അയർലണ്ടിലെ ഇന്ത്യൻ സമൂഹത്തിന്റെ ഏറ്റവും വലിയ സാംസ്കാരിക ആഘോഷം ‘ഉത്സവ് 2026 – മിഡ്ലാൻഡ് ഇന്ത്യൻ ഫെസ്റ്റ്’ ജൂലൈ 4-ന് പോർട്ട്ലീഷ് റഗ്ബി ക്ലബ്ബിൽ വൻ ജനപങ്കാളിത്തത്തോടെ അരങ്ങേറി. ഇന്ത്യൻ പൈതൃകവും അയർലണ്ടിന്റെ ആതിഥേയ സംസ്കാരവും സമന്വയിപ്പിച്ച ഈ ആഘോഷത്തിൽ ആയിരങ്ങൾ സാക്ഷിയായി. ഇന്ത്യയുടെ അയർലണ്ടിലെ അംബാസഡർ മനീഷ് ഗുപ്ത ഉദ്ഘാടനം നിർവ്വഹിച്ചു. ലാവോസ് കൗണ്ടി മേയർ Catherine Fitzgerald പങ്കെടുത്തു.
Join GNN24X7 IRELAND Whatsapp Group 🔗 https://chat.whatsapp.com/HCHNSM0uwJ54sRAzNI1ur2
മലയാളികളുടെ പ്രിയ നായിക ഭാവന മേളയിൽ മുഖ്യാതിഥിയായി. പ്രിയ താരത്തെ നിറഞ്ഞ കരഘോഷത്തോടെ അയർലണ്ട് മലയാളികൾ വരവേറ്റു. വിവിധ കൗണ്ടികളിൽ നിന്നുള്ള ഇന്ത്യൻ സമൂഹാംഗങ്ങളും ഐറിഷ് സ്വദേശികളും ആഘോഷത്തിൽ പങ്കുചേർന്നു. ഓൾ അയർലണ്ട് ടഗ് ഓഫ് വാർ മത്സരം വിശിഷ്ഠാ തിഥികൾ ഉൾപ്പെടെ അത്യധികം ആവേശത്തോടെയാണ് കണ്ടു നിന്നത്. കൂടാതെ ഫാഷൻ ഷോ, റീൽസ് മത്സരം, പെൻസിൽ ഡ്രോയിംഗ് & കളറിംഗ് മത്സരം, പെനാൽറ്റി ഷൂട്ട് ഔട്ട് & ബൗളിംഗ് മത്സരം എന്നിവയും മേളയുടെ മാറ്റുകൂട്ടി.
ആഘോഷവേദിയിൽ കുടുംബങ്ങൾക്കായി വൈവിധ്യമാർന്ന പരിപാടികളാണ് ഒരുക്കിയിരുന്നത്. ഇന്ത്യയുടെ വിവിധ സംസ്ഥാനങ്ങളിലെ തനത് വിഭവങ്ങൾ പരിചയപ്പെടുത്തിയ ഭക്ഷണശാലകൾ, ഷോപ്പിംഗ് സ്റ്റാളുകൾ, കുട്ടികൾക്കും മുതിർന്നവർക്കുമായി അമ്യൂസ്മെന്റ് റൈഡുകൾ, തത്സമയ സംഗീതം, നൃത്തപരിപാടികൾ എന്നിവ ജനശ്രദ്ധ നേടി. വൈകുന്നേരം നടന്ന കലാപരിപാടികളിൽ ഇന്ത്യൻ നൃത്തങ്ങളും സംഗീതവും, ടിമഹോ ക്വയറിന്റെ ഗാനാലാപനവും ഐറിഷ് നൃത്തവും കാണികൾക്ക് നവ്യാനുഭവമായി.
ഇന്ത്യൻ പാരമ്പര്യവും അയർലണ്ടിന്റെ ആതിഥേയ മനോഭാവവും ഒരുമിച്ചുചേർന്ന ഉത്സവ് 2026 ഇന്ത്യൻ-ഐറിഷ് സൗഹൃദത്തിന്റെ മറ്റൊരു മനോഹര അധ്യായമായി മാറിയെന്നും, വരും വർഷങ്ങളിൽ ഇതിലും വിപുലമായ ആഘോഷവുമായി തിരിച്ചെത്തുമെന്ന് സംഘാടകർ അറിയിച്ചു. വൻ വിജയമായി മാറിയ ‘ഉത്സവ് 2026 – മിഡ്ലാൻഡ് ഇന്ത്യൻ ഫെസ്റ്റ്’ന്റെ ടൈറ്റിൽ സ്പോൺസർ TILEX ആണ്.
Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S
Follow Us on Instagram!
GNN24X7 IRELAND :
🔗 https://www.instagram.com/gnn24x7.ie?igsh=YzljYTk1ODg3Zg==
അയർലൻഡിലെ 70,000-ത്തിലധികം ലീവിംഗ് സർട്ടിഫിക്കറ്റ് വിദ്യാർത്ഥികൾക്ക് ഇന്ന് പരീക്ഷാഫലം ലഭിച്ചു. ഇത്തവണ ഉയർന്ന ഗ്രേഡുകളുടെ എണ്ണത്തിൽ കുറവ് രേഖപ്പെടുത്തിയതോടെ, കോവിഡ്…
അയർലൻഡിലെ ബസ് ഡ്രൈവർ ഒഴിവുകളിലേക്ക് അവസരം. യൂറോപ്യൻ രാജ്യങ്ങളിൽ നിന്നുള്ള യോഗ്യരായ ഉദ്യോഗാർത്ഥികൾക്കായി Vista Career Solutions റിക്രൂട്ട്മെന്റ് പ്രഖ്യാപിച്ചതായി…
രണ്ട് കിൽക്കെന്നി മലയാളികൾ സഞ്ചരിച്ചിരുന്ന ബൈക്ക് അപകടത്തിൽപ്പെട്ടു. കിൽഡെയറിൽ നിന്ന് കിൽക്കെന്നിയിലേക്ക് യാത്ര ചെയ്യുന്നതിനിടെ കഴിഞ്ഞ രാത്രിയാണ് അപകടമുണ്ടായത്. ഒരാളുടെ…
അയർലണ്ടിലെ സെക്കൻഡ് ഹാൻഡ് ഭവന വിപണി കടുത്ത സമ്മർദം നേരിടുന്നതായി പ്രമുഖ എസ്റ്റേറ്റ് ഏജൻസിയായ Sherry FitzGeraldയുടെ പുതിയ റിപ്പോർട്ട്.…
പൊന്നോണത്തെ വരവേൽക്കാൻ ലോകമെമ്പാടുമുള്ള മലയാളികൾ ഒരുക്കങ്ങൾ തുടങ്ങിക്കഴിഞ്ഞു. പൂക്കളവും പുത്തനുടുപ്പും ഓണാഘോഷങ്ങളും പൊന്നോണസദ്യയും ചേർന്ന് തിരുവോണ ദിനം കെങ്കേമമാക്കാനുള്ള തിരക്കിലാണ്…
ഡബ്ലിൻ: നാലാം ശനിയാഴ്ചകളിൽ ഡബ്ലിനിൽ നടന്നുവരുന്ന Anointing Fire Bible Convention ( MALAYALAM), ഓഗസ്റ്റ് 22 ശനിയാഴ്ച…