ഡബ്ലിനിൽ ഗാർഡ, നഴ്‌സ്, ടീച്ചർ എന്നിവരുൾപ്പെടെയുള്ള അവശ്യ തൊഴിലാളികൾക്കായി 46 റെന്റൽ അപാർട്ട്മെന്റ്സ് 1,710 യൂറോ മുതൽ

ഡബ്ലിനിലെ ഗൂഗിളിന്റെ ബോളണ്ട്സ് മിൽസ് ക്വാർട്ടറിലെ നാൽപ്പത്തിയാറ് അപ്പാർട്ടുമെന്റുകൾ ഗാർഡായികൾ, നഴ്‌സുമാർ, അധ്യാപകർ എന്നിവരുൾപ്പെടെയുള്ള പ്രധാന തൊഴിലാളികൾക്ക് കുറഞ്ഞ വാടകയിൽ ലഭ്യമാക്കുന്നു. മാർക്കറ്റ് നിരക്കിനേക്കാൾ 36 ശതമാനം വരെ കുറഞ്ഞ നിരക്കിൽ അപ്പാർട്ടുമെന്റുകൾ വാഗ്ദാനം ചെയ്യും. 35 ടു ബെഡ് യൂണിറ്റുകൾ പ്രതിമാസം €1,710-നും, പത്ത് ത്രീ ബെഡ് യൂണിറ്റുകൾ €1,850-നും, ഒരു വലിയ ത്രീ ബെഡ് അപ്പാർട്ട്മെന്റ് €2,100-നും വാടകയ്ക്ക് ലഭിക്കും.

അപേക്ഷകർ അവശ്യ തൊഴിലാളികളായിരിക്കണം. ആരോഗ്യ സംരക്ഷണം, വിദ്യാഭ്യാസം, പൊതു സുരക്ഷ, അടിസ്ഥാന സൗകര്യങ്ങൾ തുടങ്ങിയ മേഖലകളിൽ അവശ്യ സേവനങ്ങൾ നൽകുന്നവർക്കാണ് അവസരം. കൂടാതെ കുറഞ്ഞത് അഞ്ച് വർഷമെങ്കിലും ഡബ്ലിനിൽ താമസിക്കുകയോ ജോലി ചെയ്യുന്നവരോ ആയിരിക്കണം.ഡബ്ലിൻ 4 ലെ ബാരോ സ്ട്രീറ്റിൽ സ്ഥിതി ചെയ്യുന്ന ഈ വീടുകളിൽ നവീകരിച്ച പൈതൃക കെട്ടിടങ്ങളുടെയും പുതിയ വീടുകളും ഉൾപ്പെടുന്നു. അപേക്ഷകൾ ഫെബ്രുവരി 19 മുതൽ രണ്ടാഴ്ച വരെ സ്വീകരിക്കും.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb