അയർലണ്ട് ബജറ്റ് ഇന്ന്: നികുതി, പെൻഷൻ, ഭവനം, ചൈൽഡ് കെയർ—പ്രതീക്ഷകൾ ഏറെ

അയർലണ്ടിന്റെ 2027 സാമ്പത്തിക വർഷത്തേക്കുള്ള ബജറ്റ് ഇന്ന് ഡെയിൽ എയറനിൽ അവതരിപ്പിക്കും. ജീവിതച്ചെലവ്, നികുതി, സാമൂഹിക ക്ഷേമം, ശിശുപരിചരണ ചെലവ്, ഭവനമേഖല, ഇന്ധനവില തുടങ്ങിയ വിഷയങ്ങളിൽ ജനങ്ങൾക്ക് ആശ്വാസം നൽകുന്ന നടപടികൾ ബജറ്റിൽ ഉണ്ടാകുമെന്ന പ്രതീക്ഷ ശക്തമാണ്.

ധനമന്ത്രി സൈമൺ ഹാരിസും പൊതുചെലവ് മന്ത്രി ജാക്ക് ചേംബേഴ്സും ഇന്ന് ബജറ്റ് പ്രഖ്യാപനം നടത്തും. പ്രഖ്യാപനത്തിന് മുന്നോടിയായി സർക്കാർ തലത്തിൽ നടന്ന ചർച്ചകളിൽ നിരവധി പ്രധാന നിർദേശങ്ങൾ പരിഗണിച്ചിരുന്നു.

Join GNN24X7 IRELAND Whatsapp Group 🔗 https://chat.whatsapp.com/HCHNSM0uwJ54sRAzNI1ur2

നികുതി ഇളവുകൾ പ്രതീക്ഷയിൽ

തൊഴിലാളികളുടെ കൈകളിൽ കൂടുതൽ പണം എത്തിക്കുന്ന തരത്തിലുള്ള Income Tax package ബജറ്റിലെ പ്രധാന ആകർഷണങ്ങളിലൊന്നാകുമെന്നാണ് പ്രതീക്ഷ. ഉയർന്ന നിരക്കിലുള്ള 40% ഇൻകം ടാക്സ് ബാധകമാകുന്ന വരുമാന പരിധി ഉയർത്തുന്നതും വ്യക്തിഗത നികുതി ക്രെഡിറ്റുകൾ വർധിപ്പിക്കുന്നതും പരിഗണനയിലുണ്ട്. ഇതിലൂടെ ശമ്പളവർധന ലഭിക്കാത്ത തൊഴിലാളികൾക്ക് പോലും നികുതി ബാധ്യതയിൽ കുറവ് ലഭിക്കുമെന്നാണ് പ്രതീക്ഷ.

State Pension, Social Welfare വർധന

State Pension ഉൾപ്പെടെയുള്ള പ്രധാന സാമൂഹിക ക്ഷേമപേയ്മെന്റുകളിൽ ആഴ്ചയിൽ €10 വരെ വർധന ഉണ്ടാകുമെന്ന പ്രതീക്ഷയാണ് ഉയരുന്നത്.ജീവിതച്ചെലവ് വർധിക്കുന്ന സാഹചര്യത്തിൽ പെൻഷൻകാരെയും കുറഞ്ഞ വരുമാനക്കാരെയും ലക്ഷ്യമിട്ട് കൂടുതൽ പിന്തുണ നൽകണമെന്ന ആവശ്യം ശക്തമായിരുന്നു.

Disability support-ലും മാറ്റങ്ങൾ

വൈകല്യമുള്ളവർക്ക് അധിക സാമ്പത്തിക സഹായം നൽകുന്ന പുതിയ Cost of Disability Payment ബജറ്റിലെ പ്രധാന നിർദേശങ്ങളിലൊന്നാണ്. ഈ വിഭാഗത്തിന് ഒറ്റത്തവണ സഹായവും പിന്നീട് സ്ഥിരമായ പിന്തുണയും നൽകുന്ന രീതിയിലുള്ള പദ്ധതി പരിഗണിച്ചുവരികയാണ്.

Childcare ചെലവ് കുറയ്ക്കുമോ?

