ഐശ്വര്യ റായിയുടെ ഛായയുള്ള പെൺകുട്ടി നമ്മുടെ സ്വന്തം ഇടുക്കിക്കാരി

‘കണ്ടുകൊണ്ടേൻ കണ്ടുകൊണ്ടേനിലെ’ ഐശ്വര്യ റായിയുടെ ഡയലോഗുമായി എത്തിയ വെള്ളാരംകണ്ണുള്ള സുന്ദരി. കണ്ടാൽ ഐശ്വര്യ റായിയെ പോലുണ്ട് എന്നല്ല ചിലപ്പോൾ ഐശ്വര്യ റായ് തന്നെയാണോ എന്നും സംശയം തോന്നും. ഈ സുന്ദരികുട്ടിയുടെ വീഡിയോ ഏതാനും ദിവസങ്ങളായി സോഷ്യൽ മീഡിയയിൽ ട്രെൻഡിങ് ആണ്.

ചുണ്ടനക്കവും ഭാവ ചലനങ്ങളും തെറ്റാതെ ഡയലോഗ് അവതരിപ്പിക്കുമ്പോൾ കണ്ടിരിക്കുന്നവർ പോലും ഒരു നിമിഷം സാക്ഷാൽ ഐശ്വര്യ റായ് തന്നെയല്ലേ ഇതെന്ന് ചിന്തിച്ചു പോവും. വീഡിയോ കണ്ട ഐശ്വര്യ റായ് ഫാൻസ്‌ ഈ വീഡിയോ ഒട്ടേറെ സ്ഥലത്ത് ഷെയർ ചെയ്തിട്ടുണ്ട്.

അന്വേഷിച്ച് വന്നാൽ ആളെ തപ്പി മറ്റെങ്ങും പോവേണ്ടതില്ല എന്ന് മനസ്സിലാകും. നമ്മുടെ സ്വന്തം ഇടുക്കിക്കാരിയാണിത്. ടിക്ടോക് അക്കൗണ്ടിൽ ‘ഇടുക്കിക്കാരി’ എന്ന് വ്യക്തമായി പറഞ്ഞിട്ടുണ്ട് അമ്മൂസ് അമൃത എന്ന് പേരിട്ട ഈ പ്രൊഫൈലിന്റെ ഉടമ.

ഐശ്വര്യ റായിയെ മാത്രമല്ല, തൃഷ ഉൾപ്പെടുന്ന മറ്റു താരങ്ങളെയും അമ്മൂസ് അമൃത അനുകരിക്കുന്നുണ്ട്. വൈറൽ വീഡിയോ കണ്ടു നോക്കൂ. അമ്മൂസ് അമൃത എന്ന ഇൻസ്റ്റാഗ്രാം പേജിലെ വീഡിയോയാണിത്.