ജോഷിയുടെ “പാപ്പൻ” മാർച്ച് അഞ്ചിന് ആരംഭിക്കുന്നു

പ്രശസ്ത സംവിധായകനായ ജോഷി സംവിധാനം ചെയ്യുന്ന ‘പാപ്പൻ‌’ എന്ന ചിത്രത്തിൻ്റെ ചിത്രീകരണം മാർച്ച് അഞ്ചിന് ആരംഭിക്കുന്നു. കാഞ്ഞിരപ്പള്ളി സെൻ്റ് ഡൊമിനിക്ക് കത്തീഡ്രൽ പള്ളിയിലാണ് തുടക്കം. ഈരാറ്റുപേട്ട, കാഞ്ഞിരപ്പള്ളി, പാലാ, തുടങ്ങിയ പ്രദേശങ്ങളിലായാണ് ഈ ചിത്രത്തിൻ്റെ ചിത്രീകരണം നടക്കുന്നത്. ഡേവിഡ് കാച്ചപ്പിള്ളി പ്രൊഡക്ഷൻസിൻ്റെ ബാനറിൽ ഡേവിഡ് കാച്ചപ്പിള്ളിയാണ് ഈ ചിത്രം നിർമ്മിക്കുന്നത്. തിരക്കഥാകൃത്ത് R. J. ഷാൻ ആണ്. എക്സിക്കുട്ടിവ് പ്രൊഡ്യൂസേർസ് – സെബാസ്റ്റ്യൻ കൊണ്ടൂപ്പ റമ്പിൽ (യു.എസ്.എ) തോമസ് ജോൺ (യു.എസ്.എ)ഒരേ ലക്ഷ്യത്തിലെത്താനായി രണ്ടു പേരുടെ വ്യത്യസ്ഥമായ രീതിയിലുള്ള അന്വേഷണവും അതിനിടയിലൂടെ കുടുംബ ബന്ധങ്ങളിലെ ചില കണ്ടെത്തലുമാണ് ഏറെ പിരിമുറുക്കമുള്ള മുഹൂർത്തങ്ങളിലൂടെ അവതരിപ്പിക്കുന്നത്.

സുരേഷ് ഗോപിയാണ് ഈ ചിത്രത്തിലെ കേന്ദ്ര കഥാപാത്രത്തെ അവതരിപ്പിക്കുന്നത്. നിരവധി വിജയചിത്രങ്ങളുടെ കൂട്ടുകെട്ടായ ജോഷി-സുരേഷ് ഗോപി ചിത്രമെന്ന നിലയിൽ ഏറെ ശ്രദ്ധേയമാകുന്നു ഈ ചിത്രവും. നീതാ പിള്ള (പൂമരം, കുങ്ഫൂ ഫെയിം) സണ്ണി വെയ്ൻ,കനിഹനൈലാ ഉഷ, ആശാ ശരത്, എന്നിവരും പ്രധാന വേഷങ്ങളിലുണ്ട്സുരേഷ് ഗോപിയെക്കാപ്പം ഗോകുൽ സുരേഷ് ഗോപിയും ഈ ചിത്രത്തിലഭിനയിക്കുന്നു. ഇരുവരും ഒന്നിച്ചഭിനയിക്കുന്ന ആദ്യ ചിത്രമെന്ന നിലയിലും ഈ ചിത്രത്തിനേറെ പ്രത്യേകതയുണ്ട്.

വിജയരാഘവൻ, ജനാർദ്ദനൻ, ഷമ്മി തിലകൻ, ബിനു പപ്പു, സാ സ്വികാ, എന്നിവരും പ്രധാന താരങ്ങളാണ്. ആർ. ഷാനിൻ്റേതാണ് തിരക്കഥ, സംഗീതം-ജെയ്ക്ക് ബിജോയ്സ്, അജയ് ഡേവിഡ് കാച്ചപ്പിള്ളിയാണ് ഛായാഗ്രാഹകൻ. എഡിറ്റിംഗ്- ശ്യാം ശശിധരൻ കലാസംവിധാനം- നിമേഷ്.എം. താനൂർ, നിർമ്മാണ നിർവ്വഹണം – എസ്.മുരുകൻ ആലോഷ് സിനിമാസ് ആൻ്റ്ചാന്ദ് വി.മൂവീസ് ഈ ചിത്രം പ്രദർശനത്തിനെത്തിക്കുന്നു.

വാഴൂർ ജോസ്