കുട്ടികളുടെ വളർച്ചയ്ക്ക് കരുത്തായി ‘എന്റെ മലയാളം ക്രിയേറ്റീവ് ഹബ്ബ്’; വാട്ടർഫോർഡിൽ പ്രത്യേക ബോധവൽക്കരണ ക്ലാസും ഓപ്പൺ ഫോറവുംസംഘടിപ്പിക്കുന്നു.

​വാട്ടർഫോർഡ്: കുട്ടികളുടെ സർഗ്ഗാത്മകമായ വളർച്ചയ്ക്കും ദിശാബോധത്തിനുമായി വാട്ടർഫോർഡ് മലയാളി അസോസിയേഷന്റെ (WMA) കീഴിലുള്ള ‘എന്റെ മലയാളം ക്രിയേറ്റീവ് ഹബ്ബ്’ പ്രത്യേക ബോധവൽക്കരണ ക്ലാസ്സും ഓപ്പൺ ഫോറവും സംഘടിപ്പിക്കുന്നു. ഫെബ്രുവരി 19 വ്യാഴാഴ്ച ഫാരൻഷൊനീൻ യൂത്ത് ആൻഡ് കമ്മ്യൂണിറ്റി സെന്ററിലാണ് പരിപാടി.
​കുട്ടികളുടെ കലാപരമായ കഴിവുകളെ പരിപോഷിപ്പിക്കാനും സാമൂഹിക ബോധമുള്ള തലമുറയെ വാർത്തെടുക്കാനും ലക്ഷ്യമിട്ട് രണ്ട് സെഷനുകളിലായാണ് പരിപാടികൾ ക്രമീകരിച്ചിരിക്കുന്നത്.

​
​സെഷൻ 1 (ഉച്ചയ്ക്ക് 1.00 – 2.30): ‘Nurturing Excellence beyond the classroom’ എന്ന പ്രമേയത്തിൽ പ്രൈമറി, സെക്കൻഡറി വിദ്യാർത്ഥികൾക്കും രക്ഷിതാക്കൾക്കുമായി ക്ലാസ് നടക്കും. പാഠപുസ്തകങ്ങൾക്ക് പുറമെ കുട്ടികളുടെ സഹജമായ കഴിവുകൾ എങ്ങനെ തിരിച്ചറിയാമെന്നും വളർത്താമെന്നും ചർച്ച ചെയ്യുന്ന ഓപ്പൺ ഫോറവും ഇതിന്റെ ഭാഗമായി ഉണ്ടാകും.

​സെഷൻ 2 (ഉച്ചയ്ക്ക് 2.30 – 4.00): ‘ജീവിതമാണ് ലഹരി’ എന്ന സന്ദേശമുയർത്തി സെക്കൻഡറി വിദ്യാർത്ഥികൾക്കായി സംഘടിപ്പിക്കുന്ന ലഹരി വിരുദ്ധ വർക്ക്ഷോപ്പ്. സൗത്ത് ടിപ്പററി കമ്മ്യൂണിറ്റി സർവീസുമായി സഹകരിച്ചാണ് ‘Say No to Drugs’ ക്യാമ്പയിൻ സംഘടിപ്പിക്കുന്നത്.
​വാട്ടർഫോർഡിലെയും പരിസരപ്രദേശങ്ങളിലെയും മുഴുവൻ മലയാളികളും ഈ അവസരം പ്രയോജനപ്പെടുത്തണമെന്ന് സംഘാടകർ അറിയിച്ചു.

​കൂടുതൽ വിവരങ്ങൾക്ക്:
​ദയാനന്ദ്: 0894873070
​നിഷ ഷിനു: 0877797397

(വാർത്ത :ഷാജു ജോസ്)

Follow Us on Instagram!
GNN24X7 IRELAND :

https://www.instagram.com/gnn24x7.ie?igsh=YzljYTk1ODg3Zg==

Please join

https://chat.whatsapp.com/DMcx9ffd8nI5hZfAUsl96s?mode=hqrt3

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb