Top Stories

” നാട്ടകം – 2020 ” രാജ്യാന്തര ഡിജിറ്റൽ നാടകോത്സവം

റിയാദ്: കോവിഡ് 19 എന്ന മഹാമാരിയുടെ മുള്‍മുനയില്‍ ലോകം തന്നെ വിറച്ചു നില്‍ക്കുകയാണ്.
സമസ്ത മേഖലയിലും ജീവിതം പ്രതിസന്ധിയിലാണ്, തൊഴിലും തൊഴിലിടങ്ങളും നഷ്ടപ്പെടുന്നു . നാടക പ്രവര്‍ത്തനം സ്വാര്‍ത്ഥകമാകുന്നത് അരങ്ങിലൂടെയാണ്ആ അരങ്ങില്‍ ഇനി എന്ന് തിരശ്ശീല ഉയരുമെന്നത് പ്രവചനാതീതം . ഈ സാഹചര്യത്തില്‍, ഒരു ഡിജിറ്റല്‍ നാടകത്തിനുള്ള സാഹചര്യം ഒരുക്കുകയാണ് തട്ടകം 2020.

മനുഷ്യന്‍ മനുഷ്യന്റെ കണ്ണുകളില്‍ നോക്കി ഹൃദയത്തിലൂടെ പറയുന്ന കലയാണ് നാടകം .അത് അരങ്ങില്‍ തന്നെ അവതരിപ്പിക്കേണ്ടതുതന്നെയാണ്. പക്ഷെ ഇന്നത്തെ ഈ പ്രതിസന്ധികാലത്ത് നാടകത്തെ ഡിജിറ്റല്‍ തലത്തിലേക്കു മാറ്റുമ്പോഴുണ്ടാകുന്ന എല്ലാ പ്രായോഗിക ബുദ്ധിമുട്ടുകളും , പരിമിതികളും മനസ്സിലാക്കിക്കൊണ്ട് തന്നെ തട്ടകം ‘റിയാദ് കളിക്കൂട്ടം ഡിജിറ്റല്‍ നാടകോത്സവം’ എന്ന ഉദ്യമവുമായി നാടകപ്രേമികളായ കുട്ടികളിലേക്ക് എത്തുന്നു. ഒപ്പം നാടക ചിന്തകള്‍ സമൂഹത്തില്‍ വളര്‍ത്തുന്നതിനും ഉതകുമെന്നും ഉറച്ചു വിശ്വസിക്കുന്നു. ചെറിയ തലത്തില്‍ നിന്നുകൊണ്ട് എല്ലാ പരിമിതികളെയും ഉള്‍ക്കൊണ്ടു കൊണ്ടുള്ള നാടകാവതരണമാണ് ലക്ഷ്യമിടുന്നത്.

തട്ടകം റിയാദിന്റെ ആഭിമുഖ്യത്തില്‍ സംഘടിപ്പിക്കുന്ന ഡിജിറ്റല്‍ നാടകോത്സവത്തിന്റെ ഭാഗമായി കളിക്കൂട്ടം ചില്‍ഡ്രന്‍സ് തീയറ്ററര്‍, പൂര്‍ണ്ണമായും കുട്ടികള്‍ക്കായി ‘നാട്ടകം – 2020 ‘ എന്ന രാജ്യാന്തര ഡിജിറ്റല്‍ ഏക പാത്ര നാടക മത്സരം സംഘടിപ്പിക്കുന്നു.

മത്സരാര്‍ത്ഥികള്‍ക്കുള്ള നിയമങ്ങളും നിര്‍ദ്ദേശങ്ങളും :

