‘ആദൃശ്യം’ മോഷൻ പോസ്റ്റർ പുറത്തിറങ്ങി

മലയാള സിനിമാ താരങ്ങളായ നരേൻ, ജോജു ജോർജ്ജ്, ഷറഫുദ്ദീൻ എന്നിവർ അഭിനയിച്ച ‘ആദൃശ്യം’ മോഷൻ പോസ്റ്റർ പുറത്തിറങ്ങി. ചിത്രത്തിന്റെ സംവിധായകൻ സാക്ക് ഹാരിസ് ആണ്. ആത്മീയ രാജൻ, കായൽ ആനന്ദി, അനുകൃതി വാസ് എന്നിവരാണ് ചിത്രത്തിലെ നായികമാർ.

യുഎൻ ഫിലിം ഹൗസ്, ജ്യൂസി പ്രൊഡക്ഷൻസ്, എഎആർ പ്രൊഡക്ഷൻസ് എന്നിവ സംയുക്തമായി നിർമ്മിച്ച രണ്ട് ചിത്രങ്ങളിൽ ഒന്നാണ് ഈ ബിഗ് ബജറ്റ് മൾട്ടി സ്റ്റാർ ചിത്രം. രഞ്ജിൻ രാജാണ് സംഗീത സംവിധാനം നിര്‍വ്വഹിക്കുന്നത്.

തെന്നിന്ത്യയിലെ പ്രമുഖ താരങ്ങളായ പ്രതാപ് പോത്തൻ, ജോൺ വിജയ്, മുനിഷ്കാന്ത്, സിനിൽ സൈൻയുദീൻ, വിനോദിനി, അഞ്ജലി റാവു തുടങ്ങിയവരും സിനിമയിൽ പ്രധാന കഥാപാത്രങ്ങളെ അവതരിപ്പിക്കുന്നുണ്ട്. സിനിമയുടെ ആദ്യഘട്ട ചിത്രീകരണം നടക്കുന്നത് ചെന്നൈ, കൊച്ചി എന്നിവിടങ്ങളിലായാണ്.