ജോര്‍ജ് ഫ്ളോയിഡിന്റെ കൊലപാതകം; അമേരിക്കന്‍ പൊലീസ് ഉദ്യോഗസ്ഥൻ കുറ്റക്കാരനെന്ന് കോടതി

വാഷിംഗ്ടണ്‍: അമേരിക്കയില്‍ കറുത്തവംശജനായ ജോര്‍ജ് ഫ്ളോയിഡിന്റെ കൊലപാതകത്തില്‍ അമേരിക്കന്‍ പൊലീസ് ഉദ്യോഗസ്ഥനായ ഡെറിക് ഷോവിന്‍ കുറ്റക്കാരനെന്ന് കോടതി വിധിച്ചു. ഇയാള്‍ക്കെതിരെ ചുമത്തിയ മൂന്ന് കുറ്റങ്ങളും തെളിഞ്ഞതിനെ തുടർന്നാണ് കോടതിയുടെ വിധി. എട്ടാഴ്ചയ്ക്കുള്ളില്‍ ശിക്ഷാ വിധി പുറത്തു വരുമെന്നാണ് റിപ്പോർട്ട്.

75 വര്‍ഷം വരെ ശിക്ഷ ലഭിക്കാവുന്ന കുറ്റങ്ങളാണ് നിലവില്‍ ചൗവിനെതിരെ തെളിഞ്ഞത്. 2020 മെയ് 25നാണ് ജോര്‍ജ് ഫ്ളോയിഡിനെ വ്യാജ കറന്‍സി കൈയ്യില്‍ വെച്ചെന്നാരോപിച്ച് ചൗവിന്‍ കാല്‍മുട്ടുകൊണ്ട് കഴുത്ത് ഞെരിച്ച് കൊന്നത്.