കുടുംബങ്ങളെ നേരിട്ട് ബാധിക്കുന്ന മറ്റൊരു പ്രധാന വിഷയം Childcare cost ആണ്. ശിശുപരിചരണ ചെലവ് കുറയ്ക്കുന്നതിനുള്ള പുതിയ നടപടികൾ ബജറ്റിൽ ഉൾപ്പെടുത്തുമെന്നാണ് പ്രതീക്ഷ. പ്രത്യേകിച്ച് ചെറുപ്പക്കാരായ കുട്ടികളുള്ള കുടുംബങ്ങൾക്ക് കൂടുതൽ സഹായം നൽകുന്നതിനെക്കുറിച്ച് സർക്കാർ ചർച്ചകൾ നടന്നിരുന്നു.

Renters-നും First-time buyers-നും ആശ്വാസം?

വാടകയ്ക്ക് താമസിക്കുന്നവർക്ക് ലഭിക്കുന്ന Rent Tax Credit വർധിപ്പിക്കാനുള്ള നിർദേശവും ചർച്ചകളിലുണ്ട്. അതേസമയം, ആദ്യമായി വീട് വാങ്ങുന്നവർക്ക് ലഭിക്കുന്ന Help-to-Buy പദ്ധതിയിൽ കൂടുതൽ സഹായം നൽകണമെന്ന ആവശ്യവും ഉയർന്നിട്ടുണ്ട്. ഭവനച്ചെലവും വാടകയും സാധാരണ കുടുംബങ്ങളുടെ സാമ്പത്തിക സമ്മർദ്ദം വർധിപ്പിക്കുന്ന സാഹചര്യത്തിൽ, Housing മേഖലയിൽ ബജറ്റ് പ്രഖ്യാപനങ്ങൾ ഏറെ നിർണായകമാകും.

Petrol-Diesel വിലയിൽ ആശ്വാസം?

ഇന്ധനവിലയും ബജറ്റിലെ മറ്റൊരു പ്രധാന വിഷയമാണ്. പെട്രോൾ, ഡീസൽ എന്നിവയ്ക്കുള്ള Excise Duty ഇളവ് ശീതകാലത്തേക്കെങ്കിലും തുടരാനുള്ള സാധ്യതയുണ്ട്. അന്താരാഷ്ട്ര വിപണിയിലെ എണ്ണവിലയും ഉയർന്ന ജീവിതച്ചെലവും കണക്കിലെടുത്താണ് ഇന്ധനവിലയിൽ കൂടുതൽ ആശ്വാസം നൽകുന്നതിനുള്ള നടപടികൾ പരിഗണിക്കുന്നത്.

Energy bills-ലും പ്രതീക്ഷ

വീടുകളുടെ ഊർജച്ചെലവ് കുറയ്ക്കുന്നതിനുള്ള നടപടികളും ബജറ്റിൽ ശ്രദ്ധേയമാകുമെന്നാണ് പ്രതീക്ഷ. Home heating oil, energy efficiency, renewable energy തുടങ്ങിയ മേഖലകളിൽ കൂടുതൽ സഹായം നൽകാനുള്ള നിർദേശങ്ങൾ ഇതിനകം തന്നെ ചർച്ചയായിട്ടുണ്ട്.

വലിയ സാമ്പത്തിക പാക്കേജ്

2027 ബജറ്റിന്റെ മൊത്തം സാമ്പത്തിക പാക്കേജ് ഏകദേശം €8.5 ബില്യൺ മുതൽ €8.6 ബില്യൺ വരെ ആയിരിക്കുമെന്നാണ് ബജറ്റിന് മുന്നോടിയായുള്ള റിപ്പോർട്ടുകൾ സൂചിപ്പിക്കുന്നത്. ഇതിൽ അധിക സർക്കാർ ചെലവുകളും നികുതി നടപടികളും ഉൾപ്പെടും.

നികുതി ഇളവുകൾ, പെൻഷൻ വർധന, Childcare, Housing, Fuel, Energy എന്നിവയിൽ സർക്കാർ എത്രത്തോളം ആശ്വാസം നൽകും എന്നതാണ് ഇനി അയർലൻഡിലെ കുടുംബങ്ങൾ ഉറ്റുനോക്കുന്നത്.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

Follow Us on Instagram!
GNN24X7 IRELAND :
🔗 https://www.instagram.com/gnn24x7.ie?igsh=YzljYTk1ODg3Zg==