നിയമോപദേശത്തെത്തുടർന്ന് തിരുവനന്തപുരം വിമാനത്താവള കേസിൽ നിന്ന് സംസ്ഥാന സർക്കാർ പിന്മാറി

തിരുവനന്തപുരം: തിരുവനന്തപുരം അന്താരാഷ്ട്ര വിമാനത്താവളം അദാനിക്ക് അവകാശം നൽകാനുള്ള കേന്ദ്രത്തിന്റെ തീരുമാനത്തിൽ സുപ്രീം കോടതിയെ സമീപിക്കാനുള്ള തീരുമാനത്തിൽ നിന്ന്പിന്മാറാനൊരുങ്ങി സംസ്ഥാന സര്‍ക്കാര്‍. സുപ്രീംകോടതിയെ സമീപിച്ചാലും അനുകൂലമായ വിധി ലഭിക്കില്ലെന്ന് സർക്കാരിനോട് ആവശ്യപ്പെട്ട നിയമോപദേശത്തെ തുടർന്നാണ് സർക്കാരിന്റെ ഈ നടപടി.

കേസിൽ ഹൈക്കോടതിയുടെ അതേ നിലപാട് സുപ്രീം കോടതിയും എടുത്തേക്കുമെന്നാണ് സംസ്ഥാന സർക്കാരിന് ലഭിച്ച നിയമോപദേശം. അദാനി ഗ്രൂപ്പിന് വിമാനത്താവളം കൈമാറാനുള്ള കേന്ദ്രത്തിന്റെ തീരുമാനത്തിന് സംസ്ഥാന സർക്കാർ തുടക്കം മുതൽ തന്നെ എതിർപ്പ് ഉയർത്തിയിരുന്നു.

ഒക്ടബോര്‍ 19നാണ് അദാനിഗ്രൂപ്പിനെതിരായ സര്‍ക്കാരിന്റെ ഹരജി ഹൈക്കോടതി തള്ളിയത്. സര്‍ക്കാരിനെ മറികടന്ന് അദാനി ഗ്രൂപ്പിന് കരാര്‍ നല്‍കിയതില്‍ ക്രമക്കേട് ഉണ്ടെന്നായിരുന്നു എന്നായിരുന്നു സര്‍ക്കാരിന്റെ വാദം. കേന്ദ്ര സര്‍ക്കാരിന്റേത് നയപരമായ തീരുമാനമെന്നായിരുന്നു കോടതി ഹരജി തള്ളിക്കൊണ്ട് പറഞ്ഞിരുന്നത്.