അയർലണ്ടിൽ തെരഞ്ഞെടുപ്പ് തട്ടിപ്പ് വ്യാപകം; വിവിധ കൗണ്ടികളിൽ തദ്ദേശവാസികളേക്കാൾ കൂടുതൽ ആളുകൾ വോട്ടർ പട്ടികയിൽ

നിങ്ങൾ എപ്പോഴെങ്കിലും മറ്റൊരു കൗണ്ടിയിലേക്കോ ടൗണിലേക്കോ താമസം മാറിയ ശേഷവും മുൻ നിയോജകമണ്ഡലത്തിൽ വോട്ടുചെയ്തവരാണോ? എങ്കിൽ നിങ്ങൾ തിരഞ്ഞെടുപ്പ് കുറ്റകൃത്യം ചെയ്തതായി കണക്കാക്കപ്പെടും. ഒരാൾ, താൻ താമസിക്കുന്നിട്ടില്ലാത്ത ഒരു ഐറിഷ് നിയോജകമണ്ഡലത്തിൽ വോട്ടുചെയ്യുന്നത് നിയമവിരുദ്ധമാണ്. എന്നാൽ, കുടിയേറ്റക്കാർക്ക് രാജ്യം വിട്ട് 18 മാസം വരെയും, പഠനാവശ്യത്തിന് കൗണ്ടിയിൽ നിന്നും മാറി താമസിക്കുന്ന വിദ്യാർത്ഥികൾക്കും നിലവിലെ മണ്ഡലത്തിൽ വോട്ടുചെയ്യാൻ അനുവാദമുണ്ട്. എന്നാൽ ദീർഘകാലമായി സ്ഥലം മാറി താമസിച്ച് രണ്ട് നിയോജകമണ്ഡലങ്ങളിൽ രജിസ്റ്റർ ചെയ്തവർക്ക്, ഇത് ജയിൽ ശിക്ഷ ലഭിക്കാവുന്ന കുറ്റമാണ്.

Join GNN24X7 IRELAND Whatsapp Group 🔗 https://chat.whatsapp.com/HCHNSM0uwJ54sRAzNI1ur2

2024-ൽ തദ്ദേശ സ്വയംഭരണ പ്രദേശങ്ങളുടെ മൂന്നിലൊന്ന് പ്രദേശങ്ങളിൽ താമസിക്കുന്നതിനേക്കാൾ കൂടുതൽ ആളുകൾ വോട്ടർ പട്ടികയിൽ രജിസ്റ്റർ ചെയ്തിട്ടുണ്ടെന്ന് തിരഞ്ഞെടുപ്പ് കമ്മീഷൻ കഴിഞ്ഞ വർഷം പ്രസിദ്ധീകരിച്ച ഓവർസൈറ്റ് റിപ്പോർട്ടിൽ കണ്ടെത്തി. സ്ലിഗോ കൗണ്ടി കൗൺസിൽ റിപ്പോർട്ട് ചെയ്തതനുസരിച്ച്, താമസക്കാരേക്കാൾ 12 ശതമാനം കൂടുതൽ രജിസ്റ്റർ ചെയ്ത വോട്ടർമാർ ഉണ്ടായിരുന്നു..ഡൊണഗലിൽ 8 ശതമാനവും ലൈട്രിമിൽ 6 ശതമാനവുമാണ്.

ഒരു തിരഞ്ഞെടുപ്പ് സ്ഥാനാർത്ഥിക്ക്, അവർ മത്സരിക്കുന്ന മണ്ഡലത്തിലെ വിലാസത്തിൽ ഒന്നിലധികം വോട്ടർമാരെ, അവർഅവിടെ താമസിക്കുന്നില്ലെങ്കിലും, രജിസ്റ്റർ ചെയ്യാൻ ക്രമീകരിക്കാൻ കഴിയും. രണ്ടോ അതിലധികമോ വിലാസങ്ങളിലുള്ള വോട്ടർമാരുടെ ഡ്യൂപ്ലിക്കേറ്റ് രജിസ്ട്രേഷനുകൾ ഫ്ലാഗ് ചെയ്യുന്ന സംവിധാനങ്ങൾ തദ്ദേശ സ്വയംഭരണ സ്ഥാപനങ്ങൾക്ക് ഉണ്ടായിരുന്നില്ല. കുടിയേറിയതോ മരിച്ചതോ ആയ പൗരന്മാരെക്കുറിച്ചുള്ള അപ്‌ഡേറ്റുകൾ കൂടുതൽ പ്രശ്‌നങ്ങൾ സൃഷ്ടിച്ചു. രജിസ്റ്റർ അപ്‌ഡേറ്റ് ചെയ്യാനായി പ്രാദേശിക അധികാരികൾ Rip.ie പരിശോധിച്ചതായി പോലും റിപ്പോർട്ട് ചെയ്തു.

അധികാരികൾ തമ്മിലുള്ള മോശം ആശയവിനിമയവും തിരഞ്ഞെടുപ്പ് സമയത്ത് സമയ പരിമിതിയും കാരണം, വ്യത്യസ്ത തദ്ദേശ സ്വയംഭരണ സ്ഥാപനങ്ങൾ സെയിം കൺസിസ്റ്റന്റ് ഐഡന്റിഫയർ പോലും രേഖപ്പെടുത്തിയിരുന്നില്ല. തദ്ദേശ സ്വയംഭരണ സ്ഥാപനങ്ങളിൽ 22 ശതമാനം മാത്രമേ വോട്ടർമാരുടെ വ്യക്തിഗത പൊതു സേവന നമ്പറുകൾ (PPSN-കൾ) രേഖപ്പെടുത്തിയിട്ടുള്ളൂ. എഴുപത് ശതമാനം ഇയർകോഡുകളും 72 ശതമാനം ജനനത്തീയതികളും രേഖപ്പെടുത്തിയിട്ടുണ്ട്. വോട്ടർ രജിസ്റ്റർ ഏറ്റവും കൂടുതൽ ഉള്ളിടത്ത്, ഏറ്റവും കുറഞ്ഞ ജനനത്തീയതികളും ഇർകോഡുകളുമാണ് രേഖപ്പെടുത്തിയിട്ടുള്ളത്.

