ഷോപ്പിങ് മാളുകളിൽ പാർക്കിങ് സ്ഥലം മുൻകൂട്ടി ബുക്കുചെയ്യാൻ സംവിധാനം

ദുബായ്: ഷോപ്പിങ് മാളുകളിലെ ഉപഭോക്താക്കൾക്ക് കാർ പാർക്കിങ് സ്ഥലം മുൻകൂട്ടി ബുക്കുചെയ്യാൻ സാധിക്കുന്ന സംവിധാനത്തിന് ദുബായിൽ തുടക്കമാകുന്നു. ദുബായിലെ പ്രധാന ഷോപ്പിങ് മാളുകളിലാകും സൗകര്യമൊരുക്കുന്നത്. നിലവിൽ മാൾ ഓഫ് എമിറേറ്റ്‌സിലാണ് പരീക്ഷണാടിസ്ഥാനത്തിൽ പദ്ധതി തയ്യാറാക്കിയിരിക്കുന്നത്.

ഷോപ്പിങ്ങിനായി എത്തുന്നവർ മാൾ ഓഫ് എമിറേറ്റ്‌സിന്റെ ആപ്പ് ഡൗൺലോഡ് ചെയ്യണം. അതിൽ വാഹനത്തിന്റെ നമ്പർ ചേർത്താൽ ഷോപ്പിങ്ങിന് എത്തുമ്പോൾ പ്രത്യേക സോണിൽ പാർക്കിങ് സ്ഥലം ബുക്കുചെയ്തിരിക്കും. പദ്ധതി വിജയിച്ചാൽ കൂടുതൽ ഷോപ്പിങ് മാളുകളിലേക്ക് ഇത് വ്യാപിപ്പിക്കാനാണ് തീരുമാനം. ഷോപ്പിങ് മാളുകളിൽ പാർക്കിങ് കണ്ടെത്താനായി ബുദ്ധിമുട്ടുന്നവർക്ക് സംവിധാനം സഹായകരമാകും.