തൃശൂരിന്റെ വ്യവസായ ചരിത്രത്തിൽ സമാനതകളില്ലാത്ത വ്യക്തിത്വമാണ് കല്യാൺ സിൽക്സിന്റെ സാരഥിയായ ടി.എസ്. പട്ടാഭിരാമൻ. ചെറിയൊരു തുണിക്കടയിൽ നിന്ന് ആരംഭിച്ച്, ദക്ഷിണേന്ത്യയിലെയും ഗൾഫ് രാജ്യങ്ങളിലെയും ഏറ്റവും വലിയ സിൽക്ക് സാരി ഷോറൂം ശൃംഖലകളിലൊന്നായി കല്യാൺ സിൽക്സിനെ വളർത്തിയെടുത്ത അദ്ദേഹത്തിന്റെ ജീവിതം നിശ്ചയദാർഢ്യത്തിന്റെ വിജയഗാഥയാണ്.
1972-ൽ കുടുംബവകയായി ലഭിച്ച ചെറിയ കടയിൽ നിന്നാണ് അദ്ദേഹത്തിന്റെ തുടക്കം. പരിമിതമായ സ്ഥലസൗകര്യങ്ങളിൽ ഒതുങ്ങിനിൽക്കാതെ, തൃശൂരിൽ വലിയൊരു ഷോറൂം എന്ന സ്വപ്നവുമായി അദ്ദേഹം മുന്നോട്ടുപോയി. നെഹ്റു പാർക്കിന് സമീപത്തെ ചെറിക്കോയി ബിൽഡിങ് ഉയർന്ന വാടകയ്ക്ക് ഏറ്റെടുത്തുകൊണ്ട് അദ്ദേഹം നടത്തിയ സാഹസിക ചുവടുവെയ്പ്പാണ് കല്യാൺ സിൽക്സിന്റെ കുതിച്ചുചാട്ടത്തിന് വഴിതുറന്നത്. പാലസ് റോഡിൽ സ്ഥാപിച്ച പുതിയ ഷോറൂം അവിടം മുഴുവൻ പ്രകാശപൂരിതമാക്കി. പിന്നീട് ഹൈപ്പർ മാർക്കറ്റുകളും ഫാസിയോ ഫാഷൻ ഷോറൂമുകളുമായി ആ സാമ്രാജ്യം കേരളത്തിലുടനീളം പടർന്നുപെയ്തു. പ്രമുഖ ജ്വല്ലറി വ്യവസായി ടി.എസ്. കല്യാണരാമൻ മൂത്ത സഹോദരനാണ്. മക്കളും കുടുംബവും ബിസിനസിൽ സജീവമായി ഒപ്പമുണ്ട്.
വ്യാപാരരംഗത്തെ അദ്ദേഹത്തിന്റെ വിജയത്തിന് പിന്നിൽ പ്രിയപത്നി ജാനകി പട്ടാഭിരാമന്റെ നിസ്വാർത്ഥമായ പിന്തുണയുണ്ടായിരുന്നു. അവരുടെ വിയോഗം ഏൽപ്പിച്ച ആഘാതം വലുതാണെങ്കിലും, ആ തീരാദുഃഖത്തെയും അതിജീവിച്ചാണ് അദ്ദേഹം തന്റെ ലക്ഷ്യങ്ങളിലേക്ക് വീണ്ടും യാത്ര തിരിച്ചത്. വലിപ്പച്ചെറുപ്പമില്ലാതെ എല്ലാവരെയും സ്നേഹിക്കുന്ന പ്രകൃതവും മറ്റുള്ളവരെ പ്രോത്സാഹിപ്പിക്കുന്ന മനസ്സുമാണ് അദ്ദേഹത്തെ വ്യാപാരി സമൂഹത്തിന്റെ നെടുംതൂണാക്കിയത്.
