ഡബ്ലിൻ: അയര്‍ലൻഡില്‍ കുടുങ്ങിയവരില്‍ നൂറോളം മലയാളികളും. ലോക്ഡൗണ്‍ നീട്ടിയതോടെ മടക്കയാത്ര വൈകും. അയര്‍ലൻഡ് അടക്കമുള്ള രാജ്യങ്ങളില്‍ കഴിയുന്ന ഇന്ത്യന്‍ പൗരന്മാരെ നാട്ടിലേയ്ക്ക് തിരിച്ചു കൊണ്ടുപോകാനുള്ള സംവിധാനങ്ങള്‍ അടിയന്തരമായി ഏര്‍പ്പെടുത്തണമെന്ന് ഐഓസി/ ഓഐസിസി അയര്‍ലൻഡ് ആവശ്യപ്പെട്ടു.
യൂറോപ്പിലെ വിവിധ രാജ്യങ്ങളില്‍ കോവിഡ്19 പ്രതിസന്ധിയെ തുടര്‍ന്നു നിരവധി ഇന്ത്യന്‍ പൗരന്മാര്‍ കുടുങ്ങി കിടക്കുകയാണ്. ജോലി ആവശ്യങ്ങള്‍ക്ക് വന്നവരും സന്ദർശന്തതിനു വന്നവരും അടക്കം നിരവധി പേർ വീസാ കാലാവധി കഴിഞ്ഞിട്ടും യൂറോപ്പിലെ യാത്രാ നിയന്ത്രണങ്ങള്‍ കാരണം അവര്‍ക്ക് ഇന്ത്യയിലേയ്ക്ക് തിരിച്ചു പോകാനാവാതെ വന്നിരിക്കുകയാണ്.
രണ്ട് മാസത്തേയ്ക്കു വീസാ കാലാവധി നീട്ടിയിട്ടുണ്ടെങ്കിലും ഇവരില്‍ അധികവും ഏറെ മാനസിക സഘര്‍ഷത്തിലാണ്.
അയര്‍ലൻഡ് അടക്കമുള്ള യൂറോപ്യന്‍ രാജ്യങ്ങളെല്ലാം ഇന്ത്യയില്‍ കുടുങ്ങി കിടന്ന അവരുടെ പൗരന്മാരെ എയര്‍ ഇന്ത്യാ വിമാനം ഉപയോഗിച്ച് തിരികെ എത്തിച്ചിരുന്നു. യൂറോപ്പില്‍ യാത്രാ തടസം നേരിട്ട ഇന്ത്യാക്കാരോടും ഇതേ മനോഭാവം ഇന്ത്യാ സര്‍ക്കാര്‍ പുലര്‍ത്തണം എന്ന് ഓവര്‍സീസ് ഇന്ത്യന്‍ കോണ്‍ഗ്രസ് അയര്‍ലൻഡ് ഘടകം അധ്യക്ഷന്‍ കൂടിയായ ലിങ്ക്വിന്‍സ്റ്റര്‍ മാത്യു പ്രധാനമന്ത്രിക്കും കേരളാ മുഖ്യമന്ത്രിക്കും പ്രതിപക്ഷ നേതാവിനും അയച്ച നിവേദനത്തില്‍ ആവശ്യപ്പെട്ടു.
അയര്‍ലൻഡില്‍ അടക്കം ലോക്ഡൗണ്‍ നീട്ടിയിരിക്കുകയാണ്. മക്കളുടെ അടുത്ത് സന്ദര്‍ശനത്തിന് വന്നവരടക്കം നൂറിലധികം മാതാപിതാക്കള്‍ ഇപ്പോള്‍ അയര്‍ലൻഡിലുണ്ട്. കൊറോണ വൈറസ് പടരുമ്പോള്‍ ,കൃത്യമായ ടെസ്റ്റിങ് നടത്താനോ ,വിസിറ്റര്‍ എന്ന നിലയില്‍ ചികിത്സ പോലും ലഭിക്കാനും ഏറെ കടമ്പകളുണ്ട്.ഇവയൊക്കെ സര്‍ക്കാര്‍ പരിഗണക്കണം.
