ക്രാന്തി മെയ് ദിന അനുസ്മരണം സംഘടിപ്പിച്ചു

ഡബ്ലിന്‍: അയര്‍ലണ്ടിലെ ഇടതുപക്ഷ പുരോഗമന സാംസ്‌കാരിക സംഘടനയായ ക്രാന്തിയുടെ നേതൃത്വത്തിൽ മെയ്ദിന അനുസ്മരണം സംഘടിപ്പിച്ചു. ഡബ്ലിനിലെ WSAF ഹാളിൽ വച്ച് നടന്ന ചടങ്ങില്‍ അയര്‍ലണ്ടിലെ വിവിധ കൗണ്ടികളായ, വാട്ടര്‍ഫോര്‍ഡ്, കില്‍ക്കെനി, ലിമിറക്, കോര്‍ക്ക്, ലെറ്റർകെനി തുടങ്ങിയാ ക്രാന്തി യൂണിറ്റുകളില്‍ നിന്നും, അതോടൊപ്പം ഡബ്ലിനിലെ വിവിധ പ്രദേശങ്ങളില്‍ നിന്നുമായി നിരവധി അംഗങ്ങള്‍ പങ്കെടുത്തു.

പ്രസ്തുത ചടങ്ങില്‍ Irish Nurses & Midwives Organisation (INMO)യുടെ ജനറൽ സെക്രട്ടറി Phil Ni Sheaghdha, “Why union matters for nursing “ എന്ന വിഷയത്തെ ആസ്‌പദമാക്കിയും, കമ്മ്യൂണിസ്റ്റ് പാർട്ടി ഓഫ് അയർലൻഡിന്റെ പ്രതിനിധി Graham Harrington, ” Trade unions in Ireland- opportunities and challenges” എന്ന പ്രതിപാദ്യ വിഷയത്തെക്കുറിച്ചും, അയർലൻഡ് വർക്കേഴ്സ് പാർട്ടിയുടെ യുവനേതാവ് Claire O’ Connor – ‘Challenges facing working class during corona period “ എന്ന ആനുകാലിക പ്രസക്തമായ വിഷയത്തെക്കുറിച്ച് പ്രസംഗിക്കുകയും, പ്രബന്ധങ്ങൾ അവതരിപ്പിക്കുകയും ചെയ്തു. തുടർന്ന്, അസോസിയേഷൻ ഓഫ് ഇന്ത്യൻ കമ്മ്യൂണിസ്റ്റ് പ്രതിനിധി വർഗീസ് ജോയിയും, മൈഗ്രേന്റ്‌ നഴ്‌സ്സ് അയർലൻഡ് പ്രതിനിധി ആഗ്നസ് ഫെബിനയും ആശംസകൾ അറിയിച്ചു പ്രസംഗിക്കുകയും, പ്രശസ്ത കവി കുരീപ്പുഴ ശ്രീകുമാർ ഓൺലൈനായി പങ്കെടുത്ത് കവിത അവതരിപ്പിക്കുകയും ചെയ്തു.

കാര്യപരിപാടിയിൽ, ക്രാന്തിയുടെ സെക്രട്ടറി ഷിനിത്ത് എ.കെ സ്വാഗതവും, പ്രസിഡണ്ട് മനോജ് മാന്നാത്ത് നന്ദിയും പറഞ്ഞു. കേന്ദ്ര കമ്മിറ്റി അംഗം മെൽബ സിജു അവതാരകയും ആയിരുന്നു.