​ബ്രിട്ടീഷ് പാർലമെന്റ് അംഗം സോജൻ ജോസഫിന് ഡബ്ലിനിൽ ഊഷ്മള സ്വീകരണം നൽകി

​ഡബ്ലിൻ: ലൂക്കൻ മലയാളി ക്ലബ്ബിന്റെ ആഭിമുഖ്യത്തിൽ, യുകെ മലയാളിയും ബ്രിട്ടീഷ് പാർലമെന്റ് അംഗവുമായ സോജൻ ജോസഫിന് ഡബ്ലിനിലെ ലൂക്കനിൽ വെച്ച് ഊഷ്മളമായ സ്വീകരണം നൽകി. ഔദ്യോഗിക സന്ദർശനത്തിനായി അയർലണ്ടിലെത്തിയ അദ്ദേഹത്തിന് പ്രവാസി മലയാളികളുടെ ഭാഗത്തുനിന്നും സ്നേഹാദരവുകളാണ് ലഭിച്ചത്.

​അയർലണ്ടിലെ ഡാറ്റാ സെന്റർ വ്യവസായം അവിടുത്തെ പാരിസ്ഥിതിക രംഗത്തെ (Environment) എത്രമാത്രം സ്വാധീനിക്കുന്നു എന്ന് പഠനം നടത്തുന്നതിനായുള്ള ബ്രിട്ടീഷ് പാർലമെന്ററി ഡെലിഗേറ്റ് സംഘാംഗമായാണ് സോജൻ ജോസഫ് അയർലണ്ടിൽ എത്തിയത്. സന്ദർശനത്തിന്റെ ഭാഗമായി അദ്ദേഹവും സംഘവും ഐറിഷ് പാർലമെന്റ് അംഗങ്ങളുമായി കൂടിക്കാഴ്ച നടത്തും.

​ലൂക്കൻ മലയാളി ക്ലബ്ബ് പ്രസിഡന്റ് ബിജു ഇടക്കുന്നത്ത് സോജൻ ജോസഫിന് പൊന്നാട അണിയിച്ച് ആദരിച്ചു.  രാജു കുന്നക്കാട്ട് ബൊക്കെ നൽകി സ്വീകരിച്ചു.

​ചടങ്ങിനോടനുബന്ധിച്ച് യുകെയിലെയും അയർലണ്ടിലെയും പ്രവാസി ഇന്ത്യക്കാർ നേരിടുന്ന വിവിധ പ്രശ്നങ്ങളെക്കുറിച്ചും വെല്ലുവിളികളെക്കുറിച്ചും തുറന്ന ചർച്ച നടന്നു. ഇരു രാജ്യങ്ങളിലെയും സാമൂഹിക-സാംസ്കാരിക കൂട്ടായ്മകളുടെ പ്രാധാന്യവും യോഗം വിലയിരുത്തി. ഭാവിയിൽ ബ്രിട്ടീഷ് പാർലമെന്റ് സന്ദർശിക്കാൻ സോജൻ ജോസഫ് ചടങ്ങിൽ സംബന്ധിച്ചവരെ സ്നേഹപൂർവ്വം ക്ഷണിക്കുകയും ചെയ്തു.

​ഷൈബു ജോസഫ്, റോയി പേരയിൽ റോയി കുഞ്ചെലക്കാട്ട് ,റെജി കുര്യൻ, ബിനോയി കുടിയിരിക്കൽ, ഡൊമിനിക് സാവിയോ, തോമസ് കളത്തിൽപറമ്പിൽ, ബെന്നി ജോസ് തുടങ്ങിയവർ ചർച്ചയിൽ പങ്കെടുത്തു.

https://www.instagram.com/gnn24x7.ie?igsh=YzljYTk1ODg3Zg==

Please join 

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Kf08R3ou9gF8zRa3kWEANh?s=cl&p=a&mlu=4&ilr=4