കാലില്‍ നീര് കൂടുന്നുവോ; സാധാരണമായ ഒന്നാണ് എന്ന് പറഞ്ഞ് തള്ളിക്കളയരുത്

കുറേയേറെ ഇരുന്ന് യാത്ര ചെയ്ത് പിന്നീട് നോക്കുമ്പോള്‍ കാലുകളില്‍ നീര് കാണപ്പെടുന്നുണ്ടോ? അത് സാധാരണമായ ഒന്നാണ് എന്ന് പറഞ്ഞ് തള്ളിക്കളയാന്‍ വരട്ടെ. കാലില്‍ ഏത് അവസ്ഥയില്‍ നീരുണ്ടാവുന്നതും വെല്ലുവിളികള്‍ നിറക്കുന്ന ഒന്ന് തന്നെയാണ്. ഇത്തരം അവസ്ഥകളില്‍ ശ്രദ്ധിക്കേണ്ടതും അറിഞ്ഞിരിക്കേണ്ടതുമായ ചില കാര്യങ്ങള്‍ ഉണ്ട്. വീര്‍ത്ത കാലുകളും കണങ്കാലുകളും നമ്മില്‍ പലരുടെയും പതിവ് ലക്ഷണങ്ങളാണ്. ദീര്‍ഘനേരം നില്‍ക്കുകയോ നടക്കുകയോ അസുഖകരമായ ഷൂ ധരിക്കുകയോ ഗര്‍ഭം ധരിക്കുകയോ ചെയ്യുന്നതാണ് ഈ അസുഖകരമായ അവസ്ഥയ്ക്ക് പിന്നിലുള്ള സാധാരണ കാരണം.

എന്നാല്‍ ചില സന്ദര്‍ഭങ്ങളില്‍ ഇത് കൂടുതല്‍ ഗുരുതരമായ ആരോഗ്യ പ്രശ്നങ്ങളിലേക്കാണ് വഴി തെളിക്കുന്നത്. ഇത്തരം അവസ്ഥകളില്‍ മറ്റെന്തെങ്കിലും ആണ് എന്ന് കരുതി അതിനെ അവഗണിക്കുമ്പോള്‍ അല്‍പം ശ്രദ്ധിക്കണം. കാരണം നിങ്ങളുടെ കാലുകളിലെ നീരിന് പിന്നില്‍ ആരോഗ്യത്തെ നശിപ്പിക്കുന്ന തരത്തിലുള്ള പലവിധത്തിലുള്ള കാരണങ്ങള്‍ ഉണ്ട്. ഇത് എന്താണെന്ന് തിരിച്ചറിയേണ്ടത് അത്യാവശ്യമാണ്. ഇത്തരം കാര്യങ്ങള്‍ അല്‍പം അറിഞ്ഞിരിക്കേണ്ടതാണ്. കൂടുതല്‍ അറിയാന്‍ വായിക്കൂ.

നാഡികളില്‍ തടസ്സം ഉണ്ടാവുമ്പോള്‍

നിങ്ങളുടെ സിരകളില്‍ ശരിയായ രീതിയില്‍ പ്രവര്‍ത്തിക്കുമ്പോള്‍, നിങ്ങളുടെ സിരകളിലെ വാല്‍വുകള്‍ കാലുകളുടെ രക്തക്കുഴലുകളിലേക്ക് ശരിയായ രീതിയില്‍ രക്തമെത്തിക്കുന്നു. എന്നാല്‍ പ്രായമാകുമ്പോള്‍, വാല്‍വുകള്‍ കാര്യക്ഷമമായി പ്രവര്‍ത്തിക്കുന്നില്ല, മാത്രമല്ല നമ്മുടെ കാലില്‍ രക്തം കെട്ടിനില്‍ക്കുന്നതിനും കാരണമാകാം. സിരയുമായി ബന്ധപ്പെട്ട മറ്റൊരു പ്രശ്‌നമാണ് ഡീപ്-വെയിന്‍ ത്രോംബോസിസ്. ഇതില്‍ കാലുകളില്‍ നിന്ന് രക്തം തിരിച്ച് ഹൃദയത്തിലേക്ക് എത്തുന്നത് പലപ്പോഴും ബ്ലഡ്‌ക്ലോട്‌സ് തടയുന്നു. ഇത് നിങ്ങളുടെ പാദങ്ങളില്‍ ദ്രാവകം കുറയ്ക്കുന്നു. ചികിത്സ കൂടാതെ മുന്നോട്ട് പോയാല്‍ ഈ അവസ്ഥ അപകടകരമാകാം. കാരണം ഈ രക്ത കട്ടകള്‍ നിങ്ങളുടെ ശരീരത്തില്‍ സഞ്ചരിക്കാം. ഇത് പലപ്പോഴും ശ്വാസകോശത്തിലെത്തുന്നത് ശ്വാസകോശത്തിലെ എംബോളിസത്തിന് കാരണമാകാം, അല്ലെങ്കില്‍ തലച്ചോറിലേക്ക് രക്തം നല്‍കുന്ന ഒരു ധമനിയെ തടഞ്ഞാല്‍ ഇസ്‌കെമിക് സ്‌ട്രോക്കിലേക്ക് നയിച്ചേക്കാം. അതുകൊണ്ട് കാലില്‍ നീര് കണ്ടാല്‍ അല്‍പം ഭയപ്പെടേണ്ടതാണ്. അല്ലെങ്കില്‍ അപകടം കൂടെയുണ്ടാവുന്നു.

