പുതുച്ചേരി കോണ്‍ഗ്രസ്സില്‍ കൂട്ടരാജി:13 ഓളം പേര്‍ ബി.ജെ.പിയിലേക്ക്

പുതുച്ചേരി: തിരഞ്ഞെടുപ്പ് ഇത്ര അടുത്തു വന്നിരിക്കുന്ന സാഹചര്യത്തില്‍ കോണ്‍ഗ്രസ്സിന് കനത്ത ആഘാതം സൃഷ്ടിച്ചുകൊണ്ട് നിരവധി പ്രവര്‍ത്തകരും നേതാക്കളും കൂട്ടത്തോടൊ രാജിവെച്ചു. പുറത്തു പോയ മിക്കവരും ബി.ജെ.പി ലക്ഷ്യമിടുന്നുവെന്നും അഭ്യൂഹങ്ങള്‍ പുറത്തു വരുന്നു. പതിമൂന്നോളം മുതിര്‍ന്ന നേതാക്കളാണ് ഇതിനകം രാജിവെച്ച് പുറത്തു പോയിരിക്കുന്നത്.

അഞ്ചോളം സെക്രട്ടറിമാരും മുന്‍ എം.എല്‍.എ മാരടക്കം പുതുച്ചേരിയില്‍ സ്വാധീനമുള്ള പ്രമുഖരാണ് ഇപ്പോള്‍ രാജിവെച്ച് ബി.ജെ.പിയിലേക്ക് കുടിയേറിയത്. ഇവരെ പാര്‍ടി വിരുദ്ധ പ്രവര്‍ത്തനങ്ങള്‍ക്ക് കോണ്‍ഗ്രസില്‍ നിന്നും പുറത്താക്കിയതോടെയാണ് അവര്‍ രാജിവെച്ച് ബി.ജെ.പിയില്‍ ചേരാന്‍ തീരുമാനിച്ചത്. എ നമശ്ശിവായത്തെ പിന്തുണയ്ക്കുന്നവരാണ് കോണ്‍ഗ്രസ്സില്‍ നിന്നും വിട്ടൊഴിഞ്ഞ മന്ത്രിമാരില്‍ മിക്കവരും.