പ്രൊ. ശ്രീനിവാസ് ആർ. കുൽക്കർണിക്ക് ജ്യോതിശാസ്ത്രത്തിലെ അഭിമാനകരമായ ഷാ പുരസ്കാരം

പസാദേന (കാലിഫോർണിയ): മില്ലിസെക്കൻഡ് പൾസാറുകൾ, ഗാമാ-റേ സ്ഫോടനങ്ങൾ, സൂപ്പർനോവകൾ, മറ്റ് ക്ഷണികമായ ജ്യോതിശാസ്ത്ര വസ്തുക്കൾ എന്നിവയുമായി ബന്ധപ്പെട്ട  കണ്ടുപിടിത്തങ്ങൾക്ക് ശ്രീനിവാസ് ആർ. കുൽക്കർണി ജ്യോതിശാസ്ത്രത്തിലെ അഭിമാനകരമായ ഷാ പുരസ്കാരതിനു അർഹനായി

കാലിഫോർണിയ ഇൻസ്റ്റിറ്റ്യൂട്ട് ഓഫ് ടെക്‌നോളജിയുടെ ഫിസിക്‌സ്, മാത്തമാറ്റിക്‌സ്, അസ്‌ട്രോണമി വിഭാഗത്തിൽ ജ്യോതിശാസ്ത്രത്തിൻ്റെയും ഗ്രഹശാസ്ത്രത്തിൻ്റെയും പ്രൊഫസറാണ് കുൽക്കർണി.

ടൈം-ഡൊമെയ്ൻ ജ്യോതിശാസ്ത്രത്തിൽ കുൽക്കർണിയുടെ സുപ്രധാന സംഭാവനകളെ എടുത്തുകാണിച്ചുകൊണ്ട് ഷാ പ്രൈസ് ഫൗണ്ടേഷൻ മെയ് 21-ന് 2024-ലെ പുരസ്കാര ജേതാക്കളെ പ്രഖ്യാപിച്ചു.

“മില്ലിസെക്കൻഡ് പൾസാറുകൾ, ഗാമാ-റേ സ്ഫോടനങ്ങൾ, സൂപ്പർനോവകൾ, മറ്റ് വേരിയബിൾ അല്ലെങ്കിൽ ക്ഷണികമായ ജ്യോതിശാസ്ത്ര വസ്തുക്കൾ എന്നിവയെ കുറിച്ചുള്ള തകർപ്പൻ കണ്ടുപിടിത്തങ്ങൾക്കാണ് ശ്രീനിവാസ് ആർ. കുൽക്കർണിക്കു ജ്യോതിശാസ്ത്രത്തിനുള്ള ഷാ സമ്മാനം നൽകുന്നത്,” ഫൗണ്ടേഷൻ പറഞ്ഞു.

ശ്രീനിവാസ് ആർ. കുൽക്കർണി കർണാടകയിൽ വളർന്നു, 1978-ൽ ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്‌നോളജിയിൽ നിന്ന് ബിരുദാനന്തര ബിരുദം നേടി, തുടർന്ന് 1983-ൽ ബെർക്ക്‌ലിയിലെ കാലിഫോർണിയ സർവകലാശാലയിൽ നിന്ന് പി.എച്ച്.ഡി കരസ്ഥമാക്കി.

കുൽക്കർണിയോടൊപ്പം, 2024-ലെ ഷാ പുരസ്‌കാരത്തിന് അർഹരായവരിൽ ലൈഫ് സയൻസിലും മെഡിസിനിലും ഷാ പ്രൈസ് ലഭിച്ച സ്വീ ലേ തീൻ, സ്റ്റുവർട്ട് ഓർക്കിൻ, ഗണിതശാസ്ത്രത്തിൽ ഷാ പ്രൈസ് ലഭിച്ച പീറ്റർ സർനാക്ക് എന്നിവരും ഉൾപ്പെടുന്നു. ഓരോന്നിനും 1.2 മില്യൺ ഡോളർ സമ്മാനമുണ്ട്. നവംബർ 12-ന് ഹോങ്കോങ്ങിലാണ് അവാർഡ് ദാന ചടങ്ങ്.

റിപ്പോർട്ട്: പി പി ചെറിയാൻ

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb