ജോലി വാഗ്ദാനം ചെയ്ത് പണം തട്ടി; Portmarnock മലയാളിയുടെ തട്ടിപ്പിന് ഇരയായത് നിരവധി പേർ

അയർലണ്ടിൽ ജോലി ലഭിക്കുമെന്ന വാഗ്ദാനം നൽകി വിദ്യാർഥികളിൽനിന്ന് പണം വാങ്ങി വഞ്ചിച്ചതായി മലയാളിക്കെതിരെ ആരോപണം. Portmarnock താമസിക്കുന്ന ഷിൽജി സിറിയക് എന്ന വ്യക്തിക്കെതിരെയാണ് പരാതികൾ ഉയർന്നിരിക്കുന്നത്. ഓരോ വിദ്യാർഥിയിൽനിന്നും 2,000 യൂറോ വരെ വാങ്ങിയെന്നും ഏകദേശം 40 പേരെ ഇത്തരത്തിൽ വഞ്ചിച്ചതായും പരാതിക്കാർ ആരോപിക്കുന്നു. അയർലണ്ടിൽ ജോലി ലഭിക്കുമെന്ന പ്രതീക്ഷയിൽ പണം നൽകിയ വിദ്യാർഥികൾക്ക് വാഗ്ദാനം ചെയ്ത ജോലി ലഭിച്ചില്ലെന്നാണ് ആരോപണം.

Join GNN24X7 IRELAND Whatsapp Group 🔗 https://chat.whatsapp.com/HCHNSM0uwJ54sRAzNI1ur2

പണം തിരികെ ആവശ്യപ്പെട്ടപ്പോൾ ഭീഷണി നേരിടേണ്ടിവന്നതായും ചിലർ പറയുന്നു. തട്ടിപ്പിന് ഇരയായവർ വരും ദിവസങ്ങളിൽ ഗാർഡ യിൽ പരാതി നൽകാൻ ഒരുങ്ങുകയാണ്. പരാതിക്കാരുടെ ആരോപണമനുസരിച്ച്, അയർലണ്ടിലെ മലയാളി സമൂഹത്തിനിടയിൽ വിശ്വാസ്യത നേടിയെടുക്കുന്നതിനായി പള്ളികളിലെ സജീവ സാന്നിധ്യവും സാമൂഹിക പ്രവർത്തനങ്ങളുമായുള്ള ബന്ധവും ഉപയോഗിച്ചാണ് ഇയാൾ തട്ടിപ്പ് നടത്തിയത് എന്നാണ് ആരോപണം. എന്നാൽ, പള്ളികൾക്കോ അവയുമായി ബന്ധപ്പെട്ട സംഘടനകൾക്കോ ഇയ്യാളുമായി യാതൊരു ബന്ധമില്ല. അവിടെ എത്തുന്നവരുമായി സൗഹൃദം സ്ഥാപിക്കുന്നത് വഴിയാണ് തട്ടിപ്പ് നടത്തുന്നത്.

മലയാളി സമൂഹത്തിന്റെ വിവിധ കൂട്ടായ്മകളിലും മതപരമായ പരിപാടികളിലും സാമൂഹിക പ്രവർത്തനങ്ങളിലും സജീവമായി ഇടപെടുന്ന വ്യക്തികളോട് വിദ്യാർഥികളും കുടുംബങ്ങളും ബന്ധം പുലർത്തുന്നത് സ്വാഭാവികമാണ്. ഈ വിശ്വാസം ഉപയോഗിച്ചാണ് ചിലരെ ജോലി വാഗ്ദാനത്തിലേക്ക് ആകർഷിച്ചതെന്നാണ് ആരോപണം.

ഓരോ വിദ്യാർഥിയിൽനിന്നും 2,000 യൂറോ വരെ വാങ്ങിയെന്നാണ് പരാതികളിൽ പറയുന്നത്. നൽകിയ പണം തിരികെ ആവശ്യപ്പെട്ടപ്പോൾ ഭീഷണിപ്പെടുത്തിയെന്ന ആരോപണവും ഉയർന്നിട്ടുണ്ട്. ഇയാൾക്കെതിരെ ബന്ധപ്പെട്ട് കേരളത്തിലും നിരവധി പരാതികളുണ്ടെന്നാണ് ലഭിച്ച വിവരങ്ങൾ. കേരളത്തിലും ഇയാൾക്കെതിരെ നിയമ നടപടികൾക്ക് ഒരുങ്ങുകയാണ് പരാതിക്കാർ. മുഖ്യമന്ത്രിക്കും ഡിജിപിക്കും പരാതി നൽകുമെന്നാണ് വിവരം.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

Follow Us on Instagram!
GNN24X7 IRELAND :
🔗 https://www.instagram.com/gnn24x7.ie?igsh=YzljYTk1ODg3Zg==