കോഴിക്കോട്: കൊവിഡ് 19 രോഗലക്ഷണങ്ങളോടെ കോഴിക്കോട് മെഡിക്കല് കോളേജിലും ബീച്ച് ആശുപത്രിയിലുമായി നിരീക്ഷണത്തില് കഴിയുന്ന പത്ത് പേരുടെ പരിശോധന ഫലം നെഗറ്റീവ്.
ഇന്നലെ വരെയുള്ളവരുടെ പരിശോധനാ ഫലമാണിത്. അഞ്ച് പേര് കോഴിക്കോട് മെഡിക്കല് കോളേജിലും അഞ്ച് പേര് ബീച്ച് ആശുപത്രിയിലുമാണ് ഉള്ളത്. ഇന്ന് രാവിലെയാണ് പരിശോധനാ ഫലം ലഭ്യമായത്. അതേസമയം ഇവരുടെ നിരീക്ഷണം തുടരും.
അതിനിടെ കൊല്ലത്ത് രണ്ട് പേരെ കൂടി ഐസൊലേഷന് വാര്ഡില് പ്രവേശിപ്പിച്ചിട്ടുണ്ട്. 12 പേരാണ് നിലവില് പാരിപ്പള്ളി മെഡിക്കല് കോളേജ് ആശുപത്രിയിലുള്ളത്. രോഗം സ്ഥിരീകരിച്ച റാന്നി സ്വദേശികള് എത്തിയ പുനലൂരിലെ ബേക്കറിയിലെ രണ്ട് ജീവനക്കാരും ഇതില് ഉള്പ്പെടുന്നു.
അതേസമയം പത്തനംതിട്ടയില് കൊവിഡ് 19 ലക്ഷണങ്ങളുമായി ഐസൊലേഷന് വാര്ഡുകളില് കഴിയുന്നവരുടെ പരിശോധനാ ഫലം ഇന്ന് ലഭിക്കും. 12 പേരുടെ പരിശോധനാഫലമാണ് അറിയുക.
പത്തനംതിട്ടയില് കഴിഞ്ഞ ദിവസം 15 പേരെ കൂടി ഐസൊലേഷന് വാര്ഡില് പ്രവേശിപ്പിച്ചിട്ടുണ്ട്. ഇതില് ഒരാള് രോഗ ലക്ഷണം പ്രകടിപ്പിക്കുന്നുണ്ട്. പത്തനംതിട്ടയില് മാത്രം 25 പേരാണ് ആശുപത്രിയില് നിരീക്ഷണത്തിലുള്ളത്. അതില് ഏഴുപേര്ക്ക് നിലവില് രോഗം സ്ഥിരീകരിച്ചിട്ടുണ്ട്.
969 പേര് വീടുകളില് നിരീക്ഷണത്തില് കഴിയുന്നുണ്ട്. റാന്നിയിലും പന്തളത്തും കൂടുതല് ആശുപത്രികള് ഏറ്റെടുത്ത് ഐസൊലേഷന് വാര്ഡുകള് സജ്ജമാക്കാനുള്ള നടപടികളും ആരോഗ്യ വകുപ്പ് ആരംഭിച്ചിട്ടുണ്ട്.
വീടുകളില് നിരീക്ഷണത്തില് കഴിയുന്നവരെയും ജിയോ ടാഗിംഗ് സംവിധാനം വഴി നിരീക്ഷിക്കുന്നുണ്ട്. നിരീക്ഷണത്തില് കഴിയുന്നവരെ ട്രാക്ക് ചെയ്യുന്നതിനായാണ് ജിയോ ടാഗിംഗ് സംവിധാനം ഏര്പ്പെടുത്തിയതെന്ന് ജില്ലാ കലക്ടര് പി.ബി നൂഹ് അറിയിച്ചു.