ജോലി നഷ്ടപ്പെട്ടവരും പഠനം നീട്ടി വയ്ക്കപ്പെട്ടവരുമായുള്ള നൂറുകണക്കിന് ഇന്ത്യന്‍ വിദ്യാർഥികള്‍ ദാരിദ്ര്യത്തിലേക്കും അരക്ഷിതാവസ്ഥയിലേയ്ക്കും നീങ്ങുകയാണ്.ഇപ്പോഴത്തെ സാഹചര്യത്തില്‍ ,കൂടുതല്‍ കാലം യൂറോപ്പില്‍ തുടരുന്നത് ആപത്കരമായ അവസ്ഥയിലേയ്ക്ക് ഇവരെ എത്തിച്ചേക്കാമെന്നതിനാല്‍ ഇന്ത്യാ സര്‍ക്കാരിന്റെ അടിയന്തര ശ്രദ്ധ ഈ കാര്യത്തില്‍ ഉണ്ടാവണമെന്ന് ലിങ്ക്വിന്‍സ്റ്റര്‍ മാത്യു നിവേദനത്തില്‍ അഭ്യര്‍ത്ഥിച്ചു.
ഐഒസി / ഓഐസിസി അയര്‍ലൻഡ് ഹെല്‍പ്പ് ലൈന്‍
അയര്‍ലൻഡിൽ സന്ദര്‍ശനത്തിനെത്തി ലോക്ഡൗണിനെ തുടര്‍ന്ന് മടങ്ങിപ്പോകാനാവാതെ .കുടുങ്ങിപ്പോയ മലയാളികള്‍ക്കായി ഐഓസി /ഓഐസിസി അയര്‍ലൻഡ് ഒരു ഹെല്‍പ്പ് ലൈന്‍ തുറന്നിട്ടുണ്ട്.
കൂടുതല്‍ വിവരങ്ങള്‍ക്ക്
സാന്‍ജോ മുളവരിയക്കല്‍ (0831919038)
പി എം ജോര്‍ജ് കുട്ടി (വാട്ടര്‍ഫോര്‍ഡ് ) (0870566531)
റോണി കുരിശിങ്കല്‍പറമ്പില്‍ (0899566465)
പ്രശാന്ത് മാത്യു (0894797586 )
ലെറ്റർകെന്നി: ഇന്ത്യൻ ശാസ്ത്രീയ നൃത്തരൂപമായ ഭരതനാട്യത്തിന്റെ പാരമ്പര്യവും സൗന്ദര്യവും പുതുതലമുറയിലേക്ക് പകരുക എന്ന ലക്ഷ്യത്തോടെ ലെറ്റർകെന്നിയിൽ ലാസ്യ കലാക്ഷേത്രയുടെ പ്രൊഫഷണൽ…
കിൽക്കെന്നി (അയർലൻഡ്): അയർലൻഡിലെ പ്രമുഖ മലയാളി സാമൂഹിക സാംസ്കാരിക കൂട്ടായ്മകളിലൊന്നായ കിൽക്കെന്നി മലയാളി അസോസിയേഷന് (KMA) പുതിയ ഭരണസമിതി നിലവിൽ…
അയർലണ്ടിലെ കത്തോലിക്കാ സഭയിൽ ബിഷപ്പുമാരുടെ എണ്ണം ഗണ്യമായി കുറയാൻ സാധ്യത. സഭയുടെ ഭരണസംവിധാനത്തിൽ വലിയ മാറ്റങ്ങൾ വരുത്തുന്നതിന്റെ ഭാഗമായാണ് ഈ…
ആർട്ടിഫിഷ്യൽ ഇന്റലിജൻസ് (AI) മേഖലയിലെ വൻ നിക്ഷേപങ്ങൾക്കും ചെലവ് നിയന്ത്രണത്തിനുമിടയിൽ ജീവനക്കാർക്ക് സ്വമേധയാ ജോലി വിടുന്നതിനുള്ള സാമ്പത്തിക പാക്കേജ് വാഗ്ദാനം…
ഹാലോവീൻ ആഘോഷങ്ങൾ അടുത്തിരിക്കെ, സുരക്ഷിതമല്ലാത്ത പടക്കങ്ങൾ വിപണിയിൽ വ്യാപകമായി ലഭിക്കുന്നതിനെതിരെ മുന്നറിയിപ്പുമായി അയർലണ്ടിലെ ഗാർഡ (Gardaí). ശക്തിയേറിയ പടക്കങ്ങളും തകരാറുള്ള…
അയർലണ്ടിൽ സൗജന്യമായി ജിപിയെ (GP) കാണാനുള്ള അർഹതയുണ്ടോ എന്ന് പൊതുജനങ്ങൾക്ക് എളുപ്പത്തിൽ പരിശോധിക്കാനായി പുതിയ ഓൺലൈൻ കാൽക്കുലേറ്റർ അവതരിപ്പിച്ച് ഹെൽത്ത്…