നഴ്‌സുമാരുടെ താമസ സൗകര്യ പ്രശ്നത്തിന് പരിഹാരം: ജീവനക്കാർക്കായി വീട് നിർമ്മിക്കാനും വാങ്ങാനും ആശുപത്രികൾ പദ്ധതിയിടുന്നു

നഴ്സുമാർക്കും മറ്റ് പ്രധാന ജീവനക്കാർക്കും താമസ സൗകര്യം ഒരുക്കുന്നതിനായി വീടുകൾ നിർമ്മിക്കുന്നതിനും വാങ്ങുന്നതിനും വിവിധ പദ്ധതികൾ തയ്യാറാക്കിക്കൊണ്ടിരിക്കുകയാണ് ആശുപത്രികൾ. ഇതിനായി ക്യാപിറ്റൽ ഹെൽത്ത്‌ ബജറ്റിൽ നിന്ന് ധനസഹായം ലഭ്യമാക്കാമെന്ന് ആരോഗ്യ മന്ത്രി പറഞ്ഞു. വെള്ളിയാഴ്ച കില്ലാർനിയിൽ നടന്ന ഐറിഷ് നഴ്‌സസ് ആൻഡ് മിഡ്‌വൈവ്‌സ് ഓർഗനൈസേഷന്റെ വാർഷിക സമ്മേളനത്തിൽ സംസാരിക്കവെയാണ് പ്രഖ്യാപനം.

താമസ സൗകര്യക്കുറവിന് പരിഹാരം കാണുന്നതിന് എച്ച്എസ്ഇയും ആശുപത്രികളും നേതൃത്വം നൽകണമെന്ന് സ്റ്റീഫൻ ഡോണലി നിർദ്ദേശിച്ചു. റിക്രൂട്ട്‌മെന്റിനും ജീവനക്കാരെ നിലനിർത്തുന്നതിനും ഒരു പ്രധാന തടസ്സമായി കാണുന്ന താമസ പ്രശ്‌നം എങ്ങനെ പരിഹരിക്കാമെന്ന് രാജ്യത്തെ നിരവധി പ്രധാന ആശുപത്രികളിലെ മാനേജ്‌മെന്റ് തന്നോട് സംസാരിച്ചതായി അദ്ദേഹം പറഞ്ഞു.

പുതിയ ആശുപത്രികൾ ആസൂത്രണം ചെയ്യുമ്പോൾ ഭവനനിർമ്മാണത്തിനുള്ള സഹായം ഒരു മുൻ വ്യവസ്ഥയായിരിക്കണമെന്ന് ഐഎൻഎംഒ പ്രസിഡന്റ് കാരെൻ മക്‌ഗോവൻ പറഞ്ഞു,ഡബ്ലിനിലെ പുതിയ എൻ‌സി‌എച്ചിന് ആവശ്യമായ ജീവനക്കാരെ റിക്രൂട്ട് ചെയ്യാൻ കഴിയാത്തതിനാൽ താമസസൗകര്യവുമായി ബന്ധപ്പെട്ട് സഹായം നൽകിയില്ലെങ്കിൽ പൂർണ്ണമായി പ്രവർത്തനക്ഷമമാകില്ലെന്ന് യൂണിയൻ മുമ്പ് പറഞ്ഞിരുന്നു.ജോലി സ്ഥലങ്ങളിൽ നഴ്‌സുമാർ സുരക്ഷിതരല്ലെന്നും,ജോലി ചെയ്യാൻ ദീർഘനേരം യാത്ര ചെയ്യേണ്ട സാഹചര്യമുള്ള ആശുപത്രികളിൽ താമസ സൗകര്യങ്ങളും ക്രെച്ച് സൗകര്യങ്ങളും ഒരുക്കണമെന്ന് ആവശ്യപ്പെടുന്ന പ്രമേയത്തെ പ്രതിനിധികൾ ഏകകണ്ഠമായി പിന്തുണച്ചു.

എച്ച്എസ്ഇയുടെയോ ആശുപത്രികളുടെയോ താമസസൗകര്യം നിർമ്മിക്കുന്നതിനുള്ള ഏതെങ്കിലും ധനസഹായം അധിക ഫണ്ടിംഗ് വഴിയായിരിക്കണം. ആരോഗ്യ സംരക്ഷണ ഇൻഫ്രാസ്ട്രക്ചറിനുള്ള മറ്റ് ചെലവുകളിൽ നിന്ന് എടുക്കരുതെന്ന് Sinn Féin health വക്താവ് David Cullinane പറഞ്ഞു. അടുത്തിടെ ചിൽഡ്രൻസ് ഹെൽത്ത് അയർലണ്ടിൽ നിന്നുള്ള ഉദ്യോഗസ്ഥരെ കണ്ടിരുന്നുവെന്നും പുതിയ നാഷണൽ ചിൽഡ്രൻസ് ഹോസ്പിറ്റലിലേക്ക് (NCH) സേവനങ്ങൾ മാറ്റുമ്പോൾ HSE സ്റ്റാഫ് താമസത്തിനായി ക്രംലിൻ ഹോസ്പിറ്റൽ സൈറ്റ് ഉപയോഗിക്കാനുള്ള സാധ്യത ഒരു പ്രശ്നമാണെന്ന് കണ്ടെത്തിയതായും അദ്ദേഹം പറഞ്ഞു. കഴിഞ്ഞയാഴ്ച ഡബ്ലിനിലെ മാറ്റർ ഹോസ്പിറ്റലിലെ മാനേജ്‌മെന്റുമായി ഹൗസിംഗ് സൊല്യൂഷനുകളെ കുറിച്ച് സംസാരിച്ചതായും ഗാൽവേ യൂണിവേഴ്‌സിറ്റി ഹോസ്പിറ്റൽ ഉൾപ്പെടെയുള്ള മറ്റ് ആശുപത്രികളുമായി ഈ പ്രശ്നത്തെക്കുറിച്ച് ബന്ധപ്പെട്ടിട്ടുണ്ടെന്നും അദ്ദേഹം പറഞ്ഞു.

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/JhxiciOJCEF28fswCzOCIB