ്റാനിൽ മാത്രമാണെന്ന് ഇറാന്റെ വിദേശകാര്യ മന്ത്രി അബ്ബാസ് അരാഗ്ചി. ഈ തന്ത്രപ്രധാനമായ…
പച്ചപ്പുല്ലുകളാൽ നിറഞ്ഞ ഒരു മലമുകളിൽ ഒരു നായയുമായി സന്തോഷത്തോടെ ഓടുന്ന രണ്ടു പെൺകുട്ടികൾ. ഒരു മലയോര ഗ്രാമത്തിൻ്റെ പ്രതീകമായി ഇവരെ…
സൗദി അറേബ്യയിലെ റാസ് തനൂറയിൽ സൗദി അരാംകോയുടെ ഹെലികോപ്റ്റർ തകർന്നുവീണ് വിമാനത്തിലുണ്ടായിരുന്ന 14 പേരും മരിച്ചു. അപകടത്തിന്റെ കാരണം ഇതുവരെ…