ഓണ്‍ അറൈവല്‍ വിസയ്ക്ക് അര്‍ഹതയുള്ള രാജ്യങ്ങളില്‍ നിന്നെത്തുന്നവര്‍ക്ക് അബൂദാബിയിലേക്ക് യാത്രാനുമതി; ഇത്തിഹാദ് എയര്‍വെയ്‌സ്

യുഎഇ: അബുദാബിയിലെ ഫ്ലാഗ്ഷിപ്പ് കാരിയറായ ഇത്തിഹാദ് എയർവേയ്സ് ഓണ്‍ അറൈവല്‍ വിസയ്ക്ക് അര്‍ഹതയുള്ള രാജ്യങ്ങളില്‍ നിന്നെത്തുന്നവര്‍ക്ക് അബൂദാബിയിലേക്ക് യാത്രാനുമതി നൽകി. യുഎഇ പൗരനോ താമസക്കാരനോ അല്ലെങ്കിൽ വിസ ഓൺ അറൈവൽ ആണെങ്കിൽ യാത്രക്കാർക്ക് രാജ്യത്ത് പ്രവേശിക്കാമെന്ന് കഴിഞ്ഞയാഴ്ച അബുദാബി പ്രഖ്യാപിച്ചിരുന്നു. അബുദാബിയിലേക്ക് ഓണ്‍അറൈവല്‍ വിസയില്‍ വരുന്നവര്‍ക്ക് മുന്‍കൂറായി രജിസ്റ്റര്‍ ചെയ്ത് യാത്രാനുമതി വാങ്ങേണ്ട ആവശ്യമില്ലെന്ന് അധികൃതർ അറിയിച്ചു.

കാനഡ, ചൈന, മാലിദ്വീപ്, ഫ്രാൻസ്, യുകെ, യുഎസ് എന്നിവയുൾപ്പെടെ 70 രാജ്യങ്ങളിൽ നിന്നുള്ള യാത്രക്കാർക്ക് എത്തിഹാദ് എയർവേസ് ഇപ്പോൾ വിസ ഓൺ അറൈവൽ പ്രഖ്യാപിച്ചു. ഓണ്‍ അറൈവല്‍ വിസ അനുവദിച്ചിട്ടുള്ള രാജ്യങ്ങളുടെ പട്ടിക എയര്‍ലൈന്‍സ് വെബ്‌സൈറ്റില്‍ https://www.etihad.com/en/fly-etihad/visas എന്ന ലിങ്കില്‍ ലഭ്യമാണ്.