DEIS Gaeltachta Scholarship സ്കീമിനായി 900,000 യൂറോ പ്രഖ്യാപിച്ചു

DEIS Gaeltacht സ്കോളർഷിപ്പ് സ്കീമിനുള്ള ധനസഹായമായി സർക്കാർ 900,000 യൂറോ പ്രഖ്യാപിച്ചു. 2025-ലെ വേനൽക്കാലത്ത് അയർലൻഡിലുടനീളം പിന്നാക്കം നിൽക്കുന്ന സ്‌കൂളുകളിൽ നിന്നുള്ള 800-ലധികം വിദ്യാർത്ഥികൾക്ക് Gaeltacht പ്രദേശങ്ങളിലെ ഐറിഷ് ഭാഷാ കോഴ്‌സുകളിൽ പങ്കെടുക്കാൻ അനുവദിക്കും. മന്ത്രിമാരായ കാതറിൻ മാർട്ടിനും തോമസ് ബൈറും വിപുലീകരിച്ച പ്രോഗ്രാം പ്രഖ്യാപിച്ചത്. 2019 ൽ ആരംഭിച്ചതുമുതൽ 50 സ്കോളർഷിപ്പുകൾ മാത്രം ലഭ്യമായിരുന്നു. വിദ്യാർത്ഥികൾക്ക് ഈ മേഖലയിൽ മികച്ച അവസരങ്ങൾ നൽകാനാണ് പദ്ധതി ലക്ഷ്യമിടുന്നത്.

ഓരോ സ്കോളർഷിപ്പിനും €950 വരെ ലഭിക്കും. മൂന്നാഴ്ചത്തെ പ്രോഗ്രാമിനുള്ള മൊത്തം കോഴ്‌സ് ഫീസിൻ്റെ 85% ആണിത്. ഇത് മുൻപ് 850 യൂറോയായിരുന്നു.വർദ്ധിച്ചുവരുന്ന ചെലവുകൾ അംഗീകരിക്കുകയും കോഴ്‌സുകൾ കൂടുതൽ ആക്‌സസ് ചെയ്യാൻ ലക്ഷ്യമിട്ടാണ് വർദ്ധനവ്. സാധാരണയായി ഒരു വേനൽക്കാല കോഴ്‌സിൽ പങ്കെടുക്കാൻ അവസരമില്ലാത്ത യുവാക്കൾക്ക് ഇത് കൂടുതൽ അവസരങ്ങൾ സൃഷ്ടിക്കുന്നു. ഇത് ഐറിഷ് ഭാഷയ്ക്കും ഗെയ്ൽറ്റാച്ചിനും മാത്രമല്ല, സാമൂഹികമായ ഉൾപ്പെടുത്തലിനെ പ്രോത്സാഹിപ്പിക്കുകയും ചെയ്യുന്നു എന്ന് മന്ത്രി മാർട്ടിൻ പറഞ്ഞു.

ഗാൽവേയും റോസ്‌കോമൺ എജ്യുക്കേഷൻ ആൻ്റ് ട്രെയിനിംഗ് ബോർഡും (GRETB) പദ്ധതി നിയന്ത്രിക്കും. അപേക്ഷകൾ അടുത്ത മാസം തുറക്കുമെന്ന് പ്രതീക്ഷിക്കുന്നു. ഐറിഷ് ഭാഷയെ സംരക്ഷിക്കുന്നതിനും പ്രോത്സാഹിപ്പിക്കുന്നതിനുമുള്ള സർക്കാരിൻ്റെ പ്രതിബദ്ധതയ്ക്ക് അടിവരയിടുന്ന, ഐറിഷ് ഭാഷാ കോളേജ് മേഖലയിൽ 6 ദശലക്ഷം യൂറോയുടെ വിപുലമായ വാർഷിക നിക്ഷേപത്തിൻ്റെ ഭാഗമാണ് ഈ സംരംഭം.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb