Categories: Kerala

മന്ത്രി വി.എസ് സുനില്‍കുമാറിന്റെ വീട്ടിലേക്ക് യൂത്ത് കോണ്‍ഗ്രസ് പ്രവര്‍ത്തകരുടെ പ്രതിഷേധ മാര്‍ച്ച്

തൃശൂര്‍: മന്ത്രി വി.എസ് സുനില്‍കുമാറിന്റെ വീട്ടിലേക്ക് യൂത്ത് കോണ്‍ഗ്രസ് പ്രവര്‍ത്തകരുടെ പ്രതിഷേധ മാര്‍ച്ച്. സുനില്‍ കുമാറിന്റെ അന്തിക്കാട്ടെ വീടിന് മുന്നിലേക്കായിരുന്നു രാവിലെ യൂത്ത് കോണ്‍ഗ്രസ് പ്രവര്‍ത്തകര്‍ പ്രതിഷേധ പ്രകടനവുമായി എത്തിയത്.

സര്‍ക്കാര്‍ നിര്‍ദേശം ലംഘിച്ച് അന്തിക്കാട് എ.ഐ.വൈ.എഫ് പ്രവര്‍ത്തകര്‍ കമ്യൂണിറ്റി കിച്ചന്‍ നടത്തുന്നുവെന്ന് ആരോപിച്ചായിരുന്നു പ്രതിഷേധം.

കഞ്ഞിവെപ്പ് സമരം എന്ന പേരിലാണ് അഞ്ച് പേരടങ്ങുന്ന സംഘം പ്രതിഷേധ പ്രകടനവുമായി എത്തിയത്. വി.എസ് സുനില്‍ കുമാറിന്റെ വീടിന് മുന്‍പില്‍ കഞ്ഞി വെച്ചുകൊണ്ട് പ്രതിഷേധക്കാന്‍ ശ്രമിച്ചവരെ പൊലീസ് എത്തി അറസ്റ്റ് ചെയ്ത് നീക്കുകയായിരുന്നു.

അന്തിക്കാട് എ.ഐ.വൈ.എഫിന്റേയും ഡി.വൈ.എഫ്.ഐയുടേയും നേതൃത്വത്തില്‍ കമ്യൂണിറ്റി കിച്ചന്‍ നടത്തിയെന്നാണ് യൂത്ത് കോണ്‍ഗ്രസിന്റെ ആരോപണം.

എന്നാല്‍ എന്തിനാണ് തന്റെ വീട്ടിലേക്ക് മാര്‍ച്ച് നടത്തിയതെന്ന് ഇപ്പോഴും മനസിലാകുന്നില്ലെന്ന് വി.എസ് സുനില്‍ കുമാര്‍ പ്രതികരിച്ചു. കഴിഞ്ഞയാഴ്ച അവിടെ കമ്യൂണിറ്റി കിച്ചന്‍ നടക്കുന്നു എന്ന് അറിഞ്ഞ ഉടന്‍ തന്നെ സര്‍ക്കാര്‍ നിര്‍ദേശത്തിന് വിരുദ്ധമായി ആരും അത്തരത്തില്‍ ചെയ്യരുതെന്ന കര്‍ശന നിര്‍ദേശം താന്‍ കൊടുത്തിരുന്നെന്നും തന്റെ അറിവോടെയോ സമ്മതത്തോടേയോ കമ്യൂണിറ്റി കിച്ചന്‍ നടന്നിട്ടില്ലെന്നും സുനില്‍ കുമാര്‍ പ്രതികരിച്ചു.

സര്‍ക്കാര്‍ നിര്‍ദേശിച്ചിരിക്കുന്ന മാനദണ്ഡത്തിന് വിരുദ്ധമായി സി.പി.ഐ ആയാലും സി.പി.ഐ.എം ആയാലും അടുക്കള നടത്തിയിട്ടുണ്ടെങ്കില്‍ തെറ്റാണ്. എന്റെ അറിവോ സമ്മതത്തോടോ കൂടി ആരും അടുക്കള നടത്താന്‍ പോയിട്ടില്ല. അതിന് ഞാന്‍ സമ്മതിക്കുകയും ഇല്ല.

