സൗദി അറേബ്യയിലെ കിരീടാവകാശി മുഹമ്മദ് ബിൻ സൽമാന് കൊറോണ വൈറസ് വാക്സിൻ നൽകി

റിയാദ്: ആരോഗ്യ മന്ത്രാലയം നടപ്പാക്കിയ ദേശീയ കുത്തിവയ്പ്പ് പദ്ധതിയുടെ ഭാഗമായി സൗദി അറേബ്യയിലെ കിരീടാവകാശി മുഹമ്മദ് ബിൻ സൽമാന് കൊറോണ വൈറസ് വാക്സിൻ നൽകി. സൗദി പ്രസ് ഏജൻസിയാണ് ഈ കാര്യം വെള്ളിയാഴ്ച റിപ്പോർട്ട് ചെയ്തത്.

വാക്സിനേഷൻ ഡ്രൈവിന്റെ ഭാഗമായ കിരീടാവകാശിക്ക് സൗദി അറേബ്യൻ ആരോഗ്യമന്ത്രി തവ്ഫിക് അൽ റബിയ നന്ദി പറഞ്ഞു. കഴിഞ്ഞ ചൊവ്വാഴ്ച ലോഞ്ച് ചെയ്തതിന് ശേഷം 500,000 ത്തിലധികം ആളുകൾ സൗദി അറേബ്യയിൽ കോവിഡ് -19 വാക്സിൻ എടുക്കാൻ രജിസ്റ്റർ ചെയ്തതായി ആരോഗ്യ മന്ത്രാലയം അറിയിച്ചു. പുതിയ വൈറസ് ബാധ തടയുന്നതിനുള്ള നടപടിയുടെ ഭാഗമായി സൗദി അറേബ്യ എല്ലാ അന്താരാഷ്ട്ര വിമാന സർവീസുകളും ഒരാഴ്ചത്തേക്ക് നിർത്തിവച്ചിട്ടുണ്ട്.