എന്താണ് എഡിമ?

കാലില്‍ പലപ്പോഴും നീരു വരുന്നത് പ്രധാനമായും രണ്ടു കാരണങ്ങളാലാണ് എഡിമ അതായത് കാലില്‍ ദ്രാവകം വന്നടിയുന്ന അവസ്ഥയാണ് ഒന്ന്. കാലിലെ രക്തക്കുഴലുകള്‍ക്ക് അവയ്ക്കുള്‍ക്കൊള്ളാന്‍ കഴിയുന്നതിനേക്കാള്‍ കൂടുതല്‍ ഫ്ളൂയിഡ് അടിഞ്ഞു കൂടുമ്പോഴാണ് ഇതുണ്ടാകുന്നത്. കാല്‍ ഏറെ സമയം തൂക്കിയിടുമ്പോള്‍ ഇതുണ്ടാകാറുണ്ട്. ഇതിനു പുറമേ അമിത വണ്ണം, വേണ്ടത്ര വ്യായാമക്കുറവ് എന്നിവയും ഇതിനു കാരണമാകാറുണ്ടെങ്കിലും ചിലപ്പോഴിത് ഗുരുതര രോഗങ്ങളുടെ സൂചന കൂടിയാകാം. അതുകൊണ്ട് ഒരിക്കലും നിസ്സാരമാക്കി ഇതിനെ വിടരുത്. ആരോഗ്യത്തിന് വെല്ലുവിളി ഉയര്‍ത്തുന്ന അസ്വസ്ഥതകള്‍ കൂടെയുണ്ടായേക്കാം.

ഹൃദയം കൃത്യമായി പ്രവര്‍ത്തിക്കാത്തത്

കാലിലെ നീര് അല്ലെങ്കില്‍ എഡിമ എന്നിവയും ഹൃദയസ്തംഭനം മൂലമാകാം. ഹൃദയത്തിന് ആവശ്യത്തിന് പമ്പിംഗ് ശക്തി ഇല്ലാത്തപ്പോള്‍, നിങ്ങളുടെ പാദങ്ങളില്‍ നിന്ന് രക്തം ശരീരത്തിന്റെ മുകള്‍ ഭാഗത്തേക്ക് എത്തുന്നതില്‍ ഹൃദയം പരാജയപ്പെടുന്നു. ഇത് മാത്രമല്ല ലീക്കുള്ള ഹാര്‍ട്ട് വാല്‍വുകള്‍ പലപ്പോഴും ഹൃദയത്തിന്റെ പ്രവര്‍ത്തന ക്ഷമതയേയും ബാധിക്കുന്നുണ്ട്. ഇത് തന്നെയാണ് കാലിലും കണങ്കാലിലും നീര് ഉണ്ടാവുന്നതിനും കാരണമാകുന്നതും. ഇതിന്റെ ഫലമായി പലപ്പോഴും നെഞ്ചുവേദന, ക്ഷീണം, ശ്വാസം മുട്ടല്‍ എന്നിവ ഉള്‍പ്പെടുന്ന ഹൃദ്രോഗത്തിന്റെ മറ്റേതെങ്കിലും ലക്ഷണങ്ങള്‍ ശ്രദ്ധയില്‍പ്പെട്ടാല്‍ പ്രത്യേകിച്ചും ശ്രദ്ധിക്കുക. നിസ്സാരമെന്ന് നാം കരുതുന്ന പല ലക്ഷണങ്ങളും തന്നെയാണ് പലപ്പോഴും നമ്മളെ അപകടത്തിലേക്ക് എത്തിക്കുന്നത്.

