Categories: New Zealand

ന്യൂസിലാന്റില്‍ കൊവിഡ് ഭീതി ഒഴിയുന്നു; അവസാന കൊവിഡ് രോഗിയും ആശുപത്രി വിട്ടു

വെല്ലിംഗ്ടണ്‍: ന്യൂസിലാന്റില്‍ കൊവിഡ് ഭീതി ഒഴിയുന്നു. അവസാന കൊവിഡ് രോഗിയും ആശുപത്രി വിട്ടതായി ആരോഗ്യമന്ത്രാലയം അറിയിച്ചു. തുടര്‍ച്ചയായ 17 ദിവസം ന്യൂസിലാന്റില്‍ പുതിയ കൊവിഡ് രോഗങ്ങളൊന്നും റിപ്പോര്‍ട്ട് ചെയ്തിട്ടില്ല.

ആശുപത്രിയില്‍ കൊവിഡ് ചികിത്സയിലായിരുന്ന 50 വയസ്സുകാരി രോഗം ഭേദമായി ആശുപത്രി വിട്ടതോടെയാണ് സമ്പൂര്‍ണ രോഗ മുക്തി നേടിയ രാജ്യമായി ന്യൂസിലാന്റ് മാറിയത്. കൊവിഡ് പ്രതിരോധത്തിലെ ന്യൂസിലാന്റിന്റെ നാഴികക്കല്ലാണ് ഈ നേട്ടം.
രാജ്യത്തേക്കുള്ള പ്രവേശനങ്ങളിലെ നിയന്ത്രണം ഒഴികെയുള്ള അവശേഷിക്കുന്ന എല്ലാ സാമൂഹിക അകലങ്ങളും സാമ്പത്തിക നിയന്ത്രണങ്ങളും നീക്കംചെയ്യുമെന്ന് ന്യൂസിലന്‍ഡ് പ്രധാനമന്ത്രി ജസിന്ത ആര്‍ഡേണ്‍ പിന്നീട് പ്രഖ്യാപിക്കും.

ലോകത്തെ തന്നെ ഏറ്റവും കര്‍ശനമായ ലോക് ഡൗണ്‍ നടപ്പിലാക്കിയ രാജ്യമാണ് ന്യൂസിലാന്റ്. കൊവിഡ് കേസുകള്‍ 100ല്‍ എത്തിയപ്പോഴായിരുന്നു മാര്‍ച്ച് 23 ന് 51 ദിവസം നീണ്ടുനിന്ന ലോക് ഡൗണ്‍ നടപ്പാക്കിയത്. ആരോഗ്യപരമായ കാര്യങ്ങള്‍ക്കും സൂപ്പര്‍മാര്‍ക്കറ്റുകളിലേക്കുമല്ലാതെ രാജ്യത്തെ പൗരന്മാരാരും പുറത്തിറങ്ങരുതെന്ന കര്‍ശ്ശന നിര്‍ദ്ദേശം നല്‍കിയിരുന്നു.

കൊവിഡിനെ പൊരുതി തോല്‍പ്പിച്ച ആദ്യ രാജ്യങ്ങളിലൊന്നായി ന്യൂസീലാന്റ് മാറുമെന്ന് നേരത്തെ തന്നെ പ്രധാനമന്ത്രി ജസീന്ത പറഞ്ഞിരുന്നു.

1154 കൊവിഡ് കേസുകളാണ് ന്യൂസിലാന്റില്‍ റിപ്പോര്‍ട്ട് ചെയ്യപ്പെട്ടത്. മരണം 22 ല്‍ പിടിച്ചുനിര്‍ത്താന്‍ സാധിച്ചതും ന്യൂസിലാന്റിന്റെ നേട്ടമാണ്. ന്യൂസിലാന്റില്‍ വൈറസ് ബാധ ആദ്യം റിപ്പോര്‍ട്ട് ചെയ്തത് ഫെബ്രുവരിയിലായിരുന്നു. തിങ്കളാഴ്ചവരെ 300000 ടെസ്റ്റുകള്‍ ന്യൂസിലാന്റില്‍ നടത്തിയിട്ടുണ്ട്.

കൊവിഡ് മുക്തമായത് വലിയ നേട്ടം തന്നെയാണെന്നും എന്നാല്‍ ജാഗ്രത തുടരുമെന്നും ആരോഗ്യ ഡയറക്ടര്‍ ജനറല്‍ ഡോ. ആഷ്‌ലി ബ്ലൂംഫീല്‍ഡ് പറഞ്ഞു.