2022 ലെ ഇലക്ടറൽ റിഫോം ആക്ട് പ്രകാരം, രജിസ്റ്ററിൽ നിന്ന് നീക്കം ചെയ്യുന്നതിന് മുമ്പ് ഒരു വോട്ടറെ ബന്ധപ്പെടാൻ തദ്ദേശ സ്വയംഭരണ സ്ഥാപനങ്ങൾ മൂന്ന് ഡോക്യുമെന്റഡ് ശ്രമങ്ങൾ നടത്താം. പട്ടികയിൽ നിന്നും ഒരാളെ ഏകപക്ഷീയമായി നീക്കം ചെയ്താൽ, ആരുടെയെങ്കിലും വോട്ടവകാശം ലംഘിച്ചാൽ തദ്ദേശ സ്ഥാപനങ്ങൾ കുറ്റക്കാരായി കണ്ടെത്തും. ഈ സമ്പ്രദായം മാറ്റുന്നതിനായി തിരഞ്ഞെടുപ്പ് കമ്മീഷൻ പ്രവർത്തിക്കുന്നു. കഴിഞ്ഞ മെയ് മാസത്തിൽ കമ്മീഷന്റെ മേൽനോട്ട റിപ്പോർട്ട് പ്രസിദ്ധീകരിച്ചതിനുശേഷം, രജിസ്റ്റർ ശുദ്ധീകരണത്തിനും ഒരൊറ്റ ദേശീയ രജിസ്ട്രേഷൻ സംവിധാനത്തിലേക്ക് മാറുന്നതിനുമുള്ള ഒരു മൾട്ടി-ഇയർ പദ്ധതി അവർ ആരംഭിച്ചു.

എല്ലാ തദ്ദേശ സ്വയംഭരണ സ്ഥാപനങ്ങളും അവരുടെ രജിസ്റ്ററുകൾ ശുദ്ധീകരിക്കുകയും മറ്റ് പ്രദേശങ്ങളിൽ ഒരു വോട്ടർ രജിസ്റ്റർ ചെയ്തിട്ടുണ്ടെങ്കിൽ അത് ഫ്ലാഗ് ചെയ്യുന്ന ഡാറ്റാബേസിലേക്ക് ഡാറ്റ മാറ്റുകയും അന്വേഷണങ്ങൾ ആരംഭിക്കുകയും വേണം. ഓൺലൈനായി അപേക്ഷിക്കുന്ന എല്ലാ പുതിയ വോട്ടർമാരും സ്വയം തിരിച്ചറിയുന്നതിനും സർക്കാർ രേഖകളിൽ വിലാസം പരിശോധിക്കുന്നതിനും അവരുടെ PPSN നൽകേണ്ടതുണ്ട്. ഓരോ തദ്ദേശ സ്വയംഭരണ സ്ഥാപനത്തിനും അവരുടെ രജിസ്റ്ററുകൾ വൃത്തിയാക്കുന്നതിനും പരിവർത്തനം നടത്തുന്നതിനും ഫണ്ട് നീക്കിവച്ചിട്ടുണ്ട്.

2024-ൽ 146,000-ത്തിലധികം പേരും കഴിഞ്ഞ വർഷം 158,000-വും രജിസ്റ്ററുകളിൽ നിന്ന് ഒഴുവാക്കപ്പെട്ടതായി റിപ്പോർട്ടുണ്ട്. 2029-ൽ നടക്കാനിരിക്കുന്ന അടുത്ത പൊതുതെരഞ്ഞെടുപ്പിന് മുമ്പ് കണക്കാക്കിയ മൊത്തം അധിക എൻട്രികൾ – 500,000 വരെ – പൂർണ്ണമായും കുറയ്ക്കുന്നതുവരെ വരും വർഷങ്ങളിലും ഈ നിരക്ക് തുടരുമെന്ന് പ്രതീക്ഷിക്കുന്നു. ഡ്യൂപ്ലിക്കേറ്റ് PPSN-കൾ ഫ്ലാഗ് ചെയ്യുന്ന പുതിയ സംവിധാനത്തിലേക്കുള്ള ഓൺബോർഡിംഗ് അടുത്ത മാസം ആരംഭിക്കും.

2024-ൽ ഡബ്ലിൻ സെൻട്രലിൽ , ഒരു എയർകോഡും ജനനത്തീയതിയും കൂടി ചേർത്ത രജിസ്റ്റർ ചെയ്ത വോട്ടർമാരുടെ എണ്ണം 88 ശതമാനമായിരുന്നു. അവരിൽ നാലിലൊന്ന് പേർക്ക് മാത്രമേ പിപിഎസ്എന്നുമായി ബന്ധമുള്ളൂ. ഗാൽവേ കൗണ്ടിയിൽ, 29 ശതമാനം വോട്ടർമാർക്ക് എർകോഡുകളും ജനനത്തീയതികളും സംയോജിപ്പിച്ച് രേഖപ്പെടുത്തിയപ്പോൾ, പിപിഎസ്എൻ-കൾ 19 ശതമാനവുമായി മാത്രമേ ബന്ധപ്പെട്ടിട്ടുള്ളൂ.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

Follow Us on Instagram!
GNN24X7 IRELAND :
🔗 https://www.instagram.com/gnn24x7.ie?igsh=YzljYTk1ODg3Zg==