ഡാളസ് കൗബോയ്‌സിന് തിരിച്ചുവരാൻ കഠിനാധ്വാനം വേണം: ട്രോയ് ഐക്മാൻ

ഡാളസ്: 2025 സീസണിലെ നിരാശാജനകമായ പ്രകടനത്തിന് ശേഷം ഡാളസ് കൗബോയ്‌സ് ടീം വലിയ മാറ്റങ്ങൾക്ക് തയ്യാറെടുക്കണമെന്ന് മുൻ ക്വാർട്ടർ ബാക്കും ഹാൾ ഓഫ് ഫേമറുമായ ട്രോയ് ഐക്മാൻ. സ്പോർട്സ് റേഡിയോക്ക് നൽകിയ അഭിമുഖത്തിലാണ് അദ്ദേഹം ടീമിന്റെ നിലവിലെ അവസ്ഥയെക്കുറിച്ച് മനസ്സ് തുറന്നത്.

നിരാശാജനകമായ സീസൺ: 2025 സീസണിൽ 7-9-1 എന്ന നിലയിൽ പ്ലേ ഓഫ് കാണാതെ പുറത്തായ കൗബോയ്‌സിന്റെ പ്രകടനം വലിയ തിരിച്ചടിയാണെന്ന് ഐക്മാൻ വിശേഷിപ്പിച്ചു.

 കോച്ച് ബ്രയാൻ ഷോട്ടൻഹൈമർ ടീമിനുള്ളിൽ വലിയ മാറ്റങ്ങൾ കൊണ്ടുവന്നോ എന്ന കാര്യത്തിൽ ഐക്മാൻ സംശയം പ്രകടിപ്പിച്ചു. പ്ലേ ഓഫിൽ എത്താത്ത ഒരു സീസണിനെ ഒരിക്കലും നല്ലതെന്ന് വിളിക്കാനാവില്ലെന്ന് അദ്ദേഹം ഓർമ്മിപ്പിച്ചു.

ക്വാർട്ടർ ബാക്ക് ഡാക് പ്രെസ്കോട്ട് 17 മത്സരങ്ങളിലും കളിക്കുകയും മികച്ച ഫോമിലായിരിക്കുകയും ചെയ്തിട്ടും അത് മുതലാക്കാൻ ടീമിന് സാധിച്ചില്ല. 4,552 യാർഡുകളും 30 ടച്ച്‌ഡൗണുകളുമായി പ്രെസ്കോട്ട് തിളങ്ങിയ വർഷമായിരുന്നു ഇത്.

പ്രെസ്കോട്ടിന് എല്ലാ വർഷവും ഇതേപോലെ പരിരിക്കേൽക്കാതെ തുടരാനാകുമോ എന്നത് വെല്ലുവിളിയാണെന്നും, പ്രതിരോധ നിരയിലെ മാറ്റങ്ങൾ ടീമിന് ഗുണകരമാകുമെന്ന് പ്രതീക്ഷിക്കുന്നതായും ഐക്മാൻ പറഞ്ഞു.

സൂപ്പർ ബൗൾ 60 കഴിഞ്ഞ സാഹചര്യത്തിൽ, 2026 സീസണിൽ ശക്തമായ തിരിച്ചുവരവ് നടത്തണമെങ്കിൽ കൗബോയ്‌സ് തങ്ങളുടെ പോരായ്മകൾ അടിയന്തരമായി പരിഹരിക്കേണ്ടതുണ്ട്.

വാർത്ത: പി പി ചെറിയാൻ

Follow Us on Instagram!

GNN24X7 IRELAND :

https://www.instagram.com/gnn24x7.ie?igsh=YzljYTk1ODg3Zg==

Please join 

https://chat.whatsapp.com/DMcx9ffd8nI5hZfAUsl96s?mode=hqrt3

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb