വാട്ടർഫോർഡ് സെൻ്റ് ഗ്രീഗോറിയോസ് ഓർത്തഡോക്സ് ദേവാലയത്തിലെ വിശുദ്ധ ഹാശാ ആഴ്ച ശുശ്രൂഷകൾക്ക് അഭി. എബ്രഹാം മാർ സ്തെഫാനോസ് മെത്രാപ്പോലീത്ത മുഖ്യകാർമ്മികത്വം വഹിക്കും

അയർലൻഡിലെ വാട്ടർഫോർഡ് സെൻ്റ് ഗ്രീഗോറിയോസ് ഇന്ത്യൻ ഓർത്തഡോക്സ് ദേവാലയത്തിലെ വിശുദ്ധ ഹാശാ ആഴ്ച ശുശ്രൂഷകൾ മാർച്ച് 29 മുതൽ ഏപ്രിൽ 4 വരെ യുകെ യൂറോപ്പ് ആഫ്രിക്ക ഭദ്രാസനാധിപൻ അഭി. എബ്രഹാം മാർ സ്തഫാനോസ് മെത്രാപ്പോലീത്തയുടെ മുഖ്യകാർമ്മികത്വത്തിൽ നടത്തപ്പെടുന്നു. അഭിവന്ദ്യ തിരുമേനിയുടെ കാർമ്മികത്വത്തിൽ അയർലൻഡിൽ ആദ്യമായി നടക്കുന്ന കാൽ കഴുകൽ ശുശ്രൂഷ ഇത്തവണത്തെ സവിശേഷ ശുശ്രൂഷ ആണ്.

ഓശാന ഞായർ ശുശ്രൂഷ മാർച്ച് 29 ന് രാവിലെ 8.30ന് പ്രഭാത നമസ്കാരം തുടർന്ന് വിശുദ്ധ കുർബ്ബാന, പ്രദക്ഷിണം, കുരുത്തോല വാഴ്‌വ്, സ്നേഹവിരുന്ന് എന്നിവ നടക്കും. വൈകിട്ട് 6.30ന് സന്ധ്യാപ്രാർത്ഥന.
ഏപ്രിൽ 1 ബുധനാഴ്ച പെസഹ ശുശ്രൂഷകൾ വൈകിട്ട് 4 മണി മുതൽ നടക്കുന്നതാണ്.

കാല്‍ കഴുകല്‍ ശുശ്രൂഷ…

ലോകനാഥനായ യേശുക്രിസ്തു തന്‍റെ ശിഷ്യരുടെ കാല്‍കഴുകി ഏളിമയും കരുതലും സ്നേഹവും താഴ്മയും ലോകത്തിന്‍റെ മുന്‍പില്‍ അവതരിപ്പിച്ചതിൻ്റെ പ്രതീകാത്മകമായി കാല്‍ കഴുകൽ ശുശ്രൂഷ ഏപ്രിൽ 2 വ്യാഴാഴ്ച ഉച്ചയ്ക്ക് 3 മണി മുതൽ അഭി. എബ്രാഹം മാർ സ്തെഫാനോസ് മെത്രാപ്പോലീത്തയുടെ മുഖ്യ കാർമ്മികത്വത്തിൽ നടക്കും. നിരവധി വൈദികർ ഈ ശുശ്രൂഷയിൽ പങ്കെടുക്കുന്നു.

ഏപ്രിൽ 3 വെള്ളിയാഴ്ച വലിയ വെള്ളിയാഴ്ചയുടെ ശുശ്രൂഷകൾ രാവിലെ 8.30 ന് ആരംഭിക്കും.

വാങ്ങിപ്പോയവരെ ഓർമ്മിക്കുന്ന ദിവസമായ
ഏപ്രിൽ 4 ശനിയാഴ്ച രാവിലെ 8.30 ന് പ്രഭാത നമസ്കാരം തുടർന്ന് വിശുദ്ധ കുർബ്ബാനയും നടക്കും.
ഈസ്റ്റർ ദിന ശുശ്രൂഷകൾ ഏപ്രിൽ 04 ശനിയാഴ്‌ച വൈകിട്ട് 5.30 നു സന്ധ്യാ നമസ്കാരത്തോടെ ആരംഭിച്ച് വിശുദ്ധ കുർബാനയും ഉയിർപ്പ് പ്രഖ്യാപനവും നടത്തുന്നു. വിശുദ്ധ വാരാചരണത്തോട് അനുബന്ധിച്ചു എല്ലാ ദിവസവും സന്ധ്യാനമസ്കാരവും വചന ശുശ്രൂഷയും ഉണ്ടായിരിക്കുമെന്ന് വികാരി
ഫാദർ അനു ജോർജ്ജ്, ട്രസ്റ്റി ഷാജി P ജോൺ, സെക്രട്ടറി ജേക്കബ് സാം എന്നിവർ അറിയിച്ചു.
കൂടുതൽ വിവരങ്ങൾക്ക്: ഫാ. അനു ജോർജ് (ഇടവക വികാരി)–+353851923201, ഷാജി P ജോൺ (ട്രസ്റ്റി) – + 353 871268956,
ജേക്കബ് സാം- (സെക്രട്ടറി) +353894929718

ശുശ്രൂഷകൾ നടക്കുന്ന സ്ഥലത്തിന്റെ വിലാസം:
എലൈറ്റ് ഇവൻ്റ് ഹാൾ വാട്ടർഫോർഡ്
X91HK7P

Follow Us on Instagram!
GNN24X7 IRELAND :

https://www.instagram.com/gnn24x7.ie?igsh=YzljYTk1ODg3Zg==

Please join

https://chat.whatsapp.com/DMcx9ffd8nI5hZfAUsl96s?mode=hqrt3

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb