വേൾഡ് മലയാളി കൗണ്സില് അയര്ലന്ഡ് പ്രൊവിന്സിന്റെ 2021 -ലെ സോഷ്യല് റെസ്പോണ്സിബിലിറ്റി അവാര്ഡിനായി ഡിവൈന് കരുണാലയം ചാരിറ്റബിള് ട്രസ്റ്റ് മാനേജിങ് ട്രസ്റ്റി പി.ഐ ലോനപ്പനെ തിരഞ്ഞെടുത്തിരുന്നു.
ഈ അവാർഡ് ദാന ചടങ്ങ് അദ്ദേഹത്തിന്റെ പ്രവർത്തന മേഖലയായ പത്തനംതിട്ട ജില്ലയിലെ പൂങ്കാവിൽ മല്ലശ്ശേരി ഫ്രണ്ട്സ് സ്പോർട്സ് & ആർട്സ് ക്ലബിന്റെ സഹകരണത്തോടെ മാർച്ച് 19 -ന് നടക്കും.
പൂങ്കാവിലെ ഡാനികുട്ടി ഡേവിഡ് മെമ്മോറിയൽ ഓപ്പൺ സ്റ്റേജിൽ ബഹു. കോന്നി എം.എൽ.എ അഡ്വ. കെ.യു. ജനീഷ് കുമാർ അവാർഡ് ഫലകവും , അവാർഡ് തുകയായ ഒരു ലക്ഷം രൂപയും പി.ഐ ലോനപ്പന് സമ്മാനിക്കും. ചടങ്ങിൽ ജില്ലാ പഞ്ചായത്ത് അംഗം ശ്രീ. റോബിൻ പീറ്റർ, പ്രമാടം പഞ്ചായത്ത് പ്രസിഡണ്ട് ശ്രീ. എൻ നവനിത്ത്, പഞ്ചായത്ത് അംഗങ്ങളായ ശ്രീ. കെ.എം മോഹനൻ, ശ്രീ. ലിജാ പ്രകാശ്, ശ്രീ. അച്യുതൻ നായർ , ഡബ്ള്യു. എം.സി ഗ്ലോബൽ ചെയർമാൻ ശ്രീ. ജോണി കുരുവിള, ഡബ്ള്യു.എം.സി അയർലൻഡ് എക്സിക്യൂട്ടീവ് കമ്മറ്റി അംഗങ്ങളായ ശ്രീ. ടോംസി ഫിലിപ്പ്, ശ്രീമതി. അശ്വതി പ്ലാക്കൽ, ശ്രീ. ശ്രീകുമാർ നാരായണൻ, ഫ്രണ്ട്സ് ക്ലബ് പ്രസിഡണ്ട് ജിജു അച്ചൻ എന്നിവർ പങ്കെടുക്കും.
ചടങ്ങിനോട് അനുബന്ധിച്ചു കനൽ പാട്ടു കൂട്ടത്തിന്റെ നാടൻ പാട്ടും ഉണ്ടായിരിക്കും. പത്തനംതിട്ട കേന്ദ്രമാക്കി പ്രവര്ത്തിക്കുന്ന ഡിവൈന് കരുണാലയം ചാരിറ്റബിള് ട്രസ്റ്റ്, സമൂഹത്തിലെ ശാരീരിക, മാനസിക വെല്ലുവിളികള് നേരിടുന്ന ഒറ്റപ്പെട്ടവര്ക്ക് തണലായി പ്രവര്ത്തിക്കുന്നു. ഒപ്പം 1996 മുതല് ദിവസവും മുടക്കം ഇല്ലാതെ പത്തനംതിട്ട ജനറല് ആശുപത്രിയില് സൗജന്യമായി ഏകദേശം 250 ലധികം ആളുകള്ക്ക് ഉച്ചഭക്ഷണ വിതരണവും നടത്തുന്നു. ആരോരും ഇല്ലാതെ തരുവില് അകപ്പെട്ട നൂറിലധികം മനുഷ്യര്ക്കാണ് ഇതിനോടകം പി.ഐ ലോനപ്പന്റെ നേതൃത്വത്തില് പ്രവര്ത്തിക്കുന്ന ഡിവൈന് കരുണാലയം ചാരിറ്റബിള് ട്രസ്റ്റ് ആശ്രയം ഒരുക്കിയത്. ഭക്ഷണവും മരുന്നും താമസ സൗകര്യവും അടക്കമുള്ള സൗകര്യങ്ങളാണ് കരുണാലയത്തിലെ അന്തേവാസികള്ക്ക് ലഭ്യമാകുന്നത്. കേന്ദ്ര, സംസ്ഥാന സര്ക്കാരുകളുടെ ചാരിറ്റി നിബന്ധനകള് പാലിച്ച് റജിസ്ട്രേഷനോടെയാണ് ഡിവൈന് കരുണാലയം ചാരിറ്റബിള് ട്രസ്റ്റ് പ്രവര്ത്തിക്കുന്നത്. 1999 ല് പത്തനംതിട്ട ഓമല്ലൂരില് വാടകകെട്ടിടത്തിലാണ് പ്രവര്ത്തനം ആരംഭിച്ചത്.
