UK

യുകെയിലെ എല്ലാ ആമസോൺ ഫ്രഷ് സ്റ്റോറുകളും അടച്ച് പൂട്ടുന്നു

ബ്രിട്ടനിലെ എല്ലാ ആമസോണ്‍ ഫ്രഷ് സ്റ്റോറുകളും അടച്ചു പൂട്ടാനൊരുങ്ങി ആമസോണ്‍. നാല് വര്‍ഷം മുമ്പാണ് ആമസോണ്‍ ബ്രിട്ടനിലെ ആദ്യത്തെ ഫ്രഷ് സ്റ്റോര്‍ ആരംഭിച്ചത്. ക്യാഷര്‍ ഇല്ലാത്ത സാധനങ്ങള്‍ സ്വയം തിരഞ്ഞെടുക്കാനും പായ്ക്ക് ചെയ്യാനും സ്വന്തമായി പണം അടയ്ക്കാനും കഴിയുന്ന ടില്‍ സ്‌റ്റോറുകള്‍ക്ക് ജനപ്രിയത നേടാന്‍ കഴിയാതെ വന്നതോടെയാണ് 19 ആമസോണ്‍ ഫ്രഷ് സ്റ്റോറുകളും പൂട്ടാന്‍ കമ്പനി തീരുമാനിച്ചിരിക്കുന്നത്. ഇതില്‍ അഞ്ചെണ്ണം ഹോള്‍ ഫുഡ്‌സ് ഔട്ട്‌ലെറ്റുകളായി മാറും. 2017ല്‍ ആമസോണ്‍ വാങ്ങിയ യുഎസ് ഓര്‍ഗാനിക് ഗ്രോസറി ശൃംഖലയാണ് ഹോള്‍ ഫുഡ്‌സ് മാര്‍ക്കറ്റ്.

Follow Us on Instagram!
GNN24X7 IRELAND :
🔗 https://www.instagram.com/gnn24x7.ie?igsh=YzljYTk1ODg3Zg==

കൊവിഡാനന്തര സാഹചര്യം ആമസോണിന്റെ ഈ ആശയത്തിന് തടസ്സമായി എന്നാണ് വിലയിരുത്തപ്പെടുന്നത്. കോവിഡ് ഭീതി കുറഞ്ഞ സാഹചര്യത്തില്‍ കോണ്‍ടാക്ട്‌ലെസ്‌ ഷോപ്പിംഗ് എന്ന രീതിയ്ക്ക് മാറ്റം വന്നതാണ് ആമസോണ്‍ ഫ്രഷിന് തിരിച്ചടിയായത്. കൂടാതെ ടെസ്‌കോ, സെയിന്‍സ്ബറി എന്നിവ പോലുള്ള കമ്പനികള്‍ ഉയര്‍ത്തിയ മത്സരങ്ങളെ അതിജീവിക്കാനും ആമസോണ്‍ ഫ്രഷിന് സാധിച്ചില്ല.

അടച്ചുപൂട്ടല്‍ എത്ര ജീവനക്കാരെ ബാധിക്കുമെന്ന് ആമസോണ്‍ ഇതുവരെ സ്ഥിരീകരിച്ചിട്ടില്ല. എന്നാല്‍ തൊഴിലാളികളെ മറ്റ് മേഖലകളില്‍ പുനര്‍നിയമിക്കാനുള്ള പദ്ധതികള്‍ ആലോചിക്കുന്നുണ്ടെന്നാണ് ആമസോണ്‍ വ്യക്തമാക്കിയിരിക്കുന്നത്. ഗ്രോസറി വിപണിയുമായി ബന്ധപ്പെട്ട് വലിയൊരു പരിഷ്‌കരണത്തിന് ആമസോണ്‍ ഒരുങ്ങുന്നതിനിടയിലാണ് ആമസോണ്‍ ഫ്രഷ് പൂട്ടിയിരിക്കുന്നത്. ഇതിന് പുറമെ ഉയര്‍ന്ന നിലവാരത്തിലുള്ള പ്രകൃതിദത്ത ജൈവ ഗ്രോസറി ഉത്പന്നങ്ങളുടെ വില്‍പ്പന ലക്ഷ്യമിട്ടുള്ള ഹോള്‍ ഫുഡ്‌സ് ബിസിനസില്‍ കൂടുതല്‍ ശ്രദ്ധ കേന്ദ്രീകരിക്കാനും ആമസോണ്‍ ലക്ഷ്യമിടുന്നതായാണ് റിപ്പോര്‍ട്ട്.