അതേസമയം സംസ്ഥാനത്ത് നിലവില് 3313 പേരാണ് നിരീക്ഷണത്തിലുള്ളത്. ഇവരില് 293 പേര് ആശുപത്രികളിലാണ് നിരീക്ഷണത്തിലുള്ളത്. 1179 സാമ്പിളുകളാണ് പരിശോധിച്ചത്. ഇതില് 879 എണ്ണത്തിന്റെ റിസല്ട്ട് നെഗറ്റീവ് ആണ്.
കോട്ടയത്ത് നിരീക്ഷണത്തിലുള്ള മൂന്ന് പേര്ക്കും രോഗമില്ലെന്ന് കഴിഞ്ഞ ദിവസം കണ്ടെത്തിയിരുന്നു. ഒപ്പം ഇറ്റലിയില് നിന്നെത്തിയവരുമായി സമ്പര്ക്കം പുലര്ത്തിയ പാരിപ്പള്ളിയിലെ അഞ്ചു പേര്ക്കും രോഗബാധയില്ലെന്ന് സ്ഥിരീകരിച്ചു.
വൈറസ് പടര്ന്നു പിടിക്കുന്ന സാഹചര്യത്തില് കനത്ത സുരക്ഷയാണ് സംസ്ഥാനത്ത് നടപ്പാക്കിയിരിക്കുന്നത്. കഴിഞ്ഞ ദിവസം ലോകാരോഗ്യ സംഘടന കൊവിഡ് 19നെ മഹാമാരിയായി പ്രഖ്യാപിച്ചിരുന്നു.
ഡൽഹി: എച്ച് 1 എൻ 1 (H1N1) പനി കേസുകൾ റിപ്പോർട്ട് ചെയ്ത പശ്ചാത്തലത്തിൽ ഡൽഹിയിൽ ജാഗ്രതാ നിർദേശവുമായി കേന്ദ്ര…
ആഷിക്ക് ഉസ്മാൻ പ്രൊഡക്ഷൻസിൻ്റെ ബാനറിൽ ആഷിക് ഉസ്മാൻ നിർമ്മിച്ച് ഡിനോയ് പൗലോസ് തിരക്കഥ രചിച്ച് സംവിധാനം ചെയ്യുന്ന പുതിയ ചിത്രത്തിന്…
ഓണാഘോഷത്തിന്റെ ആവേശവും ആരവവും കോർത്തിണക്കിയ പുതിയ ആൽബം ഗാനം ‘ഹൈ ഓണം’ ഇപ്പോൾ ട്രെൻഡിംഗ് ആയി മാറിക്കഴിഞ്ഞു. പ്രേക്ഷകരുടെ മനം…
അയർലൻഡിലെ 70,000-ത്തിലധികം ലീവിംഗ് സർട്ടിഫിക്കറ്റ് വിദ്യാർത്ഥികൾക്ക് ഇന്ന് പരീക്ഷാഫലം ലഭിച്ചു. ഇത്തവണ ഉയർന്ന ഗ്രേഡുകളുടെ എണ്ണത്തിൽ കുറവ് രേഖപ്പെടുത്തിയതോടെ, കോവിഡ്…
അയർലൻഡിലെ ബസ് ഡ്രൈവർ ഒഴിവുകളിലേക്ക് അവസരം. യൂറോപ്യൻ രാജ്യങ്ങളിൽ നിന്നുള്ള യോഗ്യരായ ഉദ്യോഗാർത്ഥികൾക്കായി Vista Career Solutions റിക്രൂട്ട്മെന്റ് പ്രഖ്യാപിച്ചതായി…
രണ്ട് കിൽക്കെന്നി മലയാളികൾ സഞ്ചരിച്ചിരുന്ന ബൈക്ക് അപകടത്തിൽപ്പെട്ടു. കിൽഡെയറിൽ നിന്ന് കിൽക്കെന്നിയിലേക്ക് യാത്ര ചെയ്യുന്നതിനിടെ കഴിഞ്ഞ രാത്രിയാണ് അപകടമുണ്ടായത്. ഒരാളുടെ…