‘എന്റെ റോള്‍ എന്താണെന്ന് എല്ലാവരും അറിയണം’, മാറി നില്‍ക്കുന്നത് ഭയം കൊണ്ട്’; ആദ്യ പ്രതികരണവുമായി സ്വപ്‌ന സുരേഷ്

കൊച്ചി: സ്വര്‍ണക്കടത്ത് കേസില്‍ ആദ്യ പ്രതികരണവുമായി സ്വപ്‌ന സുരേഷ്. കോണ്‍സുലേറ്റില്‍ നിന്നുള്ള നിര്‍ദേശ പ്രകാരമാണ് താന്‍ ഇതില്‍ ഇടപെട്ടതെന്നും ഡിപ്ലോമാറ്റിക് ബാഗിലെ സ്വര്‍ണവുമായി ഒരു ബന്ധവുമില്ലെന്നും സ്വപ്‌ന പറഞ്ഞു.

മാറിനില്‍ക്കുന്നത് ഭയംകൊണ്ടാണ്. കേസുമായി ബന്ധമുള്ളതുകൊണ്ടല്ല. ചടങ്ങുകള്‍ക്കായി എല്ലാ മന്ത്രിമാരേയും ക്ഷണിച്ചിട്ടുണ്ട്.

എന്റെ റോള്‍ എന്താണെന്ന് എല്ലാവരും അറിയണം. കോണ്‍സുലേറ്റിന്റെ കാര്‍ഗോ വിഭാഗത്തില്‍ ജോലി ചെയ്തിട്ടില്ല. നിങ്ങള്‍ ഇതിന്റെ സത്യം അന്വേഷിക്കൂ.

തെരഞ്ഞെടുപ്പിനെ സ്വാധീനിക്കാനാണ് ഇത്. എന്റെ പിന്നില്‍ മന്ത്രിമാരോ മുഖ്യമന്ത്രിയോ ഇല്ല. മാധ്യമങ്ങള്‍ പറയുന്ന പ്രകാരം ഒരു മന്ത്രിമാരുമായും എനിക്ക് ബന്ധമില്ല.

ചടങ്ങുകള്‍ക്ക് വേണ്ടി മന്ത്രിമാരെ വിളിച്ചിട്ടുണ്ട്. ഓരോ ദിവസവും ഓരോ മന്ത്രിമാരെ വെച്ചുള്ള വാര്‍ത്ത നിങ്ങള്‍ കൊടുക്കും.

അവരെ നിങ്ങള്‍ ഇന്‍വെസ്റ്റിഗേറ്റ് ചെയ്താല്‍ നിങ്ങള്‍ തോറ്റു പോകും. ഞാന്‍ എന്തൊക്കെ ചെയ്തിട്ടുണ്ടെന്ന് അന്വേഷിക്കൂ. മാധ്യമങ്ങള്‍ ഓരോ കുടുംബത്തിനേയും നശിപ്പിക്കാന്‍ ശ്രമിക്കുകയാണ്. നിങ്ങള്‍ സത്യം അന്വേഷിക്കൂ.

ഡിപ്ലോമാറ്റിക് കാര്‍ഗോ താമസിച്ചപ്പോള്‍ ഡിപ്ലോമാറ്റ് വിളിച്ചു.’കാര്‍ഗോ ക്ലിയറായില്ല. അതൊന്ന് അന്വേഷിക്കണം. എന്നാണ് അദ്ദേഹം പറഞ്ഞത്’ , അത് മാത്രമാണ് അന്വേഷിച്ചത്.

എന്നേയും കുടുംബത്തേയും ആത്മഹത്യയുടെ വക്കില്‍ എത്തിച്ചിരിക്കുകയാണ്.

ദ്രോഹം എനിക്കും കുടുംബത്തിനും മാത്രമാണ്. ഈ വിഷയം മുഖ്യമന്ത്രിയെയോ മന്ത്രിമാരേയോ ബാധിക്കില്ല. ഇലക്ഷനെ സ്വാധീനിക്കാന്‍ നില്‍ക്കാതെ സത്യം അന്വേഷിക്കണം.കരാറുകളുടേയും മീറ്റിങ്ങുകളുടേയും സത്യം അന്വേഷിക്കൂ.

ഇങ്ങനെയായാല്‍ ഒരുപാട് സ്വപ്‌നമാര്‍ നശിച്ചുപോകുമെന്നും അവരുടെ മക്കള്‍ നശിച്ചുപോകുമെന്നും ഞാന്‍ എന്ന സ്ത്രീയെയാണ് അപമാനിച്ചതെന്നും സ്വപ്‌ന പറഞ്ഞു.