51 വർഷത്തിന് ശേഷം കാലിഫോര്‍ണിയയെ ഭീതിയിലാഴ്ത്തിയ സോഡിയാക് കില്ലറുടെ കത്ത് ഡീകോഡ് ചെയ്ത് വിദഗ്ധര്‍

50 വർഷത്തിലേറെയായി നിയമപാലകർ സ്റ്റം‌പ് ചെയ്തിരുന്ന ഒരു രഹസ്യം പരിഹരിച്ച് അമേച്വർ കോഡ്ബ്രേക്കറുകളുടെ ഒരു സംഘം. ഒരുകാലത്ത് കാലിഫോര്‍ണിയയെ ഭീതിയിലാഴ്ത്തിയ ‘സോഡിയാക് കില്ലര്‍’ എന്നറിയപ്പെട്ടിരുന്ന കൊടുംകുറ്റവാളി 50 വർഷങ്ങൾക്ക് മുൻപ് എഴുതിയ കത്താണ് ഒരുപാട് കാലത്തെ ശ്രമങ്ങള്‍ക്കൊടുവില്‍ വിദഗ്ധര്‍ ഡീകോഡ് ചെയ്തത്.

1960 കളുടെ അവസാനത്തിലും 1970 കളുടെ തുടക്കത്തിലും പത്രങ്ങൾക്ക് കത്തുകളിൽ അയച്ച സോഡിയാക് കില്ലറുടെ അമ്പരപ്പിക്കുന്ന കോഡുകൾ അക്ഷരങ്ങളും അക്കങ്ങളും ചിഹ്നങ്ങളും ഒക്കെ ഉള്‍പ്പെട്ടതായിരുന്നു.

നിരവധി എഴുത്തുകാരും, ക്രിമിനോളജിസ്റ്റുകളും, ഡിറ്റക്റ്റീവ്‌സും, വര്‍ഷങ്ങളായി ഈ കത്ത് പഠിക്കാന്‍ ശ്രമിച്ചെങ്കിലും ആർക്കും അത് കണ്ടുപിടിക്കാൻ കഴിഞ്ഞിരുന്നില്ല.

‘എന്നെ പിടികൂടാനുള്ള ശ്രമത്തില്‍ നിങ്ങള്‍ ആനന്ദം കണ്ടെത്തുന്നുണ്ടെന്ന് വിശ്വസിക്കുന്നു. ടിവിയിലൂടെ എന്നെ കുറിച്ചുള്ള സൂചനകളെന്ന പേരില്‍ പറഞ്ഞതൊന്നും സത്യമല്ല, എന്നെ ഗ്യാസ് ചേമ്പറിലിട്ട് കൊല്ലുന്നതിനെ ഞാന്‍ ഭയക്കുന്നില്ല. മരണശേഷം എത്രയും വേഗം ഞാന്‍ സ്വര്‍ഗത്തിലെത്തും. അവിടെയെനിക്ക് നിരവധി അടിമകളുണ്ട്. അടിമകളില്ലാത്തവരാണ് മരണത്തെ ഭയക്കുന്നത്’. എന്നായിരുന്നു കത്തില്‍ കൊലയാളി എഴുതിയിരിക്കുന്ന സന്ദേശം.

‘സോഡിയാക് കില്ലര്‍’ എന്നറിയപ്പെട്ടിരുന്ന കൊടുംകുറ്റവാളിയുടെ യാതൊന്നും അമേരിക്കൻ പൊലീസിന് ഇതുവരെ കണ്ടെത്താനായിട്ടില്ല. ആ അജ്ഞാത കൊലയാളിയുടെ പേര് പോലും ഇപ്പോഴും പുറത്തുവന്നിട്ടില്ല.