ഞാന്‍ അറിയാത്ത കാര്യത്തിന് എന്റെ വീട്ടിലേക്ക് മാര്‍ച്ച് നടത്തിയിട്ട് എന്താണ് കാര്യം. ഇതൊക്കെ വെറുതെ രാഷ്ട്രീയം കളിക്കുകയാണെന്നും സുനില്‍ കുമാര്‍ പ്രതികരിച്ചു.

Newsdesk

Recent Posts

കോർക്കിലും കെറിയിലും നാളെ യെല്ലോ അലേർട്ട്

ശക്തമായ മഴയ്ക്ക് സാധ്യതയുള്ളതിനാൽ കെറി, കോർക്ക് എന്നിവിടങ്ങളിൽ യെല്ലോ അലേർട്ട് നൽകിയിട്ടുണ്ട്. ഞായറാഴ്ച ഉച്ചയ്ക്ക് 2 മണിക്ക് പ്രാബല്യത്തിൽ വരുന്ന…

18 hours ago

എയർബസ് സോഫ്റ്റ്‍വെയർ അപ്ഡേറ്റ്: ആഗോളതലത്തിൽ വിമാന സർവീസുകൾ തടസ്സപ്പെട്ടു

സോഫ്‌റ്റ്‌വെയർ തകരാറിനെ തുടർന്ന് ആഗോള തലത്തിൽ നൂറുകണക്കിന് വിമാന സർവീസുകൾ തടസ്സപ്പെട്ടു. എയർബസ് A320 ശ്രേണിയിലെ വിമാനങ്ങളെയാണ് തകരാർ ബാധിച്ചത്.…

19 hours ago

Uberന്റെ നിശ്ചിത നിരക്കുകൾക്കെതിരെ ഡബ്ലിനിൽ ടാക്സി ഡ്രൈവർമാരുടെ പ്രതിഷേധം

ബുക്കിംഗ് പ്ലാറ്റ്‌ഫോമായ ഉബർ ഉപഭോക്താക്കൾക്ക് നിശ്ചിത നിരക്ക് ഓപ്ഷനുകൾ ഏർപ്പെടുത്തുന്നതിനെതിരെ ടാക്സി ഡ്രൈവർമാരുടെ പ്രതിഷേധം. വ്യാഴാഴ്ച വൈകുന്നേരം നടന്ന പ്രതിഷേധത്തെ…

2 days ago

ഐറിഷ് ലൈഫ് ഹെൽത്ത് പ്രീമിയം നിരക്കുകൾ 5% വർദ്ധിപ്പിക്കും

ഐറിഷ് ലൈഫ് ഹെൽത്ത് ജനുവരി മുതൽ പ്രീമിയം നിരക്കുകൾ ശരാശരി 5% വർദ്ധിപ്പിക്കും. ഇത് അടുത്ത വർഷം പല കുടുംബങ്ങളുടെയും…

2 days ago

സ്റ്റീഫൻ ദേവസി ‘ആട്ടം’ കലാസമിതി സംഗീത പരിപാടി ഡിസംബർ 5ന്.

പിയാനോയിൽ കൈവിരലുകൾ കൊണ്ട് സംഗീതത്തിന്റെ മാന്ത്രിക സ്പർശമൊരുക്കുന്ന പ്രശസ്ത സംഗീത സംവിധായകൻ സ്റ്റീഫൻ ദേവസിയുടെ സോളിഡ് ബാൻഡും, ചെണ്ടയുടെ താളമേളത്തിൽ…

2 days ago

വേൾഡ് മലയാളി കൗൺസിൽ ബെൽഫാസ്റ്റ് പ്രൊവിൻസ് ഉദ്ഘാടനം പ്രൗഢഗംഭീരമായി

ബെൽഫാസ്റ്റ് :വേൾഡ് മലയാളി കൗൺസിൽ ബെൽഫാസ്റ്റ് പ്രൊവിൻസ് പ്രവർത്തനോദ്ഘാടനം പ്രൗഢഗംഭീരമായി നടത്തപ്പെട്ടു. ചെയർമാൻ അനിൽ പോളിന്റെ അധ്യക്ഷതയിൽ, യൂറോപ്പ് റീജിയൻ…

2 days ago