പടിഞ്ഞാറന്‍ ലണ്ടനിലെ ഈലിംഗിലാണ് 2021ല്‍ ആമസോണ്‍ അവരുടെ ആദ്യത്തെ ഫ്രഷ് സ്റ്റോര്‍ ആരംഭിച്ചത്. ടില്‍ ഷോപ്പ് എന്ന നിലയിലായിരുന്നു ആമസോണ്‍ ഫ്രഷ് വിഭാവനം ചെയ്യപ്പെട്ടിരുന്നത്. ഉപഭോക്താക്കള്‍ക്ക് ഒരു ആപ്പ് ഉപയോഗിച്ച് സ്റ്റോറില്‍ പ്രവേശിക്കാന്‍ കഴിയുകയും അവര്‍ പോകുമ്പോള്‍ പണം ഈടാക്കുകയും ചെയ്യുന്ന സംവിധാനമായിരുന്നു ആമസോണ്‍ ഫ്രഷില്‍ ഉണ്ടായിരുന്നത്. ക്യാഷര്‍ ഇല്ലാത്ത ഈ ഷോപ്പില്‍ ഉപഭോക്താക്കൾ സ്വന്തം നിലയില്‍ സാധാനങ്ങള്‍ തിരഞ്ഞെടുക്കുകയും പായ്ക്ക് ചെയ്യുകയും ചെയ്യുന്ന സംവിധാനമായിരുന്നു വിഭാവനം ചെയ്യപ്പെട്ടിരുന്നത്. ഇവിടെ നിന്ന് ഏതൊക്കെ ഉത്പന്നങ്ങളാണ് ഉപഭോക്താക്കള്‍ എടുക്കുന്നതെന്ന് നിരീക്ഷിക്കാൻ വളരെ സെന്‍സിറ്റീവ് ആയ നിരവധി ക്യാമറകളും സെന്‍സറുകളും ഷോപ്പില്‍ ഉപയോഗിച്ചിരുന്നു.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb

Newsdesk

Recent Posts

വിസ നിയമങ്ങളിൽ വലിയ മാറ്റവുമായി ഈ രാജ്യം; ഇന്ത്യ ഉൾപ്പെടെ 90ലധികം രാജ്യങ്ങൾക്ക് തിരിച്ചടി

ഫുകേത്: വിസ നിയമങ്ങളിൽ വലിയ മാറ്റവുമായി തായ്ലാൻഡ്. 90ലധികം രാജ്യങ്ങളിൽ നിന്നുള്ള വിനോദസഞ്ചാരികൾക്കുള്ള വിസ രഹിത താമസ കാലാവധി വെട്ടിക്കുറച്ചു.…

2 hours ago

Fianna Fáil ദേശീയ എക്സിക്യൂട്ടീവിൽ അംഗമായി അയർലണ്ട് മലയാളി മഞ്ജുദേവി

അയർലണ്ടിലെ ഭരണകക്ഷിയായ Fianna Fáil ന്റെ 15 ദേശീയ എക്സിക്യൂട്ടീവ് കമ്മിറ്റിയിലേയ്ക്ക് മലയാളിയായ എം.ബി. മഞ്ജുദേവി തെരഞ്ഞെടുക്കപ്പെട്ടു. കോട്ടയം പാലാ…

14 hours ago

മെറ്റയിലെ കൂട്ടപിരിച്ചുവിടൽ; അയർലണ്ടിൽ 350 ഓളം പേർക്ക് ജോലി നഷ്ടമാകും

മെറ്റ തങ്ങളുടെ ഐറിഷ് ജീവനക്കാരുടെ 20 ശതമാനം വരെ കുറയ്ക്കാൻ പദ്ധതിയിടുന്നു. പിരിച്ചുവിടൽ സംബന്ധിച്ച് മെറ്റ സർക്കാരിനെ ഔദ്യോഗികമായി അറിയിച്ചു.…

17 hours ago

Navan- Dublin റെയിൽവേ ലൈൻ; മീത്തിൽ നാല് പുതിയ ട്രെയിൻ സ്റ്റേഷനുകൾ

നവനെ ഡബ്ലിനുമായി ബന്ധിപ്പിക്കുന്ന പുതിയ റെയിൽവേ ലൈനിന്റെ പദ്ധതികളുടെ ഭാഗമായി മീത്തിൽ നാല് പുതിയ ട്രെയിൻ സ്റ്റേഷനുകൾ നിർമ്മിക്കും.റെയിൽ ശൃംഖലയിൽ…

18 hours ago

കെ-റെയിലും സിൽവർ ലൈനുമില്ല; അതിവേഗ യാത്ര അ‍ടഞ്ഞ അധ്യായമല്ലെന്ന് മുഖ്യമന്ത്രി വി.ഡി.സതീശൻ

തിരുവനന്തപുരം: കെ റെയിൽ പദ്ധതി റദ്ദാക്കിയെന്ന് പ്രഖ്യാപിച്ചെങ്കിലും കേരളത്തിന്‍റെ അതിവേഗ യാത്ര അ‍ടഞ്ഞ അധ്യായമല്ലെന്ന് മുഖ്യമന്ത്രി വി.ഡി.സതീശൻ. സിൽവർ ലൈൻ…

23 hours ago

മെറ്റയിലെ കൂട്ടപ്പിരിച്ചുവിടൽ നാളെ; പിരിച്ചുവിടുന്നത് 8000ത്തോളം പേരെ

അമേരിക്ക: ടെക് ലോകത്ത് വലിയ ചർച്ചയായ മെറ്റയിലെ കൂട്ടപ്പിരിച്ചുവിടൽ മെയ് 20 ബുധനാഴ്ച. ഏകദേശം 8,000 പേരെ പിരിച്ചുവിടാനാണ് മെറ്റ…

2 days ago