”ഫെബ്രുവരി 28 ന് ശേഷം ആദ്യമായി സജീവമായ കേസുകളൊന്നും ഇല്ലാത്തത് തീര്‍ച്ചയായും ഞങ്ങളുടെ യാത്രയില്‍ ഒരു സുപ്രധാന അടയാളമാണ്, എന്നാല്‍ ഞങ്ങള്‍ നേരത്തെ പറഞ്ഞതുപോലെ, കൊവിഡ് 19നെതിരെ തുടരുന്ന ജാഗ്രത അനിവാര്യമായി തുടരും,” ഡോ. ആഷ്‌ലി ബ്ലൂംഫീല്‍ഡ്
പറഞ്ഞു.

കൊവിഡ് പ്രതിരോധത്തില്‍ പ്രധാനമന്ത്രി ജസീന്ത ആര്‍ഡന്റെ പ്രവര്‍ത്തനങ്ങള്‍ ലോക ശ്രദ്ധനേടിയിരുന്നു.

Newsdesk

Share
Published by
Newsdesk

Recent Posts

അയർലണ്ട് സ്റ്റുഡന്റ് വിസ സംവിധാനം പരിഷ്കരിക്കുന്നു; TrustEd അക്രഡിറ്റേഷൻ ആരംഭിച്ചു

ഈ മാസം 15 മുതൽ പ്രാബല്യത്തിൽ വന്ന TrustEd എന്ന പുതിയ അക്രഡിറ്റേഷൻ ചട്ടക്കൂടോടെ അയർലണ്ട് തങ്ങളുടെ വിദ്യാർത്ഥി വിസ…

1 hour ago

അയർലണ്ടിലെ മിഡിൽ ക്ലാസ്സ്‌ വിഭാഗത്തിനായി പുതിയ സേവിംഗ്സ് സ്കീം, നാല് മാസത്തിനുള്ളിൽ പ്രാബല്യത്തിൽ വരും

അയർലണ്ടിലെ മിഡിൽ ക്ലാസ്സ്‌ ജനങ്ങൾക്കായി പുതിയ സേവിംഗ്സ് സ്കീം ഈ വർഷത്തിന്റെ ആദ്യ പകുതിയിൽ സർക്കാർ അംഗീകരിക്കുമെന്നും ഈ വർഷത്തെ…

3 hours ago

സംഭവം അധ്യായം ഒന്ന് മാർച്ച് ആറിന് റിലീസ് ഡേറ്റ് പ്രഖ്യാപിച്ചു

പൂർണ്ണമായും കാടിൻ്റെ പശ്ചാത്തലത്തിലൂടെഅവതരിപ്പിക്കുന്ന മിസ്റ്ററി ഫാൻ്റെ സി ത്രില്ലർ സിനിമയായ സംഭവം അദ്ധ്യായം ഒന്ന് എന്ന ചിത്രത്തിൻ്റെ റിലീസ് ഡേറ്റ്…

23 hours ago

കോഴിക്കോട്ടെ അവയവദാന ആശുപത്രിക്ക് “കുഞ്ഞ് മാലാഖ” ആലിന്റെ പേര് നൽകുമെന്ന് മുഖ്യമന്ത്രി

കോഴിക്കോട്: അവയവദാനത്തിലൂടെ കേരളത്തിന്‍റെ 'മാലാഖ'യായി മാറിയ ആലിൻ ഷെറിന്‍റെ വീട്ടിലെത്തി മുഖ്യമന്ത്രി പിണറായി വിജയൻ. ആലിന്‍റെ വേർപാടിൽ മാതാപിതാക്കളുടെയും കുടുംബത്തിന്‍റെയും…

24 hours ago

രണ്ട് വർഷത്തിനിടെ 63,000 പേർക്ക് ഐറിഷ് വിസ നിരസിച്ചു, ഇന്ത്യയിൽ നിന്നുള്ള അപേക്ഷകളിൽ 92.4 ശതമാനവും അനുവദിച്ചു

കഴിഞ്ഞ രണ്ട് വർഷത്തിനിടെ ഏകദേശം 63,000 പേർക്ക് അയർലണ്ടിലേക്കുള്ള യാത്രാ വിസ നിഷേധിച്ചതായി റിപ്പോർട്ട്. ചില രാജ്യങ്ങളിലെ പൗരന്മാർക്ക് 90…

1 day ago

ഹെൽത്ത് കെയർ കോഴ്സുകൾക്കായി ഈ വർഷം 1,100-ലധികം പുതിയ കോളേജ് പ്ലേയ്സസ് ലഭ്യമാകും

മെഡിസിൻ, ദന്തചികിത്സ, ഫാർമസി, മറ്റ് ആരോഗ്യ സംരക്ഷണ മേഖലകൾ എന്നിവയിൽ കരിയർ പഠിക്കാൻ ആഗ്രഹിക്കുന്ന വിദ്യാർത്ഥികൾക്കായി 1,100-ലധികം അധിക തേർഡ്…

1 day ago