മക്കളെയും ഭാര്യയെയും കൊലപ്പെടുത്തി 61 കാരന്‍ ആത്മഹത്യ ചെയ്തു – പി.പി.ചെറിയാന്‍

ഇന്ത്യാന: കാന്‍സര്‍ രോഗിയായ 61കാരന്‍ ഭാര്യയെയും മുതിര്‍ന്ന രണ്ടു മക്കളെയും കൊലപ്പെടുത്തിയ ശേഷം ആത്മഹത്യ ചെയ്തു. ജെഫ് മഫെര്‍ (61) ഭാര്യ അന്ന മേരി (54), മകള്‍ എമ്മ(26), മകന്‍ ജേക്കബ് ( 18) എന്നിവരാണു മരിച്ചത്.

ഇന്ത്യാനയിലെ ബ്ലൂമിങ്ടനിലാണു സംഭവം. സെപ്റ്റംബര്‍ 6 ഞായറാഴ്ച രാവിലെ വീടിനു മുന്‍പില്‍ പൂക്കളം കാറിന്റെ വിന്‍ഡോ ഷീല്‍ഡില്‍ ചില പ്രത്യേക സമ്മാനങ്ങളും കണ്ടതിനെ തുടര്‍ന്ന് അവിടെയെത്തിയ ഒരു സ്ത്രീയാണ് ഭാര്യയുടെ മൃതദേഹം ആദ്യമായി കണ്ടത്. ഉടന്‍ അവര്‍ പൊലീസില്‍ വിവരം അറിയിച്ചു. പൊലീസ് എത്തി വീടു തുറന്നു പരിശോധിച്ചപ്പോള്‍ മക്കളുടെയും പിതാവിന്റെയും മൃതദേഹങ്ങള്‍ കണ്ടെത്തുകയായിരുന്നു.

ഭാര്യയെയും മക്കളെയും കൊലപ്പെടുത്തി ഭര്‍ത്താവ് ആത്മഹത്യ ചെയ്താണെന്നാണു പൊലീസ് പ്രാഥമിക അന്വേഷണത്തില്‍ കണ്ടെത്തിയിരിക്കുന്നത്. നാലു പേരും വെടിയേറ്റാണു മരിച്ചത്. കൊലപാതകത്തിനു പ്രേരിപ്പിച്ചത് എന്താണെന്ന് അന്വേഷണം നടക്കുകയാണെന്ന് ബ്ലൂനിങ്ടന്‍ പൊലീസ് ക്യാപ്റ്റന്‍ റയന്‍ പെഡിഗോ പറഞ്ഞു. ജെഫിന് പ്രോസ്റ്റേറ്റ് , പാന്‍ക്രിയാറ്റ് കാന്‍സര്‍ ഉണ്ടായിരുന്നതായി സുഹൃത്തുക്കള്‍ പറഞ്ഞു.