കിഡ്‌നി രോഗം

നമ്മുടെ വൃക്കയുടെ പ്രധാന പ്രവര്‍ത്തനങ്ങളിലൊന്ന് ശരീരത്തിലെ അധിക ദ്രാവകം ഒഴിവാക്കുക എന്നതാണ്. വൃക്കകള്‍ക്ക് ഈ പ്രവര്‍ത്തനം നിറവേറ്റാന്‍ കഴിയാത്തപ്പോള്‍, അധിക ദ്രാവകവും സോഡിയവും ശരീരത്തില്‍ നിശ്ചലമാവുകയും വീക്കം ഉണ്ടാക്കുകയും ചെയ്യുന്നു. ഇത് പലപ്പോഴും കാലുകളിലും കണങ്കാലുകളിലും ഇത്തരം പ്രശ്‌നങ്ങള്‍ വര്‍ദ്ധിപ്പിക്കുന്നു. അതുകൊണ്ട് വളരെയധികം ശ്രദ്ധിക്കണം. വൃക്കയിലെ ഡ്രെയിനേജ് സിസ്റ്റത്തിന് കേടുവരുത്തുന്ന മൂത്ര അണുബാധ മൂലമാണ് ഈ അവസ്ഥ ഉണ്ടാകുന്നത് (ഉദാഹരണത്തിന്, പൈലോനെഫ്രൈറ്റിസ്). വൃക്ക തകരാറുമൂലം ഉണ്ടാകുന്ന എഡിമ സാധാരണയായി കാലുകളിലും കണ്ണുകളിലും സംഭവിക്കുന്നു.

കരളിന്റെ അനാരോഗ്യം

മറ്റ് പ്രവര്‍ത്തനങ്ങള്‍ക്ക് പുറമെ കരള്‍ ആല്‍ബുമിന്‍ എന്ന പ്രോട്ടീന്‍ ഉത്പാദിപ്പിക്കുന്നു. ഈ പ്രോട്ടീന്‍ നമ്മുടെ രക്തത്തില്‍ തന്നെ സൂക്ഷിക്കപ്പെടുകയും അത് നമ്മുടെ ടിഷ്യൂകളിലേക്ക് ഒഴുകാന്‍ അനുവദിക്കുകയും ചെയ്യുന്നില്ല. എന്നാല്‍ ചില കരള്‍ രോഗങ്ങള്‍ രക്തത്തിലെ ആല്‍ബുമിന്റെ അളവ് കുറയ്ക്കുകയും രക്തത്തില്‍ നിന്ന് ശരീരത്തിലെ ടിഷ്യുകളിലേക്ക് ദ്രാവകം സഞ്ചരിക്കുന്നതിനുള്ള സാഹചര്യം ഒരുക്കുകയും ചെയ്യും. ഈ സാഹചര്യത്തില്‍, വീക്കം കാലുകളിലും കണങ്കാലുകളിലും മാത്രമല്ല, ശരീരത്തിന്റെ മറ്റ് ഭാഗങ്ങളിലും ഉണ്ടാകാം. ഇത് സൂചിപ്പിക്കുന്നത് എന്തുകൊണ്ടും കരളിന്റെ അനാരോഗ്യത്തെത്തന്നെയാണ് എന്നുള്ളതാണ്.

വെരിക്കോസ് വെയിനുകള്‍

ഇതിനു പുറമേ വെരിക്കോസ് വെയിനുകള്‍ കാലിലുണ്ടാകുന്ന മറ്റൊരു അവസ്ഥയാണ്. ഞരമ്പുകള്‍ തടിച്ചു വീര്‍ക്കുന്നതും കാലില്‍ നീരുമെല്ലാം ഇതിന്റെ ലക്ഷണങ്ങളാണ്. ചര്‍മത്തിന് നിറ വ്യത്യാസം, ഏറെ നേരം ഇരുന്നാലോ നിന്നാലോ കാല്‍ വേദന, ചര്‍മം വരണ്ടതാകുക, മുറിവുകള്‍ എന്നിവയെല്ലാം ഇതിന്റെ ലക്ഷണങ്ങളാണ്. കാലിലെ വെയിനുകളിലെ വാല്‍വുകള്‍ രക്തം ഹൃദയത്തിലേയ്ക്കു പമ്പു ചെയ്യാതിരിയ്ക്കുമ്പോഴാണ് ഇതുണ്ടാകുന്നത്. അതുകൊണ്ട് കാലില്‍ നീര് കണ്ടാല്‍ അത് നിസ്സാരമെന്ന് കരുതി തള്ളിക്കളയുമ്പോള്‍ വളരെയധികം ശ്രദ്ധിക്കേണ്ടതായുണ്ട്.