  1. അഞ്ചു മിനുട്ടു ദൈര്‍ഘ്യമുള്ള ചെറിയ മലയാള നാടകങ്ങളാണ് അവതരിപ്പിക്കേണ്ടത്
  2. ഒരാള്‍ മാത്രം അഭിനയിക്കുന്ന , രംഗത്തു വരുന്ന നാടകങ്ങളാണ് അവതരിപ്പിക്കേണ്ടത്.
  3. വിഷയങ്ങള്‍:
    1)തിരുത്താനുണ്ട് ചിലത്
    2)നിറമുള്ള സ്വപ്നങ്ങള്‍
    3)പെണ്‍ജീവിതം
  4. ഇവയില്‍ ഏതെങ്കിലും ഒരു വിഷയം അടിസ്ഥാനമാക്കിയായിരിക്കണം നാടകങ്ങള്‍ തയ്യാറാക്കേണ്ടത്.
  5. ഒന്നും രണ്ടും സ്ഥാനങ്ങളില്‍ വിജയം കരസ്ഥമാക്കുന്ന പ്രതിഭയ്ക്ക് അര്‍ഹമായ തുക (ഇന്ത്യന്‍ രൂപ) പാരിതോഷികവും, പ്രശംസാപത്രവും നല്‍കുന്നതാണ്. ഒന്നാം സ്ഥാനം – 10,000 ഇന്ത്യന്‍ രൂപാ രണ്ടാം സ്ഥാനം – 5,000 ഇന്ത്യന്‍ രൂപാ
  6. ലോകത്തിന്റെ ഏതു ഭാഗത്തുമുള്ള കുട്ടികള്‍ക്കും മലയാളി എന്ന ഒരൊറ്റ മാനദണ്ഡത്തില്‍ ഈ മത്സരത്തില്‍ പങ്കെടുക്കാം . പ്രായ പരിധി 18 വയസ്സില്‍ താഴെ ആയിരിക്കണം.
  7. എല്ലാ നാടകങ്ങളും തട്ടകം റിയാദിന്റെ വിദഗ്ധ സമിതി അവലോകനം ചെയ്യുകയും അതില്‍നിന്നും അവസാന റൗണ്ടിലേക്കായി പത്തു നാടകങ്ങള്‍ തിരഞ്ഞെടുക്കുന്നതുമാണ്.തിരഞ്ഞെടുത്ത നാടകങ്ങള്‍ തട്ടകം റിയാദിന്റെ സാമൂഹ്യ മാധ്യമ പേജില്‍ വോട്ടിങ്ങിനായി പങ്കു വയ്ക്കുന്നതും , കേരളത്തിലെ പ്രശസ്ത നാടക പ്രവര്‍ത്തകരുടെ മുന്നില്‍ വിധി നിര്‍ണ്ണയത്തിനായി നല്‍കുന്നതുമാണ്.. അതിലൂടെ ഒന്നും രണ്ടും സ്ഥാനക്കാരെ നിശ്ചയിക്കുന്നതാണ്. ഈ വിധികര്‍ത്താക്കളുടെ തീരുമാനം അന്തിമമായിരിക്കും.മികവ് പുലര്‍ത്തുന്ന മറ്റു മൂന്നു നാടകങ്ങള്‍ക്ക് പ്രോത്സാഹന സമ്മാനവും( രണ്ടായിരം ഇന്ത്യന്‍ രൂപ വീതം), പ്രശംസാ പത്രവും ലഭിക്കുന്നതാണ്..
  8. ഒരു നാടകത്തിന്റെ എല്ലാ സാധ്യതകളും മത്സരാര്‍ത്ഥിക്ക് ഉപയോഗിക്കാവുന്നതാണ്. അതായത്, സംഗീതം, പശ്ചാത്തലം, ചമയം, ശബ്ദവും വെളിച്ചവും. കൂടാതെ പിന്നണിയില്‍ ആരുടെ സഹായവും സ്വീകരിക്കാം. നാടകം പൂര്‍ണ്ണമായും മൊബൈല്‍ ക്യാമറയിലാണ് ചിത്രീകരിക്കേണ്ടത് , അതും മൊബൈല്‍ ക്യാമറ ഹൊറിസോണ്ടല്‍ (Horizontal ) ആയി വേണം സജ്ജീകരിക്കേണ്ടത്. ഒരു സ്ഥായിയായ രംഗത്ത് (സ്റ്റാറ്റിക് ഫ്രെയിം ) ഇടതടവില്ലാതെ (കട്ടുകള്‍ ഇല്ലാതെ ) വേണം നാടകം ചിത്രീകരിക്കേണ്ടത്, അതായത് ഒരു മുഴുനീള ചിത്രീകരണം ( One stretch recording ) എഡിറ്റിംഗ് അനുവദനീയമല്ല, നാടകത്തിന്റെ മിഴിവിനായി വേണ്ടുന്ന പശ്ചാത്തല സംഗീതം, മറ്റു ഗാനങ്ങള്‍ എല്ലാം തന്നെ ഉപയോഗിക്കാവുന്നതാണ്. ജാതി, മതം, വര്‍ണ്ണം, വര്‍ഗ്ഗം, ലിംഗം, രാഷ്ട്രീയം ഇവയിലൂടെയുള്ള അവഹേളനം , വ്യക്തമായ രാഷ്ട്രീയ ചായ്വ് സൂചിപ്പിക്കുന്ന നാടകങ്ങള്‍ തിരസ്‌കരിക്കുന്നതായിരിക്കും.
  9. നാടകങ്ങള്‍ ഇമെയില്‍ / വാട്ടസ്ആപ് വഴി അയക്കാവുന്നതാണ് . ഇമെയില്‍ : thattakamriyadh@gmail.com
    വാട്‌സ്ആപ് (whatsAap ) നമ്പറുകള്‍ : ബാബു അമ്പാടി: +966 50 212 4762, അനില്‍ അളകാപുരി : +966 56 735 4121,
    ഷാജീവ് ശ്രീകൃഷ്ണപുരം: +966 55 444 7567(വിശദ വിവരങ്ങള്‍ക്കും)
  10. ഇമെയില്‍ വഴി അയക്കുമ്പോള്‍ ഫയല്‍ സൈസ് പരിമിതമായതിനാല്‍ മറ്റൊരു മാധ്യമത്തില്‍ ശേഖരിച്ച (Google drive) ശേഷം അതിന്റെ ലിങ്ക് (Link) അയച്ചാല്‍ മതിയാകും. വാട്‌സ്ആപ് (whatsAap ) ഉപയോഗിക്കുകയാണെങ്കില്‍ അതിലെ ഡോക്യുമെന്റ് (document ) വഴി അയക്കേണ്ടതാണ്. രജിസ്‌ട്രേഷന്‍ ചെയ്യേണ്ട അവസാന തീയതി 20 നവംബര്‍ 2020.
    നാടകങ്ങള്‍ ലഭിക്കേണ്ട അവസാന തീയതി : 25 നവംബര്‍ 2020.

