രോഗികളായ കുട്ടികളെ നോക്കാൻ രക്ഷിതാക്കൾക്ക് അഞ്ച് ദിവസത്തെ അവധി; തൊഴിൽ-ജീവിത ബാലൻസ് ബിൽ മന്ത്രിസഭയുടെ ചർച്ചയിൽ

അയർലണ്ട്: ഇന്ന് ക്യാബിനറ്റിൽ ഒപ്പുവെക്കുന്ന പുതിയ നിയമനിർമ്മാണത്തിന് കീഴിൽ, രോഗികളായ കുട്ടികളെ നോക്കാൻ രക്ഷിതാക്കൾക്ക് അഞ്ച് ദിവസത്തെ ശമ്പളമില്ലാത്ത അവധി ലഭിക്കും. കൂടുതൽ കുടുംബ സൗഹൃദമായ ജോലിസ്ഥലങ്ങൾ ലഭ്യമാക്കാൻ ലക്ഷ്യമിട്ടുള്ള പുതിയ തൊഴിൽ-ജീവിത ബാലൻസ് ബില്ലിന്റെ കരട് ശിശുവകുപ്പ് മന്ത്രി Roderic O’Gorman കൊണ്ടുവരുന്നു. ഈ പുതിയ ബിൽ യൂറോപ്യൻ യൂണിയന്റെ തൊഴിൽ-ജീവിത ബാലൻസ് നിർദ്ദേശം ഐറിഷ് നിയമത്തിലേക്ക് കൊണ്ടുവരും.

രോഗപരിചരണം ആവശ്യങ്ങളുള്ളവരെ സഹായിക്കാൻ എല്ലാ കുടുംബാംഗങ്ങൾക്കും അഞ്ച് ദിവസത്തെ ശമ്പളമില്ലാത്ത അവധി ലഭ്യമാക്കും. പരിചരിക്കുന്നവർക്കും രക്ഷിതാക്കൾക്കും ഫ്ലെക്സിബിൾ ആയതോ കംപ്രസ് ചെയ്തതോ ആയ ജോലി സമയം അഭ്യർത്ഥിക്കാനുള്ള അവകാശം ഉണ്ടായിരിക്കും.

ശമ്പളത്തോടെയുള്ള മുലയൂട്ടൽ ഇടവേളകൾക്കുള്ള അവകാശം നിലവിലെ ആറ് മാസത്തിൽ നിന്ന് രണ്ട് വർഷമായി കാലയളവ് വർദ്ധിപ്പിക്കും. ഗാർഹിക പീഡനത്തിന് ഇരയായവർക്ക് ശമ്പളത്തോടുകൂടിയ അവധിയും ബില്ലിൽ അവതരിപ്പിക്കും.