ദുരൂഹ സാഹചര്യത്തില്‍ ആമസോണിലെ ജോലിക്കാരനെന്ന വ്യാജേന വീടുകളുടെയും പരിസരത്തെയും ചിത്രം എടുക്കുന്നു

ഡബ്ലിന്‍: ഡബ്ലിനിലെ ക്ലോണ്‍ടാര്‍ഫിലെ വീടുകളില്‍ അമസോണില്‍ നിന്നാണെന്ന് പറഞ്ഞ് ഒരു അപരിചിതന്‍ വെള്ളവാനില്‍ വന്ന് വിടുകളുടെയും പരിസരത്തിന്റെയും ഫോട്ടോകള്‍ എടുക്കുന്നതായി ക്ലോണ്‍ടാര്‍ഫിലെ ഒരു താമസക്കാരന്‍ റിപ്പോര്‍ട്ട് ചെയ്തു. ഒരു വെളുത്ത വാനിലാണ് ഈ വ്യക്തി വരുന്നതെന്നും കറുത്ത വസ്ത്രം ധരിച്ചയാളാണെന്നും പോലീസിനോട് വ്യക്തമാക്കി. ‘യെല്ലോ റെഗ്’ ഉപയോഗിച്ച് വാന്‍ ഓടിക്കുകയാണെന്ന് കരുതുന്ന ഇയാളെ കഴിഞ്ഞ വെള്ളിയാഴ്ച ഡബ്ലിന്‍ 3 ലെ ക്ലോന്റാര്‍ഫിലെ ഒരു വീടിന് പുറത്ത് സിസിടിവിയില്‍ പകര്‍ന്ന വിഷ്വലിലാണ് കൃത്യമായി് കാണപ്പെട്ടത്.

ക്ലോണ്‍ടാര്‍ഫിലെ ഒരു താമസക്കാരി ഇങ്ങനെയാണ് ഫെയ്‌സ്ബുക്കില്‍ കുറിച്ചത് ‘വെള്ളിയാഴ്ച രാവിലെ ക്ലോണ്‍ടാര്‍ഫില്‍ നിന്ന് അദ്ദേഹം എന്നെ വിളിച്ചു. ഞങ്ങള്‍ ഇല്ലാത്തപ്പോള്‍ ഞങ്ങളുടെ പാഴ്‌സലുകള്‍ എവിടെയാണ് ഉപേക്ഷിക്കേണ്ടത് എന്ന് പരിശോധിക്കാന്‍ ആമസോണ്‍ അയച്ചതായാണ് അപരിചതന്‍ പറഞ്ഞത്. എന്നാല്‍ ആമസോണ്‍ വക്താവ് പറയുന്നത് ഇങ്ങനെയാണ്. അവരുടെ ഒരു ഡ്രൈവര്‍, ഒരു സ്റ്റാഫ് ഡ്രൈവര്‍ അല്ലെങ്കില്‍ അവര്‍ക്ക് വേണ്ടി പ്രവര്‍ത്തിക്കുന്ന ഒരു സ്വതന്ത്ര ഡ്രൈവര്‍, അവര്‍ ഒരു പാര്‍സല്‍ ഉപേക്ഷിച്ചുവെന്ന് തെളിയിക്കാതെ ഒരു വീടിന്റെ ഫോട്ടോ എടുക്കില്ല. കൂടാതെ ആമസോണ്‍ വാഹനങ്ങളില്‍ കൃത്യമായി ആമസോണ്‍ന്റെ എംബ്ലം പതിച്ചിരിക്കും. ‘ആമസോണ്‍ ഡ്രൈവര്‍മാര്‍ ആളുകളുടെ വീടുകളുടെ ഫോട്ടോ എടുക്കുന്നില്ല, അവര്‍ ഒരു പാര്‍സല്‍ ഡെലിവര്‍ ചെയ്യുന്നില്ലെങ്കില്‍, അവര്‍ അത് റിപ്പോര്‍ട്ട് ചെയ്യാന്‍ ഒരു ഫോട്ടോ എടുക്കുന്നുവെങ്കില്‍, ഇവിടെയാണ് അവര്‍ പാര്‍സല്‍ ഉപേക്ഷിച്ചത് എന്നുള്ള രേഖകള്‍ക്ക് വേണ്ടി മാത്രമായിരിക്കും.’ ആമസോണ്‍ വക്താവ് വെളിപ്പെടുത്തി. ആമസോണ്‍ ഡെലിവറി ഡ്രൈവര്‍മാരുടെ വാനുകള്‍ സാധാരണയായി ആമസോണ്‍ സ്റ്റിക്കര്‍ ഉപയോഗിച്ച് ബ്രാന്‍ഡുചെയ്യുന്നുണ്ടെന്നും വക്താവ് കൂട്ടിച്ചേര്‍ത്തു.
ക്ലോന്റാര്‍ഫിലെ ഡ്രൈവര്‍ ഉന്നയിച്ച അവകാശവാദത്തിന് വിരുദ്ധമായി ഭാവിയിലെ ഡെലിവറികള്‍ക്കായി ആമസോണ്‍ വീടുകളുടെ ഫോട്ടോയെടുക്കുന്നില്ലെന്നും വക്താവ് സ്ഥിരീകരിച്ചു.