ഈ കാണുന്ന ലിങ്കില്‍ കയറി രജിസ്റ്റര്‍ ചെയ്യാവുന്നതാണ്.
https://docs.google.com/forms/d/e/1FAIpQLScdN1z8cyPAIk8K2usVzVqq8AGNjGmXRQwGEk3OyisrRvfgmw/viewform

Newsdesk

Share
Published by
Newsdesk

Recent Posts

വീടുകളിൽ തന്നെ സ്മിയർ ടെസ്റ്റുകൾ നടത്താം; CervicalCheck അടുത്ത വർഷം മുതൽ

സെർവിക്കൽ ക്യാൻസറിനുള്ള പരിശോധനകൾ വീട്ടിൽ തന്നെ ചെയ്യാവുന്ന സെർവിക്കൽ സ്മിയർ പരിശോധനകൾ HSE ആരംഭിക്കുന്നു. സെർവിക്സിലെ പ്രീ-കാൻസറസ് സെൽ മാറ്റങ്ങളും…

10 hours ago

ജൂഡ് ആൻ്റെണി ജോസഫ് – വിസ്മയാ മോഹൻലാൽ ചിത്രം “തുടക്കം”ചിത്രീകരണം ആരംഭിച്ചു

മോഹൻലാലിൻ്റെ മകൾ വിസ്മയാ മോഹൻലാലിനെ നായികയാക്കി ജൂഡ് ആൻ്റെണി ജോസഫ് സംവിധാനം ചെയ്യുന്ന തുടക്കം എന്ന ചിത്രത്തിൻ്റെ ചിത്രീകരണം നവംബർ…

10 hours ago

ബ്ലാഞ്ചാർഡ്‌സ്‌ടൗൺ സെന്റർ പാർക്കിംഗ് ടോളിനെതിരെ പ്രതിഷേധം

ബ്ലാഞ്ചാർഡ്‌സ്‌ടൗൺ സെന്ററിന്റെ 7,000 കാർ പാർക്കിംഗ് സ്ഥലങ്ങളിൽ ചാർജുകളും നിയന്ത്രണങ്ങളും ഏർപ്പെടുത്തണമെന്ന ഉടമകളുടെ അപേക്ഷയ്‌ക്കെതിരെ പ്രദേശവാസികളുടെ പ്രതിഷേധം ശക്തമാകുന്നു. കഴിഞ്ഞ…

14 hours ago

“റിവോൾവർ റിങ്കോ” ടൈറ്റിൽ പ്രകാശനം ചെയ്തു

താരകപ്രൊഡക്ഷൻസിൻ്റെ ബാനറിൽ കിരൺ നാരായണൻ സംവിധാനം ചെയ്യുന്ന "റിവോൾവർ റിങ്കോ" എന്ന ചിത്രത്തിൻ്റെ ടൈറ്റിൽ പ്രശസ്ത താരങ്ങളായ ദുൽഖർ സൽമാൻ,…

17 hours ago

ജോജോ ദേവസി ലിമെറിക്കിലെ പീസ് കമ്മീഷണർ; അയര്‍ലണ്ട് മലയാളി സമൂഹത്തിന് വീണ്ടും ഐറീഷ് സര്‍ക്കാരിന്റെ അംഗീകാരം

ലിമെറിക്ക്: ലിമെറിക്കിൽ പീസ് കമ്മീഷണറായി ജോജോ ദേവസിയെ സർക്കാർ നിയമിച്ചു.അയര്‍ലണ്ടിലെ ലിമെറിക്കിൽ താമസിക്കുന്ന കൊരട്ടി,തിരുമുടിക്കുന്ന് ചിറയ്ക്കൽ ദേവസ്സി-ത്രേസ്യ ദമ്പതികളുടെ മകനായ…

17 hours ago

അഭയാർത്ഥികൾക്ക് പിആർ ലഭിക്കാനുള്ള പരിധി 20 വർഷമായി ഉയർത്തി യുകെ

അനധികൃത കുടിയേറ്റം തടയാനുള്ള കർശന നീക്കങ്ങളുമായി യു.കെ സർക്കാർ. അനധികൃത ബോട്ടുകളിലും മറ്റും രാജ്യത്തെത്തുന്ന അഭയാർത്ഥികൾക്ക് സ്ഥിര താമസ അനുമതി…

22 hours ago