വിവിധ സംഘടനകളുടെ തലപ്പത്ത് സജീവമായി നിൽക്കുമ്പോഴും ജീവകാരുണ്യ പ്രവർത്തനങ്ങളിൽ അദ്ദേഹം മുന്നിലുണ്ട്. ജാനകി പട്ടാഭിരാമൻ സ്മൃതി ട്രസ്റ്റ് വഴി സൗജന്യ ചികിത്സയും മരുന്നുകളും നൽകിവരുന്നു. എറണാകുളം ജില്ലാ ആശുപത്രിയിലേക്ക് ഒന്നരക്കോടി രൂപ ചെലവിൽ പെറ്റ് സ്കാൻ വാങ്ങിനൽകിയതും ഭിന്നശേഷിക്കാർക്കുള്ള സഹായങ്ങളും അദ്ദേഹത്തിന്റെ മനുഷ്യസ്നേഹത്തിന് ഉദാഹരണങ്ങളാണ്.
തന്റെ 75-ാം പിറന്നാളിന്റെ ഭാഗമായി അർഹരായ നിർദ്ധനർക്ക് 75 വീടുകൾ നിർമ്മിച്ച് നൽകി സമൂഹത്തിന് മാതൃകയാകാൻ ഒരുങ്ങുകയാണ് അദ്ദേഹം. തൃശൂരിന്റെ വികസനത്തിന് അതുല്യമായ സംഭാവനകൾ നൽകിയ ടി.എസ്. പട്ടാഭിരാമൻ എന്നും മലയാളികളുടെ അഭിമാനവും ആദരണീയനായ വ്യക്തിത്വവുമാണ്.
റിപ്പോർട്ട്: പി പി ചെറിയാൻ
https://www.instagram.com/gnn24x7.ie?igsh=YzljYTk1ODg3Zg==
Please join
GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.
വാർത്തകൾ വായിക്കുക
https://chat.whatsapp.com/Kf08R3ou9gF8zRa3kWEANh?s=cl&p=a&mlu=4&ilr=4
ഫ്ലോറിഡ :പ്രശസ്ത ക്രിസ്ത്യൻ സംഗീതജ്ഞനും പാസ്റ്ററുമായ സ്റ്റീവ് ക്യാമ്പ് (71) ഹൃദയസ്തംഭനത്തെ തുടർന്ന് അന്തരിച്ചു. കുടുംബാംഗങ്ങളാണ് ഈ വിയോഗവാർത്ത പുറത്തുവിട്ടത്.നവംബർ…
അറുപത്താറിൽ ആറാം പ്രാക്ക് ...കള്ള പ്രാക്ക്, കന്നിപ്രാക്ക്...എന്നു തുടങ്ങുന്ന ഗാനത്തോടെ മായൻ ചാപ്റ്റർ 1 എന്ന ചിത്രത്തിന്റെ ലിറിക്കൽ വീഡിയോ…
കുടുംബബന്ധങ്ങളുടെ മൂല്യവും കുട്ടികളുടെ സുരക്ഷയും മാതാപിതാക്കളുടെ ഉത്തരവാദിത്വവും ഓർമ്മിപ്പിക്കുന്ന ശക്തമായ സാമൂഹിക സന്ദേശവുമായി പുതിയ മലയാളം ഷോർട്ട് ഫിലിം ‘IRISH…
ന്യൂയോർക്ക്: ന്യൂയോർക്കിൽ 67-കാരനായ വയോധികനിൽ നിന്ന് 9 ദശലക്ഷം ഡോളർ (ഏകദേശം 75 കോടിയിലധികം രൂപ) വിലമതിക്കുന്ന സ്വർണ്ണക്കട്ടികൾ തട്ടിയെടുത്ത…
വാഷിംഗ്ടൺ: അമേരിക്കൻ ഇടക്കാല തിരഞ്ഞെടുപ്പിലുണ്ടായ കനത്ത തിരിച്ചടിക്ക് ശേഷം റിപ്പബ്ലിക്കൻ പാർട്ടിയെ ശക്തിപ്പെടുത്താൻ വഴികാട്ടിയാവുകയാണ് ആർക്കൻസാസ് ഗവർണർ സാറ ഹക്കബി…
ഡാളസ്: ഫോർട്ട് വർത്തിൽ ഉണ്ടായ വാഹനാപകടത്തിൽ രണ്ട് പ്രായപൂർത്തിയാകാത്ത കുട്ടികൾ മരിക്കുകയും നിരവധി പേർക്ക് പരിക്കേൽക്കുകയും ചെയ്തു. നവംബർ 14-നായിരുന്നു…