പ്രവാസ ജീവിതത്തിന് ശേഷം ആണ് പി.ഐ ലോനപ്പന് ജീവകാരുണ്യ പ്രവര്ത്തനം തുടങ്ങിയത്. അദ്ദേഹവും ട്രസ്റ്റ് അംഗം ആയ ഭാര്യ ആനിയമ്മയും കൂടിയാണ് പ്രവര്ത്തനങ്ങള്ക്ക് ചുക്കാന് പിടിക്കുന്നത്. 3 സ്ഥിരം ജീവനക്കാരും സ്ഥാപനത്തില് പ്രവര്ത്തിക്കുന്നു. കഴിഞ്ഞ കുറച്ചു വര്ഷങ്ങളായി ഡബ്ല്യു.എം.സി അയര്ലന്ഡ് പ്രൊവിന്സിന്റെ ജീവകാരുണ്യ പ്രവര്ത്തങ്ങളുടെ ഭാഗമായി. അയര്ലന്ഡ് മലയാളികളുടെ സഹകരണത്തോടെ ഡിവൈന് കരുണാലയത്തിന് സാമ്പത്തിക സഹായം ചെയ്യുന്നുണ്ട്.
2016 ലാണ് ജീവകാരുണ്യ പ്രവര്ത്തനങ്ങളിലൂടെ ചുമതലാബോധത്തോടെ സാമൂഹ്യ ഇടപെടലുകള് നടത്തുന്നവര്ക്കായി ഡബ്ല്യൂ.എം.സി അയര്ലന്ഡ് പ്രൊവിന്സ് അവാര്ഡ് ഏര്പ്പെടുത്തിയത്. അസീസി ചാരിറ്റബിള് ഫൗണ്ടേഷന് സ്ഥാപകയായ മേരി മക്ക്കോര്മക്ക്, മെറിന് ജോര്ജ്ജ് ഫൗണ്ടേഷന് ചെയര്പേഴ്സണ് ഫാ:ജോര്ജ് തങ്കച്ചന് , Munster Indian Cultural Association (MICA) യുടെ ജീവകാരുണ്യ വിഭാഗമായ ‘Share & Care, Limerick’ എന്നിവര് മുന്വര്ഷങ്ങളില് അവാര്ഡിനര്ഹരായിരുന്നു.
യൂറോപ്പിലെ ഏറ്റവും മൂല്യമേറിയ ഫിൻടെക് സ്ഥാപനമായ Revolutന്റെ പ്രവർത്തനങ്ങൾക്ക് കഴിഞ്ഞ വർഷം യൂറോപ്യൻ സെൻട്രൽ ബാങ്ക് (ECB) അധിക നിയന്ത്രണങ്ങൾ…
യൂണിവേഴ്സിറ്റി യിലെ ഹാജർ സംബന്ധമായ പ്രശ്നങ്ങളെ തുടർന്ന് അന്തർദേശീയ വിദ്യാർത്ഥിയുടെ സ്റ്റാമ്പ് 2 (Stamp 2) കുടിയേറ്റ അനുമതി അയർലണ്ട്…
ഫറോക്ക്: കോഴിക്കോട് സ്വദേശിക്ക് നിപ സ്ഥിരീകരിച്ചു. പൂനെയിലെ പരിശോധനാ ഫലം പോസിറ്റീവെന്ന് റിപ്പോർട്ട്. അതേസമയം, നിലവിൽ ചികിത്സയിൽ കഴിയുന്ന രോഗബാധിതന്റെ…
മസ്കറ്റ്: ഒമാൻ തീരത്തിന് സമീപം അമേരിക്ക കപ്പലിന് നേരെ നടത്തിയ ആക്രമണത്തിൽ മൂന്ന് ഇന്ത്യക്കാർ കൊല്ലപ്പെട്ടു. അമേരിക്കൻ ആക്രമണത്തിൽ കൊല്ലപ്പെട്ട…
രാത്രി ഇന്ത്യൻ സമയം രാത്രി 12.30-ന് മെക്സിക്കോ-ദക്ഷിണാഫ്രിക്ക മത്സരത്തിന് കിക്കോഫാകുന്നതോടെ "ഫിഫ ലോകകപ്പ് 2026" പൂരത്തിന് തുടക്കമാകും. 48 ടീമുകളുമായി…
കോഴിക്കോട്: കോഴിക്കോട് വീണ്ടും നിപ്പ വൈറസ് ബാധ സ്ഥിരീകരിച്ചു. ഫറോക്ക് സ്വദേശിക്കാണ് പ്രാഥമിക പരിശോധനയിൽ നിപ്പാ വൈറസ് സ്ഥിരീകരിച്ചത